Forfattararkiv for

Tjuandedag jul, òg kjent som Knutsdag, har i fleire hundreår markert den absolutte slutten på julefeiringa i dei nordiske landa. Dagen er oppkalla etter den danske prinsen Knut Lavard, som i 1131 vart drepen av bror sin, Magnus Nilsson, som var valt til svensk konge i Västergötland. I 1169 vart Knut Lavard oppteken som helgen, av paven i Roma, altså 38 år etter at han vart drepen. Heldigvis var nedrigginga av Todalen Grendalag si julegate heilt utan drama og gjekk føre seg i fredelege former, sjølv om både kalenderen og gradestokken viste 13!

Onsdag kveld vart sesongens første «Barn i løypa» arrangert i lysløypa på Tjønnmyra. Gradestokken viste -11 grader, så det var lurt å vere i aktivitet for å halde varmen. Og aktivitet vart det i nypreparerte løyper og kjempefine forhold.

Som kjent har alle ungdomsskular og vidaregåande skular, over heile landet sidan 4.januar, hatt «raudt» smittevernnivå. Dette gjer at klassar ved Surnadal vidaregåande skule har veksla på å ha heimeundervisning. I informasjon frå Surnadal barne- og ungdomskule får vi opplyst at dei òg innfører delvis heimeskule for 8. og 9.årstrinn frå og med onsdag 13.jaunuar og førebels til og med tysdag 19.jaunuar. 

Barne- og ungdomsgruppa i Todalen Idrettslag melder at det blir oppstart av «Barn i løypa» onsdag 13.januar kl. 17:30 i lysløypa på Tjønnmyra. Driftsstyret på Tjønnmyra melder at det er kjempefine forhold på Tjønnmyra, med nypreparerte løyper, så Barne og ungdomsgruppa håper mange ungar/ungdommar og vaksne tek turen onsdag kveld. 

Ola Dalsegg i Todalen Idrettslag sin anleggskomite på Tjønnmyra melder om nypreparerte løyper på Tjønnmyra. Han fortel vidare at nysnøen som har kome i det siste døgnet gjer at det er fine forhold for ein skitur i lysløypa på Tjønnmyra no.

Laurdag kveld hadde fedrene utfordra ungane til ishockeykamp på Bordholmen. Kampen vart arrangert på ein kjempefin skeiseis på Bordholmen stadion, og kampen vart spela over to periodar. Kva som vart sluttresultatet er litt uklart, men ein kommentar frå ein av fedrene: «Dei gamle er best!», kan vel tyde på at fedrene vann! Ishockey er vanlegvis ein fysisk tøff sport der spelarane, rett som det er, ryk i tåtane på kvarandre og tek ein kamp på tørre nevane. Slike scener slapp vi i alle fall heldigvis å sjå i kveld. 

Så langt i skulåret 2020/21 har 1. – 4.årstrinn hatt uteskule mest kvar torsdag, medan  5. – 7.årstrinn har hatt uteskule omtrent kvar 4.torsdag. I dag hadde difor heile Todalen skule uteskule på Bordholmen. Etter at første time var ferdig på skulen, tok både elevar og lærarar på seg varme klede og gjekk, via Øyagrenda og Ørsalbukta, ned til Bordholmen stadion.  

Da har dei første dosene med Koronavaksine kome til Surnadal, og vaksineringa tek til torsdag morgon. Så langt har Surnadal kommune fått tildelt 25 doser av vaksina, men når leveringa no har begynt, vil det bli levert nye doser fortløpande, slik at vaksineringa kan gjennomførast på ein effektiv måte. «Dette er ein merkedag, sjølv on antal doser er berre 25 stk», seier leiande helsesjukepleiar Heidi Elnes Fiske. 

Elevane i 5. – 7.årstrinn ved Todalen skule arbeider akkurat no med statistikk i undervisninga. Dei har difor laga ei spørjeundersøking med tre spørsmål, som dei håper lesarane her på todalen.no vil ta seg tid til å svare på. 

Todalen Idrettslag melder at Hett & Svett stenger dørene att, foreløpig fram til og med måndag 18.jaunuar. Det vil då bli gjort ei ny vurdering om gjenopning, når nye nasjonale smittevernstiltak er kunngjort. Den foreløpige stenginga blir gjort etter dialog med kommuneoverlege Bjørn Buan måndag kveld. 

Ein person i Surnadal kommune har fått påvist Covid19 smitte i dag. I tillegg har smittesporing i nabokommunen Heim ført til at to nærkontaktar no er sett i Karantene. Kommuneoverlege Bjørn Buan melder at situasjonen er under kontroll. 

I ei melding frå Surnadal kommune no i ettermiddag har vi fått ei kort statusoppdatering Som følge av dei nasjonale smitteverntiltaka som Regjeringa innførte frå og med i dag, melder Surnadal kommune om avlysingar og stengig av somme tilbod. Stengingane gjeld i første omgang fram til måndag 18.januar, men kan bli forlenga på kort varsel.