Vi fann 3676 artiklar i dette arkivet.
Indre Nordmøre senioruniversitet inviterer til operatur til Festiviteten i Kristiansund onsdag 9. februar 2022. Det er oppsettinga av operaen «Tosca» i Festiviteten som er det endelege målet for turen, men det blir også middag og desert på Smia før operaen. Senioruniversitetet har reservert 40 billettar, så her er det berre å «kaste seg rundt» og bestille billettar.
Vi går unekteleg mot vinter og dårlegare turføre ute. Difor startar Surnadal Pensjonistlag opp att med «Bøy og tøy» i Meierisalen på Landbrukshuset. Første «Bøy og tøy» blir torsdag 11. november klokka 11:00 i Meierisalen på Landbrukshuset.
Eystein Opdøl har teke kontakt med redaksjonen for å etterlyse nokre sauer. Det er snakk om to unge søyer med to lam kvar, og ei søye med eitt lam. Sauene går vanlegvis i Innerdalen, men sidan Eystein ikkje har sett snurten av sauene under saueleitinga, mistenker Eystein at dei har trekt ned i liene i Todalen, utover mot Øyakjerringa/Virumkjerringa eller utover mot Vasnebba/Grånebba. Det er også mogleg dei har trekt innover mot Bjøråskaret og Storfjellet.
Torsdag 4. november klokka 19:00 inviterer Nasjonalforeningen for folkehelsen i samarbeid Surnadal demensforening og helselag alle til å bli med å sjå filmen «Vær her» på Surnadal kino. Filmen er gratis for alle som ønskjer å sjå den. Så har du lyst til å sjå den, så er det berre å krysse av datoen i kalenderen og møte opp på Surnadal kino torsdag 4. november!
Siste nytt på bokfronten er nok Astrid berit Hindhammer og mora Solveig Ørsal Hindhammer, som har skrevet slekts- og historiebok om slekta si. Dei to tek utgangspunkt i Ola og Ane (Anne) Ørsal og folket i Ørsalgeilen, og viser slektsforgreiningar både attover og framover, og kvar dei mange etterkomarane har hamna og kva dei har drive med gjennom tida
Frå 1. november blir det enklare å teste seg sjølv ved nyoppståtte luftvegssymptom og mistanke om koronavirus. I tråd med FHI sine anbefalingar vil Surnadal kommunen dele ut sjølvtestar til personar som har nyoppståtte luftvegssymptom. Frå 1. november kan du få nokon til å hente sjølvtestar for deg på servicetorget på kommunehuset mellom klokka 09.00 – 15.00. Personar som har symptom skal ikkje komme inn på kommunehuset!
Planlegginga av neste års «Vårsøghelg» er allereie godt i gang. I ei pressemelding frå Vårsøghelga no i ettermiddag, kan dei fortelje at neste års «Vårsøghelg» blir arrangert frå torsdag 26. mai til og med søndag 29. mai 2022. Litt av kva vi kan forvente om programmet, vart og offentleggjort i pressemeldinga. Under neste års «Vårsøghelg» får vi møte mellom andre Bjørn Tomren, kjent frå årets utgåve av «Stjernekamp» på NRK 1, da saman med Heine Bugge, og da under namnet «Polka Bjørn & Kleine Heine».
Søndag 31. oktober mellom klokka 12:00 – 16:00 er det open kafé og bakeriutsal hos Slettneset steinovnsbakeri. Så da er det mogleg å ta turen for ein kopp kaffe med noko godt å ete attåt, eller berre stikke innom å kjøpe noko godt for å ta med seg heim!
Fredag 29. oktober er det ope bakeriutsal hos Lia gard. Opningstida er mellom klokka 12:00 og 17:00. Førehandsbestilling av skulebollar og/eller grovbrød innan onsdag 27. oktober klokka 18:00. Lia gard leverer også, på bestilling, varer til bedrifter.
Den digitale trimregistreringa «På tur i Todalen» går så det susar. I dag lanserer difor Trimgruppa den 25. turen, etter tips frå ein ivrig brukar. Om vedkommande tykte at 24 var eit uryddig tal, eller at det var fleire som burde ta den fine rundturen i Øyalia, som var grunnen skal ikkje seiast. Uansett er det no mogleg å registrere seg på Berga, kor ny og gammel skogsveg i Øyalia møtes. Registreringa «ligg» rundt benken her.
Tordenskjold songlag inviterer til countrykveld i Myrvang forsamlingshus laurdag 30. oktober klokka 19:30. Tordenskjold er glade for at det er mogleg å arrangere sosiale samlingar att, og gler seg til å kunne synge for publikum. Billett kr. 250,- ved inngangen.
Årets influensavaksinering i Surnadal kommune vil gå føre seg på Surnadal kulturhus i Svorkasalen 1., 2. og 3. november. Dette opplyser Surnadal kommune på sine heimesider «surnadal.kommune.no». Du kan bestille deg time ved å gå inn på «c19.no», Influensavaksinering.
Dersom du treng hjelp og ikkje har nokon til å hjelpe deg, eller du må utsette vaksinen og treng råd, kan du sende e-post til : vaksine@surnadal.kommune.no, eller ringe vaksinetelefonen 913 79 001 måndag-fredag mellom klokka 09:00- 11:30. Hugs da å oppgi personnummer og mobilnummer.