Forfattararkiv for

Måndag 27. februar er det ny Kløvertur. Start frå Matkroken kl. 11.00. Turen denne gongen blir etter veg – frå Matkroken utover Stranda til kraftstasjonen, tilbake ned til smoltanlegget og rundt i Sissigrenda.

Måndag 20. februar blir det ny Kløvertur. Start frå Matkroken kl. 11.00. Turruta denne gongen er slik: Frå Matkroken går turen ned forbi fabrikken til Bordholmen, langs Toåa til Gunnøya og eventuelt innover til Båthølen og retur til butikken.

Første kløverturen i år vart arrangert måndag 13. februar, og turveret var strålande, sol frå skyfri himmel og nokre få, små varmegrader.

Minner om «Kløverturen» måndag 13. februar. Start frå Matkroken kl. 11.00. Turen går innover skogsvegen frå Sanitetshuset. Så kan ein enten ta turen litt oppover til Løfta og Sissihaugen eller gå fram og tilbake. Tempo og lengde etter eige ønske.  Alle er velkomne til å bli med ut på tur! Yr.no melder godt ver,  2 varmegrader […]

Blir du med ut på tur?

Sanitetsforeninga startar opp med «Kløvertur» måndag 13. februar. Da blir det høve til å gå tur i lag med andre, få frisk luft og mosjon, prate og ha det kjekt

Måndag 6. februar heldt Todalen sanitetsforening årsmøte med riktig godt oppmøte. Der vart det delt ut heider til Sigrun Margrete Ørsal som vart utnemnd til æresmedlem i Todalen sanitetsforening.

Fredag ettermiddag var barnehageungane og elevane ved Todalen oppvekstsenter inviterte på kunstutstilling i Gammelskulen.

Måndag 16. januar starta som ein riktig fin vinterdag. Gradstokken viste minus åtte grader oppå Tjønnmyrå, og det er kjempefine forhold i lysløypa med nypreparerte spor.

Tredje juledag var det triveleg todalstreff på sjukeheimen i Surnadal, eit heilt nytt arrangement. Initiativtakar og primus motor var Terje Nordvik. Han fekk ideen eit par veker før jul da Sanitetsforeninga tinga blomster som skulle vere julehelsing til todalingar som er 80 år eller eldre.

Tysdag 20.desember koka dei julegraut i Todalen barnehage, og etter at ungane hadde ete seg gode og mette, var det ein stor kumme med graut att. Det var bra, for dei visste at nissen også gjerne ville ha julegraut.

Det blir revy 3. juledag i år, og, – revygjengen er i full gang med intense øvingar i Ungdomshuset. Revygjengen tel i år 11 personar, ein godt innarbeidd gjeng med godt humør.

I år kjem det ingen rundt i heimane i Todalen for å selje «Jul på Nordmøre» slik som brukvisen har vore i mange år. Men no er dette tradisjonsrike juleheftet til sals hos Matkroken, Todalen. «Jul på Nordmøre» kjem ut for 81. gong, og leiaren i skriftstyret, Lars Steinar Ansnes, kallar det ein kulturinstitusjon.