I kveld var det årsmøte i Nordvik Grendalag i Nordvik forsamlingshus. Her stod vanlege årsmøtesaker som årsmelding, rekneskap, val og innkomne saker på saklista. Grendalaget serverte også kaffe og noko å bite i under årsmøtet sitt.
Ola J. Nordvik vart attvalt som leiar. Elles fekk han med seg desse i styret:
- Kristoffer Nordvik, nestleiar
- Hanne Vaag, sekretær, nyvalt
- Fay Mossing, kasserar
- Nina Vikan, styremedlem, nyvalt.
- Lina Skjerve Vatten, 1. vara
- Asbjørn Holten, 2. vara
Rekneskapen for Nordvik Grendalag viser eit underskot på litt over 45.000 for 2023, men ei restutbetaling frå Sparebankstiftelsen Surnadal Sparebank på nyåret til oppussinga av kjøkkenet i forsamlingshuset, gjer at det reelle underskotet er på 15.000, Underskotet kan i si heilheit tilskrivast oppussinga av kjøkkenet i forsamlingshuset i fjor haust.
Balansen viser at grendalaget, sjølv med eit underskot i 2023, har ein eigenkapital på i overkant av 120.000 kroner, så grendalaget har ein sunn og solid økonomi.