Forfattararkiv for

Erik Mogeno inviterer til ei reise i si verd i kulturhuset søndag 6. mars – alt kan skje, og det blir garantert artig! Han har mora gamle og unge gjennom 2300 forestillingar, og likevel er ikkje Erik Mogeno meir enn 29 år! Han er kanskje mest kjent som buktalar, men driv også med trylling og magi.

Driftsstyret vinteranlegg og Trimgruppa i Todalen Idrettslag kan no tilby nypreparerte løyper og fine forhold i Toåa tursti og på Kvennset. Toåa tursti er eit av turmåla i «På tur i Todalen» og i «Stikk UT!-vinter». Ein registrerer seg ved å laste ned appane trimpoeng og Stikk UT! i appstore (Ipone) eller playbutikk (android).

Fleire tilbod i Heimetenesta blir no stengde eller reduserte i to veker framover. Dette skuldast mykje koronasmitte hos dei tilsette i heimetenesta, og som i sin tur fører til sjukefråvær. Dette får vi opplyst frå heimetenesta i Surnadal kommune no i ettermiddag. 
I meldinga frå kommunen heiter det: – Heimetenesta har no høgt og aukande sjukefråvær grunna smitte hos tilsette og/eller barn av tilsette. Fleire får symptom og blir sjuke, noko som medfører fråvær utover dei anbefalte 4 dagane i isolasjon. Vi har også fleire pasientar med påvist smitte som no krev meir fagleg oppfølging, sjølv om ingen så langt er alvorleg sjuke. 

Barne- og ungdomsgruppa i Todalen Idrettslag har dei siste dagane lagt is på skeisebanen på Bordholmen stadion. No er skeiseisen nypreparert og klar til bruk. Barne- og ungdomsgruppa ønsker difor alle velkomne for å gå på skeiser. 

Torsdag 24. februar klokka 11:00 inviterer Surnadal Pensjonistlag igjen til «Bøy og tøy». VIKTIG! På grunn av at det framleis foregår ombygging i Meierisalen, blir torsdagens «Bøy og tøy», også denne gongen i Trudvang! Surnadal Pensjonistlag har tidlegare hatt med seg Oda fysioterapeut som instruktør for trimmen, men no blir det fysioterapeut Lage som overtek som instruktør for trimmen.

I si vekentlege oppdatering av smittesituasjonen i Surnadal kommune, kjem kommuneoverlege Bjørn Buan, også med ei oppdatering på eit pågåande smitteutbrot ved Surnadal sjukeheim. Utbrotet ved sjukeheimen gjeld både for bebuarar og tilsette.  

Frå 1. mars vil 300 pasientar ved Surnadal legesenter få endra fastlege. Dette skuldast at fleire av fastlegane reduserer pasientlistene sine. Det er Helfo som føretek sjølve reduksjonen ved å gjere et tilfeldig uttrekk av pasientar.

Søndag 27. februar klokka 11:00, inviterer Todalen Sokneråd til gudsteneste i Todalen kyrkje. Liturg denne søndagen er Cathrine Grutle, medan Bern Bøe er organist. Takkoffer til kyrkjelydsarbeidet på Vipps: 506908. 

Siste onsdagane i februar, mars, april og mai, inviterer kyrkja i Surnadal alle til felles middag på kyrkjelydshuset på Skei. Da blir det servert middag og ettermiddagskaffi/te til alle i alle aldrar. Serveringa er i tidsrommet frå klokka 16:00 – 16:45, men dørene opnar klokka 15:30. Det heile blir avslutta med ei kort samling klokka 17:00. 

Surnadal Jeger og Fiskerforening (SJFF) minner om årsmøtet sitt torsdag 24. februar klokka 19:30 i kinosalen på Surnadal kulturhus. Vanlege årsmøtesaker. I tillegg blir det oppfølging av sak om vedtektsendringar og kontingentsatsar vedtekne av landsmøtet i Norges Jeger og Fiskerforbund (NJFF) i 2021.   

Surnadal kunstforening ønsker velkommen til utstillinga «Vintersyn -22» på Surnadal kulturhus laurdag 26. februar klokka 13:00. Denne gongen er det kunstnaren Joanna Årdal som er utstillar, og utstillinga vil vere open fram til 13. mars.

Det løner seg å vere senior heilt til påske! Surnadal kino tilbyr sine honorære kinogjengarar «eit tilbod dei ikkje kan seie nei til» i dei komande vekene. Det blir vist dagkino to gonger i veka fram til påske med eigen honnørrabatt – for dei som fortener slikt. Andre er sjølvsagt også velkomne til å sjå film på dagtid.