Vi fann 2353 artiklar i dette arkivet.
Laurdag kveld var det jubileumsfest for 50-årskonfirmantane i Todalen. I år vart jubileet feira på Hammerstuene på Surnadalsøra. Totalt seksten personar, inkludert jubilantane og dei to som skal konfirmerast i Todalen kyrkje til våren, møtte opp for å vere med på feiringa. Det vart ei koseleg og vellukka feiring av jubilantane.
Frå fredag kveld kokka 18:00 til laurdag morgon klokka 10, hadde Start 4H invitert sine medlemmer til LAN-party i Todalen ungdomshus. Her var det dataspeling på høgt nivå, både med tanke på utstyr og ferdigheiter. Men det vart og tid til litt andre aktivitetar som vi litt eldre skjønar meir av. Men alle aktivitetane gjekk føre seg under mottoet: «fram daa frendar i fredlege kappstig», som det står ovanfor scana i ungdomshuset.
Søndag 10. oktober klokka 14:00 spelar Surnadal G13 «heimekamp» mot Molde G13 på Bordholmen stadion. Todalingane Hallvard Nordvik og Tor Asbjørn Karlsen spelar på Surnadal sitt G13-lag, som altså møter Molde på søndag.
I dag klokka 10:00 starta førehandssalet til Todalen sanitetsforening sin Vipps-basar, på Matkroken Todalen. Førehandssalet på Matkroken er i dag mellom klokka 10:00 – 17:00 og i morgon laurdag 10:00 – 15:00. I år er det fellesliste, der ein er med i trekninga av alle gevinstane, og kvart lodd kostar kr. 100,-
I går kveld var det duka for sesongens siste fotballkamp på Bordholmen stadion. Og kva er vel betre enn å avslutte ein fotballsesongen med eit skikkeleg lokaloppgjer mellom Søya/Todalen G9 og Surnadal G9? Sjølv om vi er komne langt ut i oktober på kalenderen, var vêret og temperaturen ikkje så aller verst, men for oss som såg på var det nok best med langbukse og jakke da!
Søya/Todalen J10 avslutta fotballsesongen 2021 med heimekamp mot Dahle, frå Kristiansund, på Søyabanen i kveld. Og for å markere sesongavslutninga skikkeleg, spelte jentene sin beste kamp for sesongen og vann kampen på ein overbevisande måte.
Det blir ei travel sesongavslutning for Søya/Todalen sitt G9-lag. I går var dei i Laikarvollen og spela kamp, før det vart ein tur på Napoli i Surnadal for å ha sesongavslutning med pizza og brus. Og no i ettermiddag, nærare bestemt klokka 18:00, spelar dei heimekamp mot Surnadal G9 på Bordholmen stadion, og først etter at den kampen er ferdig, er fotballsesongen 2021 over for Søya/Todalen G9.
I ei pressemelding frå Surnadal kommune i går ettermiddag blir vi informert om tredje vaksinedose. Folkehelseinstituttet tilbyr no tredje dose koronavaksine til ein større del av befolkninga. Tidlegare er ei ekstra dose koronavaksine gitt til personar med svekka immunforsvar. No skal nye grupper få ei oppfriskingdose for å forlenge det gode vernet mot alvorleg sjukdom ved eventuell koronasmitte i tida etter gjenopninga.
Frå næringsavdelinga i Surnadal kommune, har vi fått informasjon om den kommunale kompensasjonsordninga til verksemder, lag og foreiningar i Surnadal kommune. Dette er ei kommunal kompensasjonsordning til lokale verksemder, lag og foreiningar som har vore særleg hardt ramma av lokale eller nasjonale smitteverntiltak under koronapandemien.
Ein eldre fullvaksinert person, busett i Surnadal, har testa positivt på reise utanfor kommunen. Vedkommande er isolert og oppheld seg utanfor kommunen i isolasjonsperioden. Risikoen for vidare smitte er særs låg. Dette opplyser kommuneoverlege Bjørn Buan, i ei pressemelding, no på tidleg ettermiddag.
Tysdag 12. oktober mellom klokka 10:00 – 17:00 er det haustferieaktivitet hos Stall Lerbru i Stangvik. Aktivitetsdagen er for alle skulebarn frå 1. – 7. årstrinn. Det er lagt opp til mange forskjellege aktivitetar, i tillegg til stell og ridning kan Stall Lerbru tilby mange andre aktivitetar denne dagen.
Grunna vedlikehaldsarbeid er det manuell dirigering i Svinviktunnelen i dag mellom klokka 09:00 – 15:00. Vent på ledebil heiter det i meldinga frå vegmeldingssentralen. Så skal du køyre gjennom Svinviktunnelen i dette tidsrommet, kan det vere lurt å legge inn litt ekstra tid!