Todalen Idrettslag Arkiv

Todalen Idrettslag melder i kveld at tredemølla og romaskina fungerer som dei skal, etter å ha blitt reparert i dag. På tredemølla er det no skifta band og på romaskina er det motstandsmotoren som er skifta. 

Det har ei stund vore planer om å skifte ut den gamle komfyren i Todalen ungdomshus med ein ny. Så da idrettslaget kom over ein nær ubrukt gasskomfyr, vart det fort bestemt at den skulle kjøpast og installerast i ungdomhuset. 

Da er det tid for å fornye medlemsskapet sitt i Todalen Idrettslag. Faktura for medlemskontingenten for 2023 er no sendt ut som epost til alle med registrert epostadresse. Betalingsfristen er sett til 26. februar, og medlemskontingenten for 2023 kostar 150,- kroner for kvart medlem. 

Styret i Todalen Idrettslag kallar inn til årsmøte i Todalen ungdomshus onsdag 15. mars klokka 19:00. Den som vil seie frå seg tillitsverv i idrettslaget må gjere dette skriftleg til valnemnda innan tysdag 28. februar.  Saker som skal behandlast på årsmøtet må sendast skriftleg til styret i idrettslaget innan tysdag 28. februar.  Det blir enkel servering.  […]

Dei to siste dagane, har vore av det vindfulle slaget. Da er det ikkje akkurat uteaktivitetar som freistar mest, så da er det bra Barne- og ungdomsgruppa i Todalen Idrettslag kan tilby balleik for barn og unge i gymsalen på Todalen skule. 

Barne- og undomsgruppa i Todalen Idrettslag inviterer til sesongens første «Barn i løypa» i lysløypa på Tjønnmyra i kveld klokka 18:00 – 19:00. Det blir servert saft til deltakarane. 

Styret i Todalen Idrettslag kallar inn til årsmøte i Todalen ungdomshus onsdag 15. mars klokka 19:00. Vanlege årsmøtesaker. Fullstendig sakliste vil bli kunngjort her på Todalen.no 7. mars. 

Todalen Idrettslag har dei to siste tysdagane invitert til volleyball i gymsalen på Todalen skule. Dette er eit tilbod idrettslaget vil halde fram med på tysdagane framover, om det er interesse for det. 

I kveld inviterte Barne- og ungdomsgruppa i Todalen Idrettslag til «hockeykveld» på Bordholmen stadion. Mange frå den «yngre garde» møtte opp for å spele ishockey på ein nypreparert og fin ishockeybane. 

Barne- og ungdomsgruppa i Todalen Idrettslag inviterer til «hockeykveld» på Bordholmen stadion i kveld frå klokka er 17:30. Dette fordi det ikkje heilt optimale forhold for «barn i løypa», og fordi det no er nypreparert is på Bordholmen. 

Har du ønske om å ta ein trimtur på barmark – utan ski, så er Svinvikrunden eit godt alternativ akkurat no. Rett nok er det ikkje barmark heile runden, men det er godt å ga til fots. Og er du utrusta med gode vintersko med pigg, så er du på trygg grunn. Søndag var det fleire som nytta høvet til ein søndagstur på barmark.  

Todalen Idrettslag og Todalsdagen er så rause at dei kvart år gir bort startkontingenten frå mosjonsløpet Ræta Opp, som blir arrangert i samband med Todalsdagen. I 2021 var det Blodbanken i Kristiansund som kunne nyte godt av denne givergleda, og heile startkontingenten på 16.300 kroner gjekk dit.  Det var stor glede i Blodbanken, og Randi S. Tømmervåg og Elisabeth Sandvik var på Bordholmen under Todalsdagen – for å promotere Blodbanken.