Forfattararkiv for

I 2020 er det 40 år sidan Hans Rotmo gav ut plata «Vårres Jul». Rotmo har altså i 40 år gleda det norske folk med sine folkelege juletekster gjennom sitt underfundige univers av rollefigurar. 40-årsjubileet for utgjevinga av «Vårres Jul» blir markert med konsert med Rotmo og Sommerro på Surnadal kulturhus torsdag 19.november klokka 19:00.    

Det har gått 10 år sidan Erik Mogeno kom på 2.plass i Norske Talenter og bestemte seg for å leve av underhaldning. Laurdag 7.november klokka 15:00 kjem han til Surnadal kulturhus med jubileumsframsyninga10 år med Erik & Kalle. Her får vi oppleve Erik sine mest populære buktalarkarakterar som: rotta Geir, strutsen Erna, grinebitaren Kjell og ikkje minst den spydige kaninen Kalle.

Todalen Idrettslag skal frese bort stubbane som står att etter bjørkene som stod på yttersida av fotballbanen på Bordholmen. I samband med dette kjem firmaet Varnes Drift frå Midsund på synfaring i morgon, laurdag 31.oktober. 

Kvar torsdag siden skulestarten 17.qugust har 1. – 4. årstrinn ved Todalen oppvekstsenter hatt «uteskule». Torsdag var ikkje noko unntak i så måte, og i dag starta skuledagen med besøk på Matkroken Todalen for å overrekke teikningar elevane hadde teikna som ein takk til Terje Nordvik og dei tilsette på Matkroken for refleks og matboksar dei hadde fått, og for å vise at dei er glad i nærbutikken sin! 

Dei siste åra har alle ungane i Todalen vore invitert til felles halloween-feiring i gymsalen på Todalen skule. På grunn av Koronasituasjonen ser arrangørane ikkje anna råd enn å avlyse årets arrangement. 

Fredag 30.oktober klokka 19:00 blir det songkveld med organist Bjørn Vevang og solistane Mari Kristine Brækken og Runa Svare i Todalen kyrkje. Prest Kristin Strand vil delta med lesing. Arrangør er Todalen sokneråd.

Torsdag 12.november klokka 13:00 kjem overlege i anestesi ved Sykehuset Østfold til Indre Nordmøre Senioruniversitet og held foredrag, eit foredrag han har kalla Smertesansen er både vår venn og vår fiende». Audun Aas har hatt  smertebehandling som spesialinteresse sidan 1991, og gav i 2018 ut boka «Smerteboken – Fra vondt til bedre». Dette er ei bok som samanfattar moderne kunnskap om og forståing av fenomenet smerte, retta mot lesarar utan helsefagleg bakgrunn. 

(Surnadal/Kristiansund 20.oktober 2020) Det er to tradisjonsrike og sterke lokalbankar som no går saman for å skape ein enda meir attraktiv og sterkare lokal sparebank. Surnadal Sparebank og SpareBank1 Nordvest vil bygge ein ny bank som skal vere ein kraftig motor for heile regionen, med same nærvær til – og kunnskap om – kundane.  

Søndag 6.desember klokka 14: 00 arrangerer Vårsøghelga førjulskonsert med Nidarosdomens jentekor, TrondheimSolistene og Astrid Nordstad (mezzosopran) i Stangvik kyrkje.

På grunn av vedlikehaldsarbeid på Fylkesveg 6145 i Svinviktunnelen er det i tidsrommet 09:30 – 21:00 i dag (20.oktober) manuell dirigering gjennom tunnelen. Dette skuldast naudsynt vedlikehald i tunnelen. Det må påreknast ventetid på opp til 15 minutt, og alle må vente på ledebil. 

Søya/Todalen sitt G12 lag avslutta fotballsesongen 2020 med kamp mot Bryn 1 på Søyabanen søndag. Vêrgudane varta opp med eit skikkeleg ufyseleg vêr med regn og kulde. Så det vart ei våt og kald oppleving både for spelarane og publikum. Dette var den siste fotballkampen for laga til Søya/Todalen i årets sesong. No tek alle laga ein fortent pause, for å «lade batteria», før sesongoppkøyringa til neste års sesong tek til etter kvart. 

Fredag ettermiddag hadde Søya/Todalen sitt G9/10 lag sesongavslutning for å feire at fotballsesongen 2020 er over for deira del. I år vart feiringa lagt til Rush Trampolinepark i Trondheim, noko som vart særs godt motteke av spelargruppa, og støtteapparatet og for den del.