Vi fann 1785 artiklar i dette arkivet.
Onsdag 31. august klokka 18:00, inviterer Barne- og og ungdomsgruppa i Todalen Idrettslag alle i Todalen, på Nordvik, og resten av Todalen og Stangvik skulekrins, til friidrett på Bordholmen stadion. Det blir lengde (med og utan tilløp), kast med liten ball og springing av 60 og 400 meter.
I går vart det montert ny elektronisk dørlås på ytterdøra ved Hett & Svett. Samtidig vart det delt ut elektroniske kodebrikkar til dei medlemmene, over 16 år, som møtte opp ved Hett & Svett. Frå etter helga, må ein ha kodebrikke for å kunne nytte treningstilbodet ved Hett & Svett. Todalen Idrettslag ventar på ny forsyning med kodebrikkar, slik at alle medlemmer, over 16 år, og som ønsker det, kan få slike.
Tysdag 2. august blir det montert elektronisk dørlås på Hett & Svett. Dette inneber at ein, frå og med torsdag 4. august, må ha kodebrikke for å kunne trene på Hett & Svett. Alle medlemmer i Todalen Idrettslag, over 16 år, og som ønsker å nytte seg av treningstilbodet på Hett & Svett, må difor ordne seg med kodebrikke.
Eit fullsett Todalen ungdomshus tok godt i mot Operapuben frå Stangvikfestivalen torsdag kveld. Ein kan vel seie at Stangvikfestivalen tjuvstarta årets arrangement i Bøfjorden i går kveld, og at det nærast var ein form for tjuvstart også i Todalen torsdag kveld. Festivalens første arrangement i Stangvika er PUB med noko 6263 attåt, seinare torsdag kveld. Kveldens pub i ungdomshuset opna dørene kl 18, og Todalen Idrettslag sørga for servering før konserten starta kl 19.
Fredag 29. juli kl 18:00 inviterer T.I.L.s trimgruppe til olsokfeiring i Toåa tursti, ved gapahuken i Båthølenlen. Det blir ei triveleg samling, med sal av bålkaffe og noko å bita i. Vi håpar at mange tek seg tid til ein pust i bakken og blir med på olsokfeiringa! Alle er velkomne, melder TILs trimgruppe!
I ein e-post frå Todalen Idrettslag, kjem dei med ei klar oppfordring vedrørande parkering og ferdsel i samband med alle trimpostane idrettslaget har i den digitale turregistreringa. Tur-appen er utruleg populær, og har noko over 10 000 registreringer per i dag. men idrettslaget ser i nokre høve at poeng kan vere viktigare enn trim, noko som gjer at dei no har gjort nokre tiltak.
«Vêrbruket» på Todalsdagen klarte mesta å sette ein stoppar for heile årets arrangement. – Nokre få fotballkampar vart gjennomført og mosjonsløpet Ræta Opp vart da også gjennomført, men med kanppe halvparten så mange deltakarar som vanleg. Det ga sjølvsagt lite inntekt til Gatelaget, med knappe 7.000 kroner – medan det vanlegvis har vore det dobbelte. No oppfordrar arrangøren Todalen IL sine «støttespelarar» til å gje ein hundrelapp på etterskot.
Da Todalsdagen vart stoppa på grunn av regnvêret i går, bestemte Todalen IL seg for å invitere til ettermiddagsgrilling på Bordholmen, rett og slett for å få selt ut meir av grillmaten som vart att da arrangementet vart stoppa. Så klokka 18 kom både finvêret og folket for å kose seg med grillmat og andre ting frå kosken.
Nytt innslag på årets Todalsdag er Todalsmarked – der arrangementskomiteen hadde ønske om å prøve noko nytt. Det er rett og slett ei utstilling og salg av husflid, slikt som tradisjonelt har vore bydd fram på julemesser og liknande. På Todalsdagen fekk dei no reiskapshuset på Bordholmen til disposisjon og bruka bord og stativ for å vise fram varene sine for å by dei fram for sal.
Dette var overskrifta i avisa Tidens Krav ein gong på 60-talet, etter at Todalen sitt herrelag i fotball vann 8-1 over KFK. Og kanskje kunne ein ha bruka same overskrifta i dag også? Men resultatmessig vart det i alle fall jamnare i dag enn den gongen, og i dag er KFK ein del av KBK (Kristiansund Ballklubb). I dag var det KBK sitt bylag, som hadde teke turen til Todalen for å spele kamp mot eit Todalslag, samansett for anledninga.
I dag var dagen da den 30. TodalsCupen skulle arrangerast, men vêrgudane var ikkje på lag med Todalen Idrettslag, så cupen vart stoppa etter 2-3 kampar på grunn av mykje regn. Dette er første gongen at arrangøren måtte gi tapt for vêret i løpet av alle desse åra.
Todalen I.L. opplevde makalause nedbørsmengder da Todalsdagen gikk av stabelen på laurdag. I løpet av eit par timar kom det så mykje regn at fortballturneringa måtte avslysast etter nokre kampar – det var uforsvarleg å køyre vidare med arrangementet. Mosjonsløpet Ræta Opp gikk som planlagt, men med betydeleg mindre deltaking enn tidlegare år. 20 påmeldt i herreklassen og eit tital i dameklassen utgjorde den aktive delen av løpet.