Forfattararkiv for

Gjengen som har engasjert seg med underhaldninga på 3. dagsfesten har komme godt i gang med arbeidet melder koordinator Svein Åge Saksen. Vi har delt oss inn i grupper og byrja skriveprosessen fortel han. Nokon arbeider åleine, medan andre har gått saman med skrivinga. Dei som sitt i skrivegrppa er Rune Moe, Lars Sæther, Nils Ove Bruset, Borghild Betten Talgø og Håvard Halset,som vil ha litt kustus på ungdomsgruppa. Ellers har Gudmund Husby takka ja til å vera kappelmeister.

Todalen Sanitetsforening ønsker å minne på att om turen til mammografi og/eller osteoporosemåling (beinskjør) i Kristiansund laurdag 12.november. Det vil  bli kjøyrd utover i privatbilar. Påmelding rettast til Kari Kvendset tlf. 71 66 38 81 / 92 84 48 42 før 7.november. Her er det inga aldresgrense for å vera med, då det heller er inga […]

I dag var det oppstart i oppgraderingsarbeidet ved MøreTre sitt anlegg i Todalen, også kalla Ansnessaga. Der skulle det gamle overbygget der laften kjem ut frå saga fjernast, då det hadde sett betre tider og nerma seg forfall. Manskapet der ute hadde bestillt assistanse frå Erling Søyset med kranbil for å løfta det vekk. Karane starta arbeidet med å feste stroppane, slik at det berre var å laustna heile taket frå pillarane med motorsag. Slik fekk dei fjerna alt i eit løft. Frå dei festa den første stroppa til heile taket sto ved sida av til slutt tok det ca 30 minutt, i underkant av kva dei hadde trudd før dei starta.

Heile 23 prosjekt vart stilte ut og fekk godkjent etter ein lang innspurt mot målet i går kveld då Start 4H inviterte til den årlege haustfesten. I år var et to stykker som avslutta etter vel 10 år som aktiv 4H’ar, og dermed blir invitert til årsmøtet til Møre og Romsdal 4H for å motta den ettertrakta plaketten. Desse to var Jan Eilert Pedersen og Endre Talgø. Som alltid får dei ulike klubbane besøk frå fylkeskontoret i 4H til å dela ut dei ulike merka, og i år som i fjor fekk Start besøk av Torill Sandnes. Ho skrytte av utstillingane, og ikkje minst av fritidsklubben som blir dreve av 4H.

Todalen Sanitetsforening dreg i gang julegaveinnsamling til Estlandsforeninga i år som i fjor. Dette er av same art som klesinnsamlinga, då julegavane bli sendt ned til Estland med Estlandsforeninga som har sine kontaktar i Rindal. Saniteten har i fleire år arrangert klesinnsamlingar, men ønska i fjor også å bidra enda meir med å sende julegåver nedover. Tirsdag ettermiddag er det difor høve til å svippe nedom Sanitetshuset med eit lite bidrag.

Då er medlemane i Start 4H inne i innspurtsveka si før haustesten førstkommande søndag. Mondag kveld var ein gjeng samla på Bordholmen for å øva både på songar og anna framføring til haustfesten. Men haustfesten er ikkje det einaste dei har føre seg denne veka; fredagskvelden held dei årsmøte med påfølgjande halloweenfest etterpå, medan prosjekta […]

I heile haust har ein gjeng skodespelarar og songarar under komando av Svanhild Husby møttes jamnleg til forberedelsar til oppsettinga «Huldredans» på Surnadal Kulturhus 19.november. Svanhild har handplukka ein gjeng på 14 stykker som før kanskje ikkje har vore fremst framme i revy og teatermiljøet i Surnadal, men etter førehandsomtalane av stykket kanskje blir å sjå oftare. Og også Todalen er representert med «sine» talent, både med heile, halve og inngifta.

I dag går den årlege TV aksjonen i regi av NRK av stabelen. Dette er den 37. i rekkja, og årets innsamling går til Norsk Folkehjelp og arbeidet med å fjerne miner og klasebomber som ligg att etter krig og konflikt. Innsamlinga går føre seg mellom 15-17 no i ettermiddag, så då er det berre å vera klare når dei lokale bøsseberarar kjem innom kvar enkelt husstand.

I går kveld opna biblioteket dørene for ein aktivitetskveld på skule biblioteket. Her var både høgtlesning, quiz og litt orientering om korleis ein kan leite fram ulike bøker både på nett og i katalogar. Britt Mossing orienterte nokre av dei frammøtte om kvar dei kunne finne forskjellige bøker. Her viste ho korleis ein kan søke […]

Torsdag kveld arrangerer biblioteket og FAU ved Todalen Oppvekstsenter bokkveld for alle interesserte i Todalen og omegn. Her blir det quiz, høgtlesning, enkel servering og ellers høve til å gjere seg kjent med biblioteket på skulen.

Førstlkommende onsdag startar herretrimmen oppatt. Dei ønker alle over konfirmaasjonsalder og oppover til fartsfylt mosjon ved Todalen skule frå 20 til 21.30. Primus motorar er Knut Jarle Bergli og Dan Roger Pedersen. Så her er det berre å blese støvet av gymskoa og ankelstøtta og driste seg i veg. På eige ansvar.

Strikkekaffeen som jamnleg møtes i Sanitetshuset på laurdagar har engasjert seg i strikking for fortidlegfødte barn. Dei har kasta seg med på «Amandaprosjektet». Dette er eit prosjekt starta av eit foreldrepar som hadde ei lita dotter som levde så og seie heile sitt liv på nyfødt/barne intensiven på Rikshospitalet. Her produserer dei bittesmå sokkar, luer og tepper, som er planlagt å leverast på nyfødtavdelinga ved St. Olav i Trondheim. Dei engasjerte damene presiserer at det slettes ikkje er nødvendig å møte opp i sanitetshuset. Ein kan delta i prosjektet uavhengig fra kvar ein er. Tanken var å kunne levere ei ladning til jul.