Ukategorisert Arkiv

I løpet av hausetn har 12 ungdommar i alderen 10 – 12 år frå, Surnadal og Sunndal kommunar, hatt «Workshop» i keramikkarbeid i regi av Brit Dyrnes frå Kvenna Kunstverksted. I løpet av hausten har ungdommane fått lære å arbeide med ulike teknikkar innafor keramikkhandverket sitt utrulege univers. Maria K. Bergli (12) og Selma S. Gjeldnes (11) representerer Todalen på keramikkutstillinga «Kunstnere in spe» i Bondehuset i Stangvik i helga. Utstillinga opna i dag kl. 13:00, og vil vere open òg i morgon, søndag 20.desember, mellom klokka 13:00 – 15:00. 

Bading i elva er vel ikkje akkurat det første ein assosierer adventstida med? Men på Kårvatn var det i ettermiddag heile 15 grader, og freistinga, for å ta eit forfriskande bad, vart for stor for Gudmund og Nora. Så dei iførte seg badeklede og hoppa ut i elva. Om det var behageleg temperatur i elva tvilar vi vel eigentleg på, men dei to påstod i alle fall at det var godt med ein dukkert i elva. 

I dag hadde Todalen Idrettslag si Økonomi og markedsgruppe rigga seg til med salsstand på Matkroken. Her vart dei «rykande ferske», og etter vår meining, fine 0,5L thermodrikkeflaskene idrettslaget har fått tak i, og som dei no sel. Flaskene er kvite og er utstyrt med Todalen I.L. sin fargelogo. Flaskene kostar kr. 150,-. Så her er nok eit julegåvetips!

Ein liten trimtur nedover Toåa tursti kan ofte gje deg ein ide om saker til Todalen.no.  Det er fint å gå frå Trøbakkan og nedover til Halsabrua, men det lønner seg å være litt forsiktig da det no finns litt is på enkelte plassar.  I dag  tok vi Liv Larsen «på fersken»da ho var i gapahuken i Båthølen for å skifte batteri i batterilykta som står på bordet der.  Egentleg veldig triveleg at nokon bryr seg om å skape litt trivsel no når dagen er på sitt kortaste, slik som Liv har gjort.  

På en pressekonferanse på i lokalene til Melby Snekkerverksted orienterte Terje Talgø i Talgø Invest og Bjørn Melby i Melby snekkerverksted om at Talgø går inn som majoritetseier i Eide-bedriften Melby.  Melby Snekkerverksted AS er en tradisjonsrik familiebedrift som produserer trapper og trappeløsninger. – Selskapet er eid av familien Melby og er lokalisert til Eide, i Hustadvika kommune. I dag har selskapet 22 ansatte, fordelt på design, oppmåling, produksjon, montering, administrasjon og salg. Daglig leder Bjørn Melby vil fortsette i en sentral rolle i selskapet også fremover.

Takstmann Øyås AS, frå Surnadal, fortsett å ekspandere, denne gongen gjennom å etablere seg med avdelingskontor i Molde. Dagleg leiar, Nils Håvar Øyås i Takstmann Øyås AS, fortel at dei over lengre tid har hatt aukande oppdragsmengd, og at dei difor ser at det er eit behov for å utvide firmaet for å kunne møte den auka etterspørselen.  

I november vart band 4 av Bygdebok for Surnadal lansert. Totalt er det planlagt ti band, men det kan sjå ut til at dei seks siste banda vil bli forsenka med minst eitt år i høve til opprinneleg plan. Dei fire banda som er utgjevne er:

Band 1: Åsbøen – Kårvatn
Band 2: Brøskja – Kvanne
Band 3: Søyset – Hyllbakkan
Band 4: Pollen – Sogge 

Avisa Driva melder akkurat no at Møre og Romsdal fylkeskommune har snudd i saka om færre avgangar og lengre seglingstid for rute 46: Kvanne – Rykkjem. «Eg fikk en telefon fra fylkesveidirektøren i Møre og Romsdal Fylkeskommunen, som kunne fortelle at det blir ingen endringer i rutene. Rutene blir opprettholdt slik som de er, og fylket vil i stedet se an kaiforholdene utover vinteren», seier Margrethe Svinvik til Driva.

Det var stor glede da det vart kjent at rute 46 – Kvanne – Rykkjem skulle få ny ferge i samband med nytt anbod frå 01.01.2020. I haust var den nye hybridferga Stangvikfjord på plass, og med den dukka nye utfordringar opp. Når nyferga bremsar opp for å legge til  kai på Kvanne, lagar propellane så  mykje virvlar i vatnet at fundamentet på den gamle dampskipskaia, ved sia av fergekaia på Kvanne blir ødelagt. Dette har allereie ført til at deler av kaia har sklidd ut og hamna i sjøen. 

Det blir julekveldsgudsteneste i Todalen kyrkje klokka 14:00. VIKTIG INFORMASJON: Todalen sokneråd opplyser at det i år, på grunn av Koronasituasjonen, blir påmelding til julekveldsgudstenesta. Det er plass til maksimalt 50 personar. 

Sjølv om det ikkje er snø enno, og såleis dårleg skiføre, så startar Stikk UT! Ski 2021 i dag. Stikk UT! Ski sesongen varer frå den 16.desember (i dag) til den 5.april (2.påskedag). Det er Friluftsrådet Nordmøre og Romsdal, saman med sine samarbeidspartnarar, som arrangerer Stikk UT! Ski. Stikk UT! konseptet var frå atarten av eit tilbod i perioden 1.mai – 31.oktober, men frå 2017 vart Stikk UT! ski teke inn. Frå i haust vart Stikk UT! Vinterfotturar introdusert som eit nytt tilbod i konseptet, men her er ikkje Surnadal kommune representert med turmål så langt. 

Eik-senteret i Surnadal melder om endra opningstid i samband med julehelga.  Julaftan er butikken stengt medan den er open 4. til 6. juledag 9-15  og nyttårsaftan 9-12. Laurdag 2. januar er butikken open 9-12.  Elles er det vanleg opningstid.