Vi fann 85 artiklar i dette arkivet.
Den gamle kranhallen på Talgø MøreTre på Syltøran i Surnadal kjem til heider og verdighet igjen, og blir no eit topp moderne høvleri. Den gamle kranhallen er på ca 1500 m2, og passer akkurat for å installere maskiner og utstyr som skal brukes til å produsere mellom anna terrassebord i det nye høvleriet.
Som ein direkte konsekvens av utvaskinga av sjøbotnen ved den Rykkjem fergekai, blir det frå og med laurdad 24.april og ut juni lengre overfartstid og færre avgangar i fergesambandet Kvanne – Rykkjem. Dykkarinspeksjonar har nemleg kartlagt at utvaskinga av sjøbotnen på Rykkjem fergekai aukar. Difor må overfartstida aukast, slik at ferga kan bruke mindre motorkraft og lågare fart når den legg til kai på Rykkjem. Dette skal minske belastningane på sjøfyllinga fram til ho er sikra.
Fredag 23.april klokka 19:00 kjem Namsos Allstar til Surnadal kulturhus med «The Hits of Bruce Springsteen». Namsos Allstar er det ein kan kalle eit «overskuddsprosjekt», og består av artistar frå DDE, Sambandet, Terje Tysland Band, Grannes samt Thoma, minsteblad, Brøndbo. For å kunne atterskape den kjente og magiske lyden til The E-street Band, har dei teke med seg saksofonisten Egil Furre i rollen som Clarence Clemons.
For 121 år sia låg det ein annan kar på kne her og spikra fast gulvplankar på eit av soveroma på Todalshytta. Det var Bendt Ellingsen som var ein av snekkarane som var med og bygde Todalshytta i 1900. Under restaurering av gulvet i suiten kom det fram i dagen ein signert gulvplank
På grunn av innreisekarantene, må Svorka utsette det varsla linjeettersynet med lågt-flygande helikopter, som eigentleg skulle ha starta i dag, til neste veke. Det er den svenske fotografen, som skal fotografere linjenettet, som er sett i innreisekarantene på Værnes. Dette betyr at heile linjeettersynet vil bli gjennomført frå og med tysdag 27.april og ei stor veke framover, til i byrjinga på mai. Linjeettersynet vil òg gå føre seg helga 1-2.mai.
Karl Johan Husby bur på Todalsøra og driv litt hobbyfiske med sjarken sin – som ligg til kai på Todalsøra. Karl Johan var ute for å prøve fisket ein dag denne veka, og da fant han eit solid båtutlegg som sannsynleg vis hadde kome rekande utåfrå fjorden – eller kanskje heilt uti i frå «fysnå». No ettelyser Karl Johan det rettsmessige eigar av båtutlegget, slik at dei igjen kan bli forent – og eigaren er faktisk funnen!
Surnadal kommune ønskjer å presisere reglane vedrørande bandtvang. Bakgrunnen for dette, er at dei i det siste, har fått fleire tilbakemeldingar frå folk om at bandtvangen ikkje blir respektert av alle hundeeigarar. Kommunen ønskjer difor å presisere at bandtvangen er absolutt og gjeld i perioden 1.april – 31.oktober i Surnadal kommune.
Det var Surnadal Sparebank som gjorde ære og stas på Sanitetskvinnene i Surnadal – det vil si dei tre sanitetsforeningane i Surnadal, Torvik og i Todalen. Tysdag vart dei overrekt Surnadal Sparebanks Utviklingspris – den tjuande i rekkja og kanskje den siste. Iallfall den site i Surnadal Sparebanks regi, etter som banken blir ein del av Sparebank1 Nordmøre frå 3. mai.
Snart er det 1. mai, og da startar sesongen for Stikk UT! sommar. I Surnadal kommune er det i alt i 12 turmål, tre av dei er nye for året.
Det er stadige endringar i rammevilkåra som gjorde at eigarane i Råssåfoss Kraftverk no vel å selje kraftverket til Småkraft AS. Måndag vart det klart at Småkraft overtek alle aksjar og leige av fallrettane som Råssåfoss kraftverk sitt på.
Sol frå skyfri himmel, og varme i lufta. Det vart ein riktig så fin dag for kløverturgjengen! Og det vart ein dag for lang og triveleg kaffipause ved gapahuken ved Båthølen.
Styret i Todalen Idrettslag kallar no inn til det utsette årsmøtet sitt. Årsmøtet blir torsdag 29.april. kl. 19:00 i Todalen ungdomshus. Årsmøtet var opphaveleg fastsett til torsdag den 25.mars, men måtte utsettast på grunn av smittevernreglane. Med nye smittevernreglar blir det mogleg å gjennomføre årsmøtet.