Vi fann 2351 artiklar i dette arkivet.
Surnadal demensforening og helselag og Åsgard helselag vil rette ein STOR takk til alle givarar og bøssebærarar i samband med årets Demensaksjon. Det vart samla inn tilsaman 96.736,- kroner i årets Demensaksjon i Surnadal kommune. Dette er eit særs godt resultat, og eit resultat vi er kjempegodt nøgd med, seier leiar i Surnadal demensforening og helselag, Liv Botten
Tysdag 28.september er det sesongens siste tur for Fjellgruppa i Surnadal Pensjonistlag. Sesongens siste tur går til Bollen. Oppmøte på parkeringsplassen nedanfor Øye kyrkje klokka 10:30 for samkøyring Vindøldalsvegen. Hugs at bompengane (kroner 100,-) må betalast med kort.
I går gjekk Fjellgruppa i Surnadal Pensjonistlag sin tur til Brokkelnebba, som ligg mellom Kvenndalen og Søyådalen. Rapportane fortel at Brokkelnebba leverte opp til namnet! 16 glade og spreke fjellgruppegangarar var med for å klive opp på nebba i går, og dei fekk ein fin tur i slik passe variert haustvêr.
Søndag 3.oktober klokka 19:00 kjem Lars Jarle & The Big Mamas til Surnadal kulturhus med framsyninga «Jørgenkveld». Dette er ein hyllest av forfattarskapet til den avdøydde bæverdalingen Jørgen Gravvold, som var fødd i 1930 og døydde i 2005. I fjor haust, da det var 90 år sidan han vart fødd, laga Lars Jarle & The Big Mamas ein minnekveld, som gjekk for fulle hus, både i Bæverdalen og Bøfjorden. No inviterer dei altså til «Jørgenkveld» på kulturhuset.
Stavganggruppa i Surnadal Pensjonistlag tek torsdag 23. september klokka 11:00 turen rundt Bettennesset. Parkering ved idrettsplassen. Nista blir innteken på låven til Helge Røv.
Far og dotter Hoem, er på turné saman. 23. september klokka 19:00 kjem dei til Surnadal kulturhus. Ine Hoem og far Edvard har opplevd stor suksess på kvart sitt felt. Edvard Hoem har gleda lesarar over heile landet med sin forfattarskap, og no sist med «Felemakaren» – ein roman som også har sterke todalsinnslag. Og dotter Ine har, med songar som «Jeg vil aldri hjem», gjort stor suksess med sin smakfulle visepop.
I dag har Søya/Todalen sitt J10-lag vore i Kristiansund og spela to fotballkampar. Første kamp var mot Nordlandet på Kunstgressbanen, medan kampen mot Dahle gjekk på NEAS arena. Dei 11 jentene var heldige med vêret, nemleg kjempefint haustvêr med sol, når dei tok turen til Kristiansund for å spele to kampar på ein dag.
I går gjorde Erik Kårvatn eit kjempeløp i Torvikbukt 6 topper, og skrieiv seg dermed inn i den såkalla «kongerekka», i det som blir kalla Norges tøffaste halvmaraton. «Kongerekka» er dei 10 beste tidene gjennom alle tider, i Torvikbukt 6 topper si historie. Løpet vart arrangert for første gong i 2004. I fjor var det Kristoffer Nordvik som gjorde eit kjempeløp og skreiv seg inn i «kongerekka».
6 topper Torvikbukt, som vart arrangert i dag, for attande gong sidan 2004, er kalla Norges tøffaste halvmaraton. Erik Kårvatn gjorde eit kjempeløp og sprang inn til beste juniortid gjennom tidene, og den 7. beste tida som nokon gong er oppnådd i løpet si historie. Erik vann juniorklassen og vart totalt nummer 4 i løpet, i sterk konkurranse med mange andre sterke utøvarar. Dermed er Erik inne på den såkalla «kongerekka», som er dei 10 beste tidene som er oppnådd gjennom historia i 6 toppar Torvikbukt.
Fredag 1.oktober markerer Eldrerådet og Surnadal Pensjonistlag den internasjonale eldredagen i Surnadal kommune. Først blir det foredrag om digitaliseringa innafor eldreomsorga. Dette skjer i Svorkasalen på Surnadal kulturhus klokka 13:00. Etterpå er det middag på Thon Hotell Surnadal. Det er montert teleslynge i Svorkasalen.
I tråd med regjeringa si beslutning om å tilby 3. dose til pasientar med alvorleg svekka immunforsvar, ønsker FHI at kommunane no informerer om dette avgrensa tilbodet. Så her er informasjonen om 3. dose frå Surnadal kommune.
Torsdag kveld spela Søya/Todalen sitt G9-lag heimekamp på Søyabanen mot Tingvoll G9. Det var litt «duskregn» under kampen, men det såg ikkje ut til å påverke spelarane sin innsats nemneverdig. Så det vart ein velspela og jamn kamp publikum fekk sjå.