Todalen Idrettslag Arkiv

Tradisjonen tru blir «Ræta Opp» arrangert under Todalsdagen òg i år. Todalsdagen går i år av stabelen laurdag 26.juni på Bordholmen stadion. I år, som alle dei føregåande åra, går deltakeravgifta uavkorta til eit velgjerande formål. I år er det bestemt at deltakaravgifta skal gå til Blodbanken i Kristiansund. Takka vere blodgjevarar kan tusenvis av nordmenn (og kvinner) kvart år overleve alvorlege sjukdommar som til dømes kreft, kompliserte fødslar og skadar. Blodbanken i Kristiansund er ein av våre lokale blodbankar. Å gje blod er frivillig og uten betaling, men ein får ei lita gåve som takk for hjelpa.

Trimgruppa og Økonomigruppa i Todalen Idrettslag inviterer i år til St. Hans-feiring ved gapahuken i Båthølen. Dette skjer onsdag 23.juni frå klokka 18:00. Idrettslaget stiller med grillar. Folk må sjølv ta med seg eventuell grillmat og drikke. Idrettslaget stiller med gratis kaffe og kaker. 

Laurdag var første dag med førehandssal for Todalen Idrettslag sitt Sommarlotteri. Årets Sommarlotteri har 5 flotte gevinstar med ein samla verdi på nær 10.000,- kroner. Trekninga er under Todalsdagen, som går av stabelen laurdag den 26.juni. Om du ønskjer å kjøpe lodd, kan du vippse beløpet du vil kjøpe lodd for til vipps 527926 (Todalen I.L. – Lotteri). Kvart lodd kostar kr. 20,- og du må hugse å skrive «Lodd og namnet på den loddet skal stå på», når du vippsar. 

I morgon startar førehandssalet på Todalen Idrettslag sitt Sommarlotteri. Trekninga blir under Todalsdagen den 26.juni. Førehandssalet startar på Matkroken Todalen klokka 10:00 i morgon og varer til 15:45. I år er det fem flotte premiar som blir lodda ut på Sommarlotteriet. 

I går kveld tok Søya/Todalen sitt G9 lag turen til Bæverfjord og Bæverfjord stadion for å spele seriekamp mot Bøfjord/Bæverfjord. Heimelaget hadde ikkje greidd å finne dommar til kampen, så Anders Gjeldnes stilte sporty opp, og på kort varsel tok han på seg å dømme kampen. Og rapportane seier at han gjorde ein god jobb som dommar!

I kveld var det sesongpremiere for friidrett på Bordholmen stadion. Det vart hoppa lengde, både med og utan tilløp, kasta liten ball, og sprunge 60- og 400-meter. I tillegg hadde Barne- og ungdomsgruppa teke med bogeskyting som ein ny øvelse. 

Onsdag 9.juni klokka 17:30 inviterer Barne- og ungdomsgruppa i Todalen Idrettslag til friidrett på Bordholmen stadion. Det blir lengdehopp med tilløp, stille lengde, kast av liten ball, 60-meter springing og 400-meter springing. 

Onsdag 9.juni inviterer Trimgruppa i Todalen Idrettslag til loppemarked på Bordholmen frå klokka 19:00 – 20:00. Sidan det ikkje skal vere loppemarked under Todalsdagen i år, så inviterer Trimgruppa istaden til loppemarked onstag 9.juni. Det er «loppene» som er at frå dei tidlegare åra som no blir selt, så her er det mogleg å gjere eit «røvarkjøp». 

I går tok Søya/Todalen sitt J10 lag turen til Kristiansund for å spele to seriekampar på same dag. Første kamp var mot Frei, medan kamp nummer to var mot Nordlandet. 

Todalen Idrettslag treng smørgrautkokarar for å koke graut når det skal vere open kiosk på Bordholmen stadion. Bortsett frå Todalsdagen er det nok med ein grautkokar til kvar kveld kiosken er open. Det ser ut til å bli mellom 5 – 10 kveldar kiosken vil vere open denne sesongen. Idrettslaget stiller med mjølk, smør og kveitemjøl. Ingrediensane får ein utlevert på Matkroken Todalen frå 2 dagar før.

I kveld var det eit klassisk lokaloppgjer i fotball mellom Søya/Todalen G9 og Surnadal G9 i strålande solskin og så og seie heilt vindstilt. Men varmen såg ikkje ut til å prege innsatsen til spelarane. Bortelaget kom best i gang i første omgang, men heimelaget kom ganske fort til hektene og kampen jamna seg ut. 

Torsdag 3.juni klokka 18:00 er det duka for årets første fotballkamp på Bordholmen stadion. Da spelar Søya/Todalen G9 mot Surnadal G9, med andre ord eit klassisk lokaloppgjer!