Vi fann 2403 artiklar i dette arkivet.
Det er Koret Prosjekt 17 som er hovudaktør, når Todalen Sokneråd inviterer til «vi syng jula inn» i Todalen kyrkje søndag 10. desember klokka 15:00. Same julekonsert blir også arrangert same dag i Åsskard kyrkje klokka 19:30.
I kveld var det Øyagrenda sin tur til å tenne julegrana si. Julegrana står ved Øyabrua på Øyagrendsida, men pyntegjengen har også lyssett postkassehuset sitt med, slik at det også lyser opp no i adventstida.
Tradisjonen tru, vil Start 4H laurdag 9. desember, i tidsrommet frå klokka 11:00 til klokka 14:00 selje kornband utom Matkroken Todalen. Så da blir det mogleg å sikre seg ein «godbit» til småfuglane, så dei kan kose seg med no i adventstida.
På ettermiddagen i dag var det først adventsmiddag i ungdomshuset, arrangert av Todalen Idrettslag, før det var tenning av Todalen bøgdalag si julegate mellom Matkroken Todalen og Talgø, og det var bra oppmøte på båe arrangementa.
Surnadal formannskapet vedtok i sitt møte 28. november budsjett- og økonomiplan for perioden 2024 – 27 for Surnadal kommune. Dokumentet er no lagt ut til offentleg gjennomsyn, og den som ønsker det, kan koma med uttale til formannskapet sitt forslag til budsjett- og økonomiplan.
Stangvik historielag sitt årsskrift for 2023 er no ferdig, og blir i desse dagar sendt ut til laget sine medlemmer. Årsskriftet vil også vere å få kjøpt, mellom anna på Matkroken Todalen. Årsskriftet kan også kjøpast direkte frå historielaget ved å kontakte Einar Grønnes på telefon 918 94 944 eller Marit Haugen på telefon 480 49 218.
Nordvik Grendalag inviterer til førjulsbasar i Nordvik forsamlingshus søndag 10. desember klokka 17:00. Grendalaget lovar skikkeleg basarsøg og fin førjulsstemning.
Søndag er det mykje som skjer her i Todalen. Todalen Sokneråd inviterer til lysmesse i Todalen kyrkje, Todalen Idrettslag inviterer til adventsmiddag i Todalen ungdomshus og til slutt er det julegatetenning av Todalen bøgdalag si julegate mellom Matkroken Todalen og Talgø.
I Pestua er det no mogleg å kjøpe egg døgnet rundt, altså 24/7. Via det nybygde sjølvbetente utsalsrommet, ved sia av kjølelageret i hønsehuset. Her kan du få kjøpt XXL, store, usorterte og medium egg. Men Anders Karlsen understrekar at alle framleis er velkomne til å ta kontakt for å få kjøpt egg på same måte som tidlegare. Det same gjeld om ein ønsker å kjøpe bakaregg og for spesialbestillingar.
Ståle Ansnes, frå Todalen Mjølk, kan rapportere om nypreparerte løyper i Todalen Idrettslag si lysløypa på Tjønnmyra. Han kan rapportere om jamnt over fine forhold for skigåing, men enkelte parti i traseen har litt lite snø enno.
Sjølv om det er ei lita stund til kalendaren viser mai, så kan Vårsøghelga, som blir arrangert i Surnadal 23. – 26. mai, allereie no røpe litt av programmet for neste års Vårsøghelg. – Vi er glade og stolte over å kunne slippe nyheten om at Bugge Wesseltoft kjem til Vårsøghelga 2024 i Surnadal, heiter det i eit presseskriv frå Vårsøghelga.
Søndag 3. desemeber er første søndag i advent, og klokka 18:15, etter Todalen Idrettslag sin «adventsmiddag» i Todalen ungdomshus, inviterer Todalen bøgdalag til tenning av julegata mellom Matkroken Todalen og Talgø.