Vi fann 950 artiklar i dette arkivet.
I år har Svorka bestemt at alle tilsette skal få kr. 1.000 for å gje til eit ikkje-kommersielt føretak. Sylvia Stokke, konsernleder salg og marked i Svorka, valde å gje si gåve til Todalen sanitetsforening. Dette fekk medlemmene i Todalen sanitetsforening vite under deira juleavslutning i Todalen sanitetshuset i går kveld.
No er det tid for ein ny runde med fotpleie i Todalen sanitetshus. Fotterapeut Pan Promchart kjem måndag 13. og tysdag 14. desember. Det er mange ledige timar båe dagane.
Laurdag var siste runde med strikkekaffe før jul, og det vart ei lita og intim samling – med og uten strikketøy. Det var ikkje så mange som møtte opp denne gongen, da det var kollisjon med andre arrangement, mellom anna julemesser som det no er aktuell tid for. men triveleg vart det lell, og dei som møtte opp hadde ei triveleg stund i Sanitetshuset.
laurdag inviterer Todalen Sanitetsforening til ny «strikkekaffe» i Sanitetshuset på Kvennset. Strikkekaffen startar kl 13 og varer til kl 16, og er siste strikkekaffen før jul. Da bys det på triveleg samvær og utloddning – og med enkel kaffepause med noko attåt. Ta gjerne med ein liten gevinst. – Og sjølvsaget er alle velkomne – […]
Todalen sanitetsforening markerer i dag Eigenberedskapsveka 2021 med stand på Matkroken Todalen. Dei vil vere til stades her utover dagen og fram i mot stengetid. Her viser dei fram ting det kan vere lurt å ha i huset om ein kritisk situasjon skal oppstå. Dei har også med seg brosjyrer laga av Direktoratet for samfunnstrygghet og beredskap, brosjyrer som fortel litt om kva det kan vere lurt å tenke på, slik at ein er godt førebudd om ein kritisk situasjon skal oppstå.
Det er spørsmålet Surnadal Sanitetsforening stiller i ei pressemelding no i ettermiddag. Bakgrunnen er at Direktoratet for sikkerhet og beredskap, i neste (1. – 7. november) rettar søkelys på eigenberedskap. Sanitetsforeiningane i Surnadal kommune, saman med kommunen markerer denne kampanjen med ulike aktivitetar rundt om i kommunen. Det blir arrangement mellom anna på Matkroken Todalen, Alti Surnadal, Matkroken Bæverfjord og Coop Marked i Bøfjorden.
Onsdag 27. oktober klokka 13:00 inviterer Todalen sanitetsforening alle «godt vaksne» todalingar til gratis lunsj og sosialt samvær i sanitetshuset. Todalen sanitetsforening håper at mange vil komme og vere med! Og dersom det er nokon som treng skyss for å komme seg på lunsj, så fikser Todalen sanitetsforening dette også!
Måndag 25. oktober klokka 11:00 går sesongens siste Kløvertur, og den siste Kløverturen går til Toåa tursti. Oppmøte som vanleg på Matkroken Todalen klokka 11:00. Det blir kaffepause i gapahuken ved Båthølen.
Todalen sanitetsforening samlar også i år inn julegåver for å sende til Estland. Julegåveinnsamlinga har etter kvart vorte ein tradisjon for Todalen sanitetsforening i førjulstida, og noko dei har dreve med i mange år no. Dersom du ønskjer å bidra med julegåver, kan desse leveres måndag 1. november mellom klokka 18:00 og 19:30 og tysdag den 2. november mellom klokka 18:00 til 20:30 i Sanitetshuset eller ved å kontakte Maren Ansnes på telefon: 906 86 907.
I dag varta vêrgudane opp med skikkeleg fint haustvêr da Todalen sanitetsforening sin Kløvertur-gjeng tok turen til Toåa tursti. Etter nokre Kløverturar med skikkeleg dårleg vêr, tykte gjengen at det var godt å få ein tur der ein kjente sola varme litt att.
Måndag 18. oktober kl. 11:00 blir det arrangerer Todalen sanitetsforening Kløvertur til Toåa tursti. Oppmøte på Matkroken Todalen klokka 11:00. Det blir kaffepause i gapahuken ved Båthølen for den som vil.
I går kveld var det trekning i Todalen sanitetsforening sin Vipps-basar i Todalen sanitetshus. Det vart selt 333 lodd, noko som betyr at det kom inn 33.300 kroner på saniteten sin Vipps-basar i år. Dette er eit bra resultat og er pengar som kjem godt med i Todalen sanitetsforening sitt arbeid.