Vi fann 1024 artiklar i dette arkivet.
Laurdag fylte Per Vattøy 67 år, og tysdag 29. oktober hadde Per siste arbeidsdagen sin som sjåfør for TINE. Han avslutta yrkeskarrieren sin i Matkroken i Todalen, der Terje N serverte gode kaker og kaffe. Rune Jonsdal frå TINE i Trondheim var med på siste turen til Per. Han skal ta over ruta til Per, men berre midlertidig.
Måndag 28. oktober blir det Kløvertur etter Toåa tursti. Oppmøte ved Hals/Matkroken kl. 11.00. Yr melder litt regn og berre 2 grader, altså lite triveleg ver for pause i gapahuken.
Da er ein del av julestria alt unnagjort, i alle fall for ivrige medlemmar i Sanitetsforeninga. Laurdag under strikkekaffen vart det pakka inn mange fine strikkaprodukt til både barn og vaksne i Estland. Her var det fine ullgenserar, lestar og vottar. I tillegg var det levert inn mange ferdigpakka gåver, og ein kunne sjå på presanglappane at her var det pakkar både til familiar, barn, ungdommar og eldre. Og gåvene skal kome til Estland alt neste veke, altså i god tid før julekvelden.
Sanitetsforeninga arrangerer strikkekaffe i Todalen sanitetshus laurdag 19. oktober i tidsrommet frå kl. 13:00 til 16:00. Under strikkekaffen tek Sanitetsforeninga også i mot julegåver til Estland. Julegåvene må vera innpakka og merka med alder og kjønn til ønska mottakar.
No er det tid for ein ny runde med fotpleie i Todalen sanitetshus. Fotterapeut Pan Promchart Hoset kjem måndag 28. oktober og tysdag 29. oktober. Det er mange ledige timar båe desse dagane. Påmelding til Marit Sanden Søyset på telefon 980 36 391. Marit og Pan set pris på at folk melder seg på så […]
Sol frå skyfri himmel og vindstille – ein topp dag for Rusletur og Kløvertur på Kvennsetørå. Etterpå var det lunsj i Sanitetshuset, mykje folk og god stemning rundt borda.
Heilt sidan 2010 har Todalen sanitetsforening sendt julegåver til Estland. Dette er eit samarbeid med Estlandsforeninga i Midt-Noreg, og dei dreg til Estland med julegåver 22. oktober.
Todalen sanitetsforening inviterer måndag 14. oktober eldre og godt vaksne i bygda til lunsj i Sanitetshuset kl. 12.00. Det blir eit enkelt måltid med tid til å prate og hygge seg rundt borda.
I motsetning til siste måndagen i september kom første måndagen i oktober med nydeleg haustver; stålande sol frå skyfri himmel og vindstille, men kaldt. Mykje snø i fjella, og mange kuldegrader om natta.
Måndag 7. oktober er det Kløvertur til Haltbakkan. Møt opp ved Hals/Matkroken, samkjøring derifrå kl. 11:00. Turen startar frå Rabbleet. Alle er velkomne til å blir med ut og gå!
Todalen sanitetsforening fekk i 2018 midlar frå Egmont-stiftelsen for å fremje interesse for bøker og litteratur og stimulere til større leselyst hos barn og unge. Fredag før haustferien var den store dagen da May-Elisabeth Holten frå Sanitetsforeninga kom med bokgåva for 2019. Ikkje mindre enn 26 splitter nye og fine bøker hadde ho med seg.
Siste dagen i september kom med høljeregn, sludd og snøelingar, og av til litt opphaldsver. Gradstokken viste berre tre – fire varmegrader, men Kløvertur vart det. Turen gjekk i Halagrenda, frå Halabakkå og inn til Halaneset.