Vi fann 3515 artiklar i dette arkivet.
Siste oppdatering om koronavaksineringa i Surnadal kommune. Her finn eventuelle tilflyttarar og viktig informasjon.Vi er no i gang med å kalle inn Gruppe 8 (55 – 64 år) med tilbod om koronavaksine. Studentar og tilflyttarar eller personar som jobbar her gjennom sommaren, finn viktig informasjon i denne artikkelen.
Soleklar seier til Todalsfjorden seint ein vårkveld og Ingri Bruset. Med godt over hundre stemmer var nok Todalsfjorden favoritt hos mange.
Tysdag 15.juni kan du bli med Fjellgruppa i Surnadal Pensjonistlag på tur til Fauskåvatnet. Oppmøte på parkeringsplassen framom Øye kyrkje klokka 10:30. Derifrå er det samkøyring inn til bommen i Østbødalen. Dei som bur slik til at det er kortare å køyre direkte til bommen gjer det. Bomavgifta er kr. 30,-.
Da dagleg leiar for Talgø Tradbo, Tor Olav Vatn, var på veg frå Todalen og utover til Haugen vegkryss på føremiddagen no i dag, fekk han fanga nokre fine bilete av ei gaupe som kryssa vegen i Rabban på Nordvik.
For tredje året på rad samarbeider Atleta og Svinviks arboret om å tilby Yogo ute i den vakre botaniske hagen i Svinvika. Dette er eit samarbeid, der Atleta og arboretet vil gje noko til folket, så tilbodet er gratis. Atmosfæren og stemninga er det naturen som skaper. Sola varmer kroppen, fuglane syng sine vakraste songar og blomstrane gjev positiv effekt og stressar ned. I går kveld vart den første av tre Yoga-kveldar i arboretet arrangert.
Rundt 6:40 i dag, fekk politiet sin operasjonssentral melding om at ein bil hadde køyrd av vegen ved Åsbøen på Fv 6145. Bilen hadde hamna i grøfta, godt rundt og vart liggande på taket i grøfta på oversida av vegen mellom Åsbøen og Sjøleet. Det var ein person i bilen, som var på veg innover, da ulykka skjedde. Han vart teken hand om av ambulansepersonell og køyrd til sjukehus.
I går kveld var det loppemarked i redskapshuset på Bordholmen stadion. Det var Trimgruppa i Todalen Idrettslag som stod som arrangør. Loppemarkedet vart arrangert i går kveld i staden for under Todalsdagen, som går av stabelen laurdag 26.juni. Det var bra med folk, og mange lopper skifta eigar i løpet av den store timen loppemarkedet var ope.
I går tok fjellgruppa turen ut av fylket då dei tok turen til Heim kommune der turmålet var Møkkelfjellet. For ei veke sidan var det berre nokre få som hadde høyrt om Møkkelfjellet, så i går var det Møkkelfjellet som gav mål og meining i deira ferd!
I ettermiddag tok medlemmane i Start 4H ein medlemstur til Svinviks arboret. Når dei kom til arboretet fekk dei ei historisk orientering om Svinviks arboret og grunnleggjarane Halvor og Anne Svinvik. Så vart gjengen guida inn i drivhuset, der dei fekk sjå planter arboretet dyrkar der. Etterpå vart det ein tur rundt om i […]
Nikolai Søyset Hopland (16), son av Anne Søyset frå Heimstad, har vore på landslagssamling med Norge sitt G17 lag. Han har så langt i sesongen starta alle kampane (4) for Aalesunds Fotballklubb (AaFK) i OBOS-ligaen. På toppen av det heile har supporterane til AaFK kåra han til månadens spelar i mai, noko Nikolai sjølvsagt sette stor pris på.
Starten av juni har etter kvart vorte tida for førsteslotten. Etter ein lang «tørkeperiode», fram til helga, var fleire av bøndene spente på korleis resultatet av førsteslotten ville bli i år. Ser ein på talet rundballar som så langt er ferdigballa, så ser resultatet ut til å bli omlag som normalt. Det har etter kvart […]
Sommaren er endeleg komme, både på kalenderen og i vêret. Det betyr også at vi skal stemme fram vinnaren av månadens bilete for mai.