Stangvik Jentekor startar øvingane tysdag kveld og ønskjer nye songarar velkomne. Den livlege gjengen driv med allsidig program. Nyleg gjorde dei suksess med «Kardemomme-fest» både på Nordvik og i Bøfjorden. Både dette og andre morostykke blir aktuelle også i vinter.
«Kardemomme-festen» innheldt både scener og songar som jentene imponerte stort med i sommar.
Koret er elles knytt til Stangvik kyrkje og har hatt både drama og songframføringar der. I haust blir det øving på både gamle og nye songar – og på rørsler og små dramatiseringar.Koret blir hovudaktør på «Vår eigen julekonsert» i desember. Og alt på første øvingskveld blir juletonane henta fram.