Fjellgruppa i Surnadal Pensjonistlag sin planlagde tur til Innerdalen og Renndølsetra tysdag 16. august, blir flytta til torsdag 18. august. Dette etter å ha lese vêrmeldinga på yr.no for tysdag. Oppmøte på parkeringsplassen nedanfor Øye kyrkje klokka 10:30 for samkøyring til Kvanne fergekai, der dei tek ferga klokka 11:00. Dei som har kortare veg til Kvanne fergekai, møter her til avgangen klokka 11:00.
Det blir parkering Innst i Virumdalen, før turen går vidare til fots etter god veg opp dei 4,5 kilometrane til Renndølsetra.
På Renndølsetra er det høve til å kjøpe kaffe, bakels og meir til. Her blir det høve til å sjå seg om – kanskje blir det også ei eiorientering om setra og korleis dei berga Innerdalen frå oppdemming.
Retur når vi blir enige om det, seier Kristian Ranes i Fjellgruppa i Surnadal Pensjonistlag.
Trengst ikkje fjellsko, men godt humør er bra!, legg han til
Fjellgruppa ønsker vel møtt!
Medlem i Todalen.no – 