Ukategorisert Arkiv

Når vi treffer Arve Evensen, er han i gang med å rive ut kjøkeninnreiinga på Todalshytta.  Den er gammal som arvesynda, og avslørte seg i sommar da det vart skikkeleg trøkk som restaurantkjøkken.  Arve trekker pusten djupt, og fortel om kor tungvint det var å jobbe med matlaging – det ga både lang ventetid for gjestane og stor slitasje på mannskapet. No når roa har senka seg og vi har fått tid til å reflektere over sommarsesongen er det klart at ein ser ting som kunne vore gjort betre og enklare – ein ser både pluss og minus, men det som driv meg vidare er mellom anna alle dei trivelege gjestane og kontaktane som vi har hatt kontakt med. 

Frå klokka 11:30 er det normal drift att på sambandet Kvanne – Rykkjem. Etter å ha vore innstilt i to periodar, i morgontimane og på føremiddagen i dag, er det altså no normal drift att i sambandet. Fjord1 presiserer likevel at sambandet kan bli innstilt att på kort varsel. Så her må ein berre følge med!

Surnadal Kunstforening markerer overgangen mellom haust og vinter med utstillinga «Haustlys» i Finstuå på Surnadal kulturhus. Todalingen Sissel Halset Storslett er ei av dei 14 av medlemmane av kunstforeninga som er med på utstillinga som var opna laurdag 21. november. Med Alex Trio og tonar frå varmare strøk der sola faktisk skin hakket oftare enn på «Schjess» vart utstillinga […]

Vi har fått advarsel om eit stort stygt hål i vegbanen på Halanesvegen, rett på oversida av Ramsøya, på høgersida av vegen på tur innover. Så skal du køyre innover Halanesvegen, så kan det vere lurt å ta det litt med ro her. 

Samferdselsutvalet i Møre og Romsdal fylkeskommune vedtok på sitt møte 9.november i år nye takstreglar for reiser med buss og hurtigbåt. Dei nye takstreglane trer i kraft 1.juanuar 2021, og inneber nokre vesentlege endringar for dei som reiser med buss, endringar det kan vere greitt å kjenne til. 

Ferjerute 46: Kvanne – Rykkjem vil vere ute av drift i tidsrommet mellom klokka 16:00 – 17:30 i dag 20.november melder Fjord1. Vi har ikkje fått opplyst kva som er grunnen til innstillinga.   

Svorka Energi meldte om nytt straumutfall fredag i 14-tida.  Straumutfallet er lokalisert til Todalen og Svorka melder at feilsøk pågår. Etter ein knapp time har dei fleste i Todalen fått att straumen, medan ein leitar etter nettfeilen mellom Talgø Gård og Kårvatn.  På Kårvatn er ein enno utan straum, fortel vakta på Svorka Energi

Området frå Lykkjeeidet, Kvanne og innover til Todalen var utan straum torsdag kveld frå kl 19 og ein times tid utover. Her i Todalen kom strumen att i 20-tida, og ifølge Driva er feilen lokalisert til trafofeil i Østbødalen, og innsatsen med feilretting lagt dit.  På Kvanne og i Todalen er det no normal strumforsyning slik […]

Plutselig vart det aktuellt å starte brøytesesongen.  Det kom slett ikkje overraskande, men etter ein periode med høge temperatuar vart det liksom fort vinter og snøslaps.  I år er det Todalen Mjølk som skal sørge for å halde vegane opne både rundt Todalen som før og i tillegg har dei fått kontrakt på ein ny rode som går frå Kvennset og utover til Todalskrysset (Hauahyllå), fortel Ståle Ansnes som er ein av brøytesjåførane. 

Tysdag 24.november klokka 18:00 startar Surnadal Jeger og Fiskeforening oppatt med innandørsskyting på Angråmyra skytebane. Skytinga vil gå føre seg på Surnadal Skyttarlag sin nyrenoverte innandørsbane på Angråmyra skytebane, og avstanden det blir skote på er 15 meter. 

Dersom du, frå og med i dag, skal ta bussen til Trondheim må du no bruke munnbind. Bakgrunnen for dette er at Trondheim kommune har innført påbod om munnbind på all kollektivtransport. Dette inneber at alle som reiser med FRAM Ekspress si rute 905 Surnadal – Trondheim – Surnadal blir omfatta av dette påbodet. 

Surnadal Sparebank melder på si heimeside bank.no, at den planlagde temakveld med «fremtidsfullmakt og ny pensjonskonto» på agendaen, er som følge av Koronasituasjonen utsett på ubestemt tid.