Forfattararkiv for

I ei pressemelding frå Svorka no i ettermiddag, kan vi lese at Svorka har hatt ein strålende start på det nye året, og kan melde om positive prisnyheiter for solcellepanel. Ei av årsaken til at prisene på solceller har gått ned, er at det amerikanske finansdepartementet nylig kom med ei rettleiing som opnar opp for at det kun blir USA-baserte solcelleutviklarar som skal få skattefrådrag som blir tilbydd gjennom Inflation Reduction Act (IRA) – så lenge dei lagar solcellene sine i Statene. Dette har stoppa alle leveransar av solcellepanel frå Kina til USA, og fører til eit overskott på solcellepanel i Europa.

Da har vi lagt inn Remidt sin tømmekalender for glass- og metallavfall, restavfall, papir og papp, plast- og matavfall, for mars og april 2024 inn i aktivitetskalenderen vår her på Todalen.no. Merk at henting av glass- og metallemballasje og plastemballasje blir henta laurdag 6. april denne gongen! 

Fredag 8. mars, mellom klokka 12:00 – 17:00,  inviterer Lia gard til nytt bakeriutsal i Lia. Så da blir det mogleg å få kjøpt noko godt for å markere slutten på enda ei veka, eller for å markere at våren er komen!

Denne gongen også på Jylland! Men først til ein plass der det er overmåte tjukt strødd. For filmeposet Dune 2 held fram på sandplaneten Arrakis. Filmane er basert på den klassiske science-fiction-romanen til Frank Herbert og regissør Denis Villeneuve var rette mann til å gå laus på oppgåva. Dune 2 er ei visuell oppleving av dei sjeldne, som einaren også var.  Dune 2 blir vist på kinoen både tysdag 5. mars klokka 18:00 og onsdag 6. mars klokka 19.30.

Måndag 4. mars klokka 11:00 inviterer Todalen sanitetsforenig til ny kløvertur. Oppmøte på Matkroken Todalen.

Dei siste dagane har det kome ein del stein ned i vegbanen nær toppen av Falla på Dalavegen. Kjell Gunnar Polden har, så langt fått fjerna desse med traktor, etter kvart som dei har kome ned. Men det er mykje stein oppover skråninga, både små og store, som ganske sikkert vil rase ned ganske snart. Så i dag fekk Kjell Gunnar med seg Per E. Gjeldnes med gravemaskin for få laga ei grøft mellom vegen og skråninga, i håp om å få, i alle fall dei minste steinane til å stoppe i grøfta.

Kirkens Nødhjelp sin fasteaksjon, er etter TV-aksjonen, den største innsamlingsaksjonen i Norge. Akkurat no gjer kyrkjelydane over heile landet seg klare til å gjere ein innsats for å gje håp til mange som treng det, i ei verd som er sterkt prega av nød og liding.

Todalen Idrettslag gjennomfører sitt årsmøte torsdag 7. mars klokka 19:00 i Todalen ungdomshus. No er fullstendig sakliste til årsmøtet klar, og idrettslaget håper medlemmane møter opp på årsmøtet. 

I går kveld besøkte Riksteatret, i samarbeid med Teatret Vårt Storstuå på Surnadal kulturhus, der dei viste fram teaterstykket Det mørke fortet. Seks lokale Minecraftspelarar var med som aktørar under framføringa. Frå Todalen var det Sivert Sogge, Trygve Aleksander Halle, Fredrik Sogge og Håkon Brøndbo som entra scena.  

I kveld var det årsmøte i Nordvik Grendalag i Nordvik forsamlingshus. Her stod vanlege årsmøtesaker som årsmelding, rekneskap, val og innkomne saker på saklista. Grendalaget serverte også kaffe og noko å bite i under årsmøtet sitt. 

Surnadal Jeger og Fiskerforening (SJFF) minner sine medlemmar om årsmøtet torsdag 29. februar klokka 18:30 i klubbhuset på Tellesbø, Nordsida 198. Vanlege årsmøtesaker.

Onsdag 28. februar klokka 18:00 – 19:00 inviterer Barne- og ungdomsgruppa i Todalen Idrettslag til Balleik i gymsalen ved Todalen skule. Her blir det opp til dei som møter opp å avgjere kva for balleikar dei skal halde på med i timen dei har til aktivitetar. Tilbodet gjeld for 1 – 10. årstrinn.