Forfattararkiv for

Den siste perioden med godt vêr og ganske høge temperaturar har gjort at sjøisen, som har vore målt til opp mot 20 centimeters tjukkelse, no syng på siste verset. 

Todalen historielag minner om årsmøtet i morgon tysdag 19. mars klokka 19:00 i Todalen ungdomshus. På sakskartet står vanlege årsmøtesaker.

Kyrkja i Surnadal inviterer til «felles middag» på kyrkjelydshuset onsdag 20. mars klokka 16:00. Store og små i alle aldrar er da velkomne til kyrkjelydshuset på Skei, der det blir servert middag med påfølgande ettermiddagskaffe/te.

Fredag 22. mars, mellom klokka 12:00 – 17:00,  inviterer Lia gard til palmehelgutsal i Lia. Denne gongen kan Lia gard også tilby spaltbrød og sitronkake, som båe er nye produkt frå dei. Dei som førehandsbestiller er med i trekninga av ei sitronkake. Så da er det mogleg å få sikra seg grovbakst og kaffebrød til påska!

Ar sjømat AS frå Kristiansund vil tysdag 20. mars, i tidsrommet 11:00 – 16:30, ha salsstand utanfor Matkroken Todalen, der dei vil selje forskjellege fiskeprodukt. 

Torsdag 21. mars klokka 19:00 inviterer kulturskulen til sin årlege bandkonsert, noko som i år går føre seg i Trudvang. Årets bandkonsert er eit samarbeid mellom kulturskulen og SKUV og blir altså i år arrangert i Trudvang på Surnadalsøra.

Søndag 24. mars klokka 13:00 inviterer Svinviks arboret til podeverkstad. Dette er eit tolbod som passar for deg som er nybegynnar og har lyst til å lære grunnleggjande teknikk for poding av frukttre,

Stangvik Grendalag inviterer til «påskepub» i Bryå i Bondehuset i Stangvik laurdag 23. mars frå klokka 18:00. Det blir sal av snacks og leskande drikke, da arrangementet har alle rettigheiter. Det er 18 års aldersgrense for å kome inn på «påskepuben». 

I kveld var det møte mellom arbeidsutvalet, supplert med bygg- og anleggsleiar i Todalen Idrettslag og styret i Todalen Elveeigarlag, for å drøfte ny leigeavtale for drift av campingplassen ved Bordholmen stadion. Bakgrunnen for møtet var at leigeavtalen som elveeigarlaget har hatt med idrettslaget gjekk ut i oktober i fjor, og at elveeigarlaget hadde teke kontakt med idrettslaget for å få ei eittårig forlenging av denne, slik at det kunne bli campingdrift ved Bordholmen også komande sesong. 

Det har vore mykje sand i kinomaskineriet i det siste, men no er Dune 2 ferdigspelt, og det gjer at det blir plass til mange nye filmar på Surnadal kino! Den danske «westernfilmen» Bastarden går går rett nok enno, og denne veka går den også på dagtid.

Da er tida inne for å fornye støttemedlemskapet sitt i Todalen.no. Støttemedlemskapet kostar kroner 200,- per person per år. Dei som er registrert med e-postadresse har allereie fått faktura for støttemedlemskap i innboksen, medan dei som ikkje har registrert e-postadresse får faktura i posten i nærmaste framtid. 

Todalen bøgdalag inviterer til påskequiz i Todalen ungdomshus onsdag 27. mars (onsdag i den «stille uke») klokka 20:00. Dørene opnar klokka 19:00. Fine premiar til dei to beste laga. Det blir sal av brus, øl og snacks.