Forfattararkiv for

Det er på det næraste klart for finale i valkampen, og den siste tida har vore prega av valgkamp i media både på pair og på nett, i tillegg til at du har treft på listekandidatar som har stått på stand og marknadsført sitt parti. Vi trur mange har fått nyttig informasjon og ikkje minst har dei vorte kjent med mange nye ansikt i politikken – sjølv om det også har vore mange «gamle» kjente. I dag helsar ordførarkandidat til førstegongsveljarane og oppfordrar til å delta i valet.

Inge Nordvik gikk Trollheimsmarsjen over fjellet frå Todalen til Ålvundeid søndag, saman med 38 andre. Todalen.no har fått ein bildeserie frå Inge, som var Drivas mann på turen denne gongen. Her har vi lagt ut bildeserien, som startar på Bordholmen og viser bildeglimt fram til Vardan, der nedfarten til ålvundeidet startar. Bildeglimt frå turen frå Todalen […]

Måndag 14. september skal vi gjera fleire val. Det er nok kommunevalet og fylkestingvalet som har fått størst fokus, men vi har også kyrkjeval og i Todalen skal vi velge nytt PT-utval. Alle vala kjem til å gå føre seg i skuleområdet ved Todalen skule. Kommune- og fylkestingvalet blir i biblioteket på skulen, medan kyrkjevalet vil gå føre seg i gammelskulen og val av PT-utval blir i Vømmølbua til Lars Kvendset som vil bli plasser utafor skuleporten. Alle sammen er viktige val, men mest lokalt blir nok valet av nytt PT-utval (eller grendeutval om du heller vil).

Stangvik Jentekor startar øvingane tysdag kveld og ønskjer nye songarar velkomne. Den livlege gjengen driv med allsidig program. Nyleg gjorde dei suksess med «Kardemomme-fest» både på Nordvik og i Bøfjorden. Både dette og andre morostykke blir aktuelle også i vinter.

Noora Noor, Dr. Bekken og Richard Gjems tok nærast todalingane med storm på avslutningskonserten på Todalshytta søndag ettermidddag. Verten på Todalshytta, Eric Malling, kunne ønske eit hundretals publikum velkomne til sesongens siste konsert søndag ettermiddag. Etter konserten skjønner vi kvifor todalingane prioriterte konserten med denne gjengen framfor Trollheimsmarsjen – og vergudane spela på lag denne gongen også.

Dagens Trollheimsmarsj fikk ikkje den heilt stor oppslutninga – den usikre vêrsituasjonen får nok ta mesteparten av skulda for det, men konserten på Todalshytta med nærare hundre tilhørarar er nok ei god forklaring på kvifor det var nærast «møssfall» frå todalingane.

Det vart ein bra start på hjortjakta for Talgø jaktlag denne helga. Fredag vart det 4 dyr i i Gammelseterdalen – 2 koller og 2 kalver. Søndag vart det kronhjort på jaginga frå Hardholten og innover til sommarfjøset på Kårvatn.

Under søndagens gudsteneste vart konfirmantane for 2016 presentert. Dei er 2 i talet, og startar no konfirmasjonsførebuinga i lag med konfirmantane i Stangvik, fortalte sokneprest Bernt Venås, da han ønska dei velkomne som konfirmantar under gudstenesta. Sjølv om dei berre er to, så var han sikker på at dei skulle få ei fin tid saman dei neste to semestra, fram til konfirmasjonen som blir søndag 8. mai i Todalen kyrkje.

Trollheimsmarsjen er i gang – dei første er forlengst på tur frå Bordholmen og er klare til å ta fatt på Ørsallia på tur til Ålvundeid. I morgontimane regna det godt, og det var litt tvil om det var forsvarleg å sleppe folk over fjellet, men i 9-tida var det verste regnet over, og etterkvart letta skodda. Yr.no melder lettare vêr etter kvart, og det blir nok etter kvart bra turvêr, trur arrangøren. Starten for Trollheimsmarsjen går fram til kl 11 i føremiddag.

Søndag ettermiddag kan du gle deg til ein spennande ettermiddagskonsert på Todalhytta. Da kjem Noora Noor, Dr. Bekken og Richard Gjems direkte frå konsertpremiere i Stjørdal til Todalshytta – neste helg avsluttar dei miniturneen i Kongsvinger og i Oslo.

Tidelegare i sommar vart einebustaden Bjørnrud lagt ut for sal, men det vart ikkje noko sal i første runde. No ser vi på FINN.NO at bustaden har fått ny og lågare pris, – der prisantydinga er på 990.000.  Fleire opplysningar finn du ved å følge linken til annonsen på Finn.no.

Alle klagar på den elendige sommaren – i år har det regna heile sommaren, og gradstokken har mange dagar vist einsifra gradtal, seier mange. Men var vëret egentleg så dårleg i sommar – og korleis var temperaturen samanlikna med dei tidlegare sommarane? Antal sommardagar er ein god indikator på korleis sommaren har vore – ein sommardag er ein dag kor maksimumstemperaturen har vore minst 20 grader – eller meir i løpet av døgnet.