Todalen Idrettslag Arkiv

Trimgruppa har opna luke 2 på sin julekalender, og dermed er spenninga løyst ut, og vinnarane er klare. Attafor luke 2 var det heile 3 gevinstar, og dermed blir det 3 heldige vinnarar.  

Søndag er det mykje som skjer her i Todalen. Todalen Sokneråd inviterer til lysmesse i Todalen kyrkje, Todalen Idrettslag inviterer til adventsmiddag i Todalen ungdomshus og til slutt er det julegatetenning av Todalen bøgdalag si julegate mellom Matkroken Todalen og Talgø.

Endeleg er dagen komen og vi kan publisere dei første vinnarane i Trimgruppas Julekalender 2023.  Og det er ikkje småtteri vi trør i gang, fortel medlemene i Trimgruppa som har organisert både innsamling av gevinstar, salg av kalendrar og frå 1. desember er ein altså i gang med trekkninga.

Ståle Ansnes, frå Todalen Mjølk, kan rapportere om nypreparerte løyper i Todalen Idrettslag si lysløypa på Tjønnmyra. Han kan rapportere om jamnt over fine forhold for skigåing, men enkelte parti i traseen har litt lite snø enno. 

Todalen Idrettslag har gått gjennom medlemskartoteket sitt, og i samband med dette ser det ut til at nokre av medlemmane i idrettslaget ikkje har fått eposten med fakturaen for medlemskontingent for 2023. eller at eposten rett og slett har hamna i spamfilteret. Dei som ikkje er registrert med betalt medlemskontingent for 2023 vil difor no motta papirfaktura i postkassen sin. 

Når vi snakkar om fjorårets suksess så meiner vi sjølsagt fjorårets julekalener – den vart ein formiddabel suksess for TIL trimgruppa.  I år blir det sjølsagt reprise og det er alt kome inn massevis av flotte gevinstar, fortel Anita Talgø og Torill Talgø som er lotterisjefar.  Som i fjor er det Vipps som gjelder for salet av julekalendrar, men laurdag 25. november blir det sal av julekalendrar på Matkroken Todalen i opningstida. 

Søndag 3. desember frå klokka 15:30 (rett etter lysmessa i kyrkja) – 18:00 inviterer Todalen Idrettslag til «adventsmiddag» i Todalen ungdomshus. Da sel idrettslaget elghakk, trollkrem og kaffe, så da er det berre å ta turen til ungdomshuset til ein sosial og god middag!

Barne- og ungdomsgruppa i Todalen Idrettslag, melder at skeiseisen på Bordholmen stadion no er klar til bruk. Dei siste dagane med blåe grader på gradestokken, har gjort det mogleg å vatne skeisebanen i fleire dagar, slik at det no er fin is på skeisebanen. 

Oppsummeringa etter sommarsesongen Stikk UT! 2023 syner at Toåa tursti har flest registrerte besøk i Surnadal kommune, og at Svinvikrunden har nest flest besøk!

På trimbasaren søndag ettermiddag var det tid for dele ut belønning til dei mest aktive trimmarane.  På tur i Todalen 22/23 har gjort opp status og det er ikkje småtteri det er snakk om – heile 7548 trimturar er gjort i regi av «Turar i Todalen» frå 1. oktober 2022 til 31. september 2023.  Det har vore 91 aktive innsjekkarar i løpet av året og 11 av desse har besøkt alle dei ordinære turmåla og får eit gåvekort på kr 200 frå Intersport for innsatsen.  

Søndag ettermiddag var det tid for TIL-basar i Todalen Ungdomshus.  Økonomien i basaren var nok allereie sikra i førehandssalet, der det kom inn over 22.000 og med loddsalet på basaren og åresalet så var det nok godt over 30.000 og med kioskomsetning i tillegg.  Leiar i Todalen IL er godt nøgd med resultatet, og skryter av givargleda både her i bygda og blant vippskundane utafor bygda som er med og støttar laget.

Søndag 5. november er det klart for årets idrettslagsbasar i Todalen ungdomshus frå klokka 15:00 og utover ettermiddagen til rundt klokka 18:00. Førehandssal av lodd på felleslista via Vipps 527926. Kvart lodd kostar kroner 50,-, og hugs å skrive namn på den lodda skal stå på når du vippsar, og siste frist er laurdag 4. november klokka 24:00. Folk frå idrettslaget vil også vere på Matkroken Todalen fredag 3. november frå klokka 10:00, for å selje førehandslodd.