Forfattararkiv for

Fredag kom det «limousin» frå Geno på Hamar for å hente ein oksekalv som er kandidat til å føre sine gode genar vidare over heile landet. Eins ærend kom bilen til Todalen for å hente oksekalven, som er utplukka som ein av 240 av dei beste oksekalvane som skal føre «slekta» vidare. Men «nr 1446» skal gjennom fleire testar, før han får sleppe til i avlsarbeidet når han blir kjønnsmoden etter kvart. Berre halvparten av dei 240 vil bli bruka i avl og berre nokre få av dei vil hamne som eliteoksar, så nålauget er trongt….

Straks før kl 11 fredag var det solformørkelse – i Longyearbyen på Svalbard var den total, medan den her omkring var i overkant av 90%. Vi merka nok at intensiteten på sollyset vart litt dempa, men hadde vi ikkje visst om den så hadde vi no ikkje merka så mykje til den. På kaffekroken var det stor fokus på det som skulle skje, og enkelte hadde rusta seg ut med sveiseskjermar for å kunne sjå på fenomenet.

Etter den ufattelige tragedien på Utøya den 22. juli 2011, har det vært mange og lange debatter om hva som skulle skje med anlegget og hvordan «nye» Utøya skulle bli. Etterhvert har dette gått over i en planfase og i disse dager reises den nye «torglansbyen», som er finasniert med midler fra 22. juli-fondet. Talgø er gjennom MøreTre med på prosjektet gjennom levering av MøreRoyal tretak. Prosjektansvarlig ved MøreTre, Bjørnar Brøske, sier til Todalen.no at det er med stor ydmykhet og respekt han mottok denne ordren – som blir til et av de mest spesielle byggeprosjekter i Norge i vår tid.

Her kjem fleire inntrykk frå Nordmarka, der 2015 IPC Nordic Skiing World Cup Surnadal er i full gang. Onsdag stillte elevane ved Todalen oppvekstsenter opp som heiagjeng på Nordmarka. Det vart litt av ein festdag, fortel Britt Mossing, som har sendt oss tekst og bilder frå turen…

Denne veka arrangerer Surnadal idrettslag 2015 IPC Nordic Skiing World Cup – det er verdscup for funksjonshemma. I dag stod skiskyting på programmet med 60 deltakarar frå åtte nasjonar. Deltakarane stiller i tre ulike klassar: synshemma, ståande og sitjande. Alle deltakarane imponerte stort, det er utruleg flinke idrettsutøvarar med stort pågangsmot og eineståande flott innsats!

I Smålandsgrenda er det stor aktivitet på byggefronten. Nerbøen (Skortinn i daglegtale) er under omfattande restaurering, og blir etterkvart mesta som ny. På nabotomta Midtbø (Stuå i daglegtale) er det nybygg på gang – og travelt var det på begge byggeplassane. Kåre Stenberg mura nye murpiper over det nye tretaket i Nerbøen, og i Midtbø vart det klargjort for støyping av ringmur og plate for å sette opp nytt elementbygg.

Siste helg var det mange som nytta det fine vårværet til å kome seg ut – enten til fjell, ller for å pusle med eit eller anna i hagen, – eller til å bli med på den organiserte søndagsturen 52/17, slik som vi! Tok nemleg turen til Betna på søndag, nettopp for å delta på søndagsturen til Bettennesset. Kuldegrader om natta hadde lagt ei tynn ishinne på Betnavågen, og den heldt stand utover dagen sjølv om det vart både sol og litt varme utover dagen.

På Ansnessaga er dei vant til grove dimensjonar på produkta dei lagar. Da vi stakk innom på fredag, var Ivar Bolme og Råg Mikkelsen i gang med å ta ut ferdigtørka materialar frå tørka. Ein av stokkane utmerka seg med tanke på dimensjon, for det er liksom ikkje kvardagskost med skurlast på 12×16 tommar. Dette er på langt nær nokon rekordstokk, men likevel har den ei lita historie.

I kveld var det ny runde i den innleiande konkurransen til den store sjakkfinalen som er planlagt til påskehelga. Neste søndagskveld går dei siste innleiande rundane, og spenninga stig for kvar dag som går. Søndag kveld var heile 13 av dei 16 deltakarane oppmøtt i Kaffekroken, som i vinter har vore arena for den store […]

Dagane er lyse og solrike, og det er tid for å «stikke ut» ein tur. Gammelvegen uti Svinvikhamrane er no heilt bar og tørr, så der er det fint å gå tur no. I dag var May og Tor ute og kosa seg i finveret – dei praktiserer kvardagsrehabilitering på ein fin måte! Oppe på høgaste punktet av vegen er postkassa med «Stikk ut-boka», der kan ein skrive namnet sitt.

Denne tida er det nok fleire vårtegn på gang rundt omkring. I Viastua har dei vorte velsigna med eit vinterlam, som nok blir litt av ein bortskjemt storebror etterkvart. Han kom til verda ein av dei første vekene i mars, og blir nok halvannan månad før saulamminga kjem i gang for fullt nærare midten av april.

Med sol frå skyfri himmel og temperatur på godt over ti grader, er det fint med ein tur ut for å sjå etter vårteikn. I blomsterhagane finn vi no både julerose, blåveis, snøklokker og krokus. Humler og bier summar rundt. Kvitsymre og hestehov har ikkje dukka fram enno, men hasselen blomstrar.