Ein kan trygt seie at vêrgudane ikkje var i «godlune» da Søya/Todalen J10 tok i mot Frei J10 på Søyabanen torsdag kveld. Men vêret såg absolutt ikkje til å påverke verken spelet eller innsatsen, så det vart ein jamn og god kamp med høg intensitet og innsats. Rapportane seier at kampen var årsbeste for heimelaget sin del!
Godt spel og stor innsats under heile kampen. Foto: I.L. Søya
Båe laga kjempa i alle duellar frå kampstart til dommaren bles i fløyta for siste gong. Dei frammøtte fekk sjå ein fartsfylt kamp med mykje godt spel, og to lag som ville vinne kampen.
Bortelaget prøver å bygge opp eit angrep. Foto: I.L. Søya
Da dommaren bles av for full tid, hadde båe laga scora like mange mål, så da forstår vi at det var ein jamn kamp, der ingen av laga klarte å putte den avgjerande scoringa.
Båe laga sa etter kampen at dei var nøgd med både resultat og ikkje minst innsatsen og spelet til jentene.
Typisk haustvêr under kampen. Foto: I.L. Søya