Vi fann 9206 artiklar i dette arkivet.
Denne veka pågår Noregs største byggvaremesse – Bygg Reis Deg 2023 i Nova Spektrum på Lillestrøm. Her er nærast heile byggebransjen samla, med 380 utstillarar og 30-40.000 besøkande i løpet av messa som pågår i perioden 18. – 21. oktober. Messa er opa for både profesjonelle og private, og Talgø er sjølvsagt ein av utstillarane.
Surnadal frivilligsentral og Surnadal Ungdomsklubb startar i dag eit gratistilbod for ungdomar mellom 10 og 16 år. Måndagar til og med torsdagar i tidsrommet 15:00 til 18:00 vil det bli mogleg å få seg ein matbit i ventetida mellom skuleslutt og til fritidsaktivitetar startar.
Det hagla og regna som verst i dag, var det godt å kome i hus i det vedfyrte samlingslokalet i Gammelskulen. I dag var det invitert til «kaffeslaberas» igjen, men det vart da heller litt av ein internasjonal cafè, med besøk både frå USA og frå Spania. Katie Manasse-Catinella som er heimehøyrande i New Orleans hadde med gitaren, og som profesjonell songar/musiker bidro ho med ein svinganede minikonsert i den gamle skulstua.
Todalen sanitetsforening inviterer til kløvertur måndag 16. oktober . Oppmøte ved Matkroken og start derifrå kl. 11:00. Alle er velkomne til å bli med ut på tur!
Ute regn og rusk, inne lunt og godt! Slik var det laurdag 14. oktober da Sanitetsforeninga inviterte til Fredrikkekaffe.
Bygdefolket viste at dei sett stor pris på nærbutikken sin, da Matkroken Todalen arrangerte lokal handledag sist laurdag. Matkroken Todalen er ein såkalla Merkurbutikk, og er slik deltakar i dette prosjektet som faktisk er landsomfattande nettverk av utkantbutikkar. Laurdag var det altså mobilisert for nærbutikkane over heile landet.
Todalen sanitetsforening melder at laurdag 14.oktober er det Fredrikkekaffe i tidsrommet 13:00 til 16:00. Alle er velkomne med eller utan handarbeid!
Komande laurdag 14. oktober slår vi på stortromma og serverer gratis kaffe og blautkake i tidsrommet 10:00 – 15:00. Det skjer i samband med at vi markerer «Handle lokalt-dagen». Dagen blir markert over heile landet i alle såkalla «Merkur-butikkar» som deltek i Merkurprogrammet.
Det har vore utfordrande å drive med sauesanking i år – det har vore mykje nedbør og ikkje minst har det store snøfallet i høgfjellet laga problem. Ola G. Kvendset i Viastua fortel at dei har rundt 40-50 dyr i fjellet enno – knappe 30 er berga ned frå snøen medan eit 20-tal ikkje er funne. Onsdag henta Ola ned over 20 dyr frå Tælafjellet i Romådalen, men måtte forlate dei på Husbystølen i Romadalen da kveldsmørkeret kom.
Matkroken Todalen – eller L. Hals Eftf. AS som er det juridiske namnet, blir 111 år søndag 29. Oktober. Kan det bli den siste bursdagen som butikken kan feire. 31. juli neste år har Terje Nordvik bestemt seg for å bli pensjonist på heiltid – alderen og utslitne kneledd krev sitt, og etter råd frå fastlegen vil han no «ta livet med ro» som han seier.
Etter kløverturar utanom Kammen i september, vart det rolege kløverturar i Toåa tursti dei to første måndagane i oktober.
Måndag morgon starta Veidekke asfaltarbeidet rundt omkring i bygda. Asfaltarbeidet var planlagt før helga, men mykje nedbør og snøbyger i lufta gjorde at arbeidet måtte utsetjast til måndag. Måndag føremiddag starta arbeidet med asfaltering frå Hjellabrekka til Øyabrua – vidare kjem det til å gå slag i slag til alt er ferdig. Det er eit asfaltlag frå Veidekke som utfører arbeidet og transport av asfalten skjer frå Kristiansund i regi av Surnadal Transport.