Vi fann 2472 artiklar i dette arkivet.
Barne- og ungdomsgruppa i Todalen Idrettslag melder at det no er fin skeiseis og gode forhold igjen på Bordholmen. – Skeiseisen er nypreparert og forholda er veldig fine, kan Finn Ranes i Barne- og ungdomsgruppa fortelje.
Styret i Surnadal Arbeiderparti kallar inn sine medlemmar til årsmøte torsdag 15. februar klokka 19:00 i møterommet på Surnadal sjukeheim. Det blir vanlege årsmøtesaker og utlodning.
Todalen Idrettslag har preparert løyper med skispor i Toåa tursti, rundt om på Kvennset og oppover Smålandsgrenda. Rapportane seier at det er kjempefine forhold for å gå på ski, så da er det inga unnskyldning for å ikke ta seg ein skitur!
Da vart vi straumlause i store delar av Todalen. Det var litt etter halv sju at straumen forsvann. På biletet, som Ingri Bruset har teke, ser vi at det brenn i ei straummast, som er årsaka til dette.
Barne- og ungdomsgruppa i Todalen Idrettslag inviterer til «barn i løypa» i lysløypa på Tjønnmyra 9nsdag 7. fabruar klokka 18:00 – 19:00. Det blir servert saft etterpå, og det blir fyrt i paisen i gapahuken. Barne- og ungdomsgruppa lover nypreparerte løyper og fine forhold for å gå på ski.
Søndag 11. februar er det morsdag, så fredag 9. februar, mellom klokka 12:00 – 16:00, inviterer Lia gard til morsdagsutsal i bakeriutsalet sitt i Lia. Så da blir det mogleg å få kjøpt noko godt for å overraske mor! Det blir også mogleg å få kjøpt både grovbrød og knekkebrød.
Litt over to år etter at hengebrua over Toåa i Brusetmarka over til Heggøysida, fekk skade av vind, har stormen som herja i går ettermiddag og kveld skada den ytre wiren slik at hengebrua har vorte skeiv. Svenn Rune Kjølstad, som er nabo til hengebrua, advarer på Oppslagstavle Todalen folk å ferdast over brua, spesielt no når det er snø og is, advarer han.
Frå torsdag til i morgon, søndag, er Møre bispedøme og biskop Ingeborg Midtømme vertskap for preses i Bispemøtet Olav Fykse Tveit, som er desse dagane er på nordmørsbesøk. I dag tok dei to, saman med prost Vidar Wilhelmsen Rygh i Indre Nordmøre prosti turen til Todalen. Først var dei innom kaffekroken på Matkroken Todalen for ein uformell samtale og kaffelag, før turen gikk vidare til Todalen kyrkje for aftensong der.
Linn Skåber si bok, Til oss – fra de eldste, har vorte teaterforestilling, og torsdag 8. februar klokka 12:00 kan du få den med deg i Storstuå på Surnadal kulturhus. Hør Astrid Overaa fortelje om livet og alt vi må gjera før vi trur det er for seint. Førestillinga er ei «bridgeblanding» av song og musikk, latter og ettertanke. Historiene er, som nemnt, henta frå Linn Skåber si populære bok, og Astrids eigne tankar om å bli eldre.
Søndag 4. februar klokka 11:00 inviterer Todalen Sokneråd til gudsteneste i Todalen kyrkje. Under gudsteneste vil det bli både dåp og nattverd. – Eg vonar folket ikkje er heilt utslitne etter bispebesøket laurdag, så somme (helst mange) finn vegen til kyrkja også søndag, seier fungerande sokneprest, – Det vert dåp av ei lita jente, og for meg vert dette litt spesielt, for eg døypte mora til jenta for om lag 30 år sidan!, legg han til.
Todalen Idrettslag, kopierer gjengen i Korsen, og inviterer til «Pop-up» bruktmarked i Todalen ungdomshus laurdag 17. februar klokka 12:00 – 15:00. Her kan du leige bord til 100,- kroner og selge ting du ikkje lenger har bruk for, som til dømes: sko, ski og anna sportsutstyr, pene klær, bestikk, dekketøy, bøker, vesker, sekkar, bagar, reiskap og mykje meir. Det einaste du betaler er altså 100,- kroner for å leige bord, resten er ditt! Det er også lov å selge ting du har laga sjølv. Dette er eit godt bidrag til reell berekraft!
I går kveld hadde Barne- og ungdomsgruppa i Todalen Idrettslag invitert til balleik i gymsalen ved Todalen skule. Og responsen på invitasjonen var god, og eit tosifra ungar i grunnskulealder møtte opp for å vere med på ein time med balleik. Ola Dalsegg og Anders Gjeldnes leia balleiken. Først var det Tarzansisten som oppvarmingsøving. Etter […]