Vi fann 75 artiklar i dette arkivet.
Smittefaren og tiltak rund pandemien som herjar landet gjorde at julegudstenesta vart litt spesiell, med berre 16 påmeldte. Det var påbud om munnbind og krav om avstand, og dette la nok ein stor dempar på førehandspåmeldinga til gudstenesta. Men vi som var der gjorde det beste ut av situasjonen og kom nok i god julestemning etter kvart.
Vi opplever travle dagar med proviantering til julehelga, fortel Terje Nordvik og Jorid Haugen Ansnes på Matkroken Todalen. Dei var travelt opptekne med å rigge til butikken da vi stakk innom staks etter opningstid tysdag morgon. Vi har knalltibud på pinnekjøtt i dag – og så langt beholninga rekk, med prisar drå kr 155,- pr kg for urøyka. Vi er «billigst i by’n» både på røyka og urøyka pinnekjøtt, fortel dei to.
Romjula er tradisjonelt ei tid der mange nyttar høve til å gå på kino. I år blir det eit, som følge av smitteverntiltaka eit begrensa tilbod, men for all del, det blir mogleg å ta seg både ein og to turar på kino. Surnadal kino har tilbod fire dagar i romjula, og viser kvar av desse dagane to filmar.
Fjord1 melder kl 14.49 om problem med ei kjørebru på ferjestrekninga. Det må derfor påreknast forsenkingar i trafikken utover ettermiddagen i dag.
Todalen Sokneråd inviterer til julekveldsgudsteneste i Todalen kyrkje fredag 24. desember klokka 16:00. Liturg er Einy Rendal Elgsæther, organist Ronny Kjøsen og solist/forsongar Nina Halset. Takkoffer til kyrkjelydsarbeidet, Vipps til #506908. På grunn av gjeldnande smitteverntiltak er det påmelding til gudstenesta.
I ei pressemelding frå kommuneoverlege Bjørn Buan i Surnadal kommune, får vi no i føremiddag ei statusoppdatering på smittesituasjonen i Surnadal kommune no før julehøgtida tek til. Vi får også praktisk informasjon i høve til tilgang på hurtigtestar og testing i romjula.
Sparebankstiftelsen Surnadal Sparebank møtte i kveld opp for å overrekke ei kjærkomen julegåve til Surnadal alpinsenter, på 15.000,- kroner, der pengane er øremerka til utstyr for skileik. Det var Nils Inge Aasgård, Heid Snekvik og Kathrine Mauset frå Sparebankstiftelsen Surnadal Sparebank, som i kveld møtte opp i Sæterlia og overrekte driftssjef Odd Rune Hoem gåva frå Sparebankstiftelsen til Surnadal alpinsenter.
Frå 1. januar 2022 endrar Svorka Nett AS namn til S-Nett. Svorka Nett er ein del av Svorka-konsernet og driftar og utvikler straumnettet til rundt 10 000 innbyggarar og bedrifter i kommunane Surnadal, Rindal og deler av Heim.
Endeleg snur sola, og frå tysdag 21. desember kl 16:59 (norsk tid) så går det mot lysare tider igjen på den nordlege halvkule. Det er nok mange som tykkjer at denne tida er tung og mørk, og når det er styggvêr så er det knappast skikkeleg ljosdag på denne tida.
I ei pressemelding frå kommuneoverlegen i Surnadal kommune, Bjørn Buan, får i ettermiddag vite at smittetrykket i kommunen er høgt. Dette har samanheng med pågåande smittesporing i 6. trinn ved Surnadal barne- og ungdomsskule. To elevar på 6. trinn ved skulen har testa positivt på hurtigtest dei siste dagane. Smittesporing har så langt ikkje kunne bekrefte smittekjelde eller samanheng mellom desse to.
I dag har det vore stor spenning under den individuelle konkurransen under WC i Randonee der Erik Kårvatn og Trym Dalset Lødøen frå det norske landslaget stillte på startstreken i klasse U20 menn. Det var nok ingen som kunne konkurrere med dei to Bussard-brødrene i dag heller, men både Trym og Erik gjorde ein heltmodig innsats i dagen løp.
I dag vart det montert nye ishockeyvant rundt skeisebanen på Bordholmen stadion. Todalen Idrettslag har investert rundt 115.000 kroner i nye ishockeyvant. Samtidig er det og investert i ein snøfres for å halde snøen borte frå skeisebanen, så no er det berre kuldegradane som manglar, før det blir skeiseis på Bordholmen att!