Vi fann 9238 artiklar i dette arkivet.
Søndag ettermiddag – nærare bestemt kl 14.00 – inviterer Todalen historielag til ettermiddagskaffe i Todalen ungdomshus. Det har etter kvart vorte tradisjon med eit slikt arrangement, som har stor oppslutning. Hovudtema på årets arrangement er gamle ord og uttrykk, og Gunnvald Bøe frå Bøfjord Historielag er leid inn som kåsør, og vi trur dette blir interessant for mange!
Siste natt har nok sett kulderekord for 2015 – mesta 10 kuldegrader som minimumstemperatur her, men sikkert kaldare enkelte plassar rund omkring i bygda. Utover dagen er det meldt mildare vêr, og til kvelden får vi nok raude tal med varmegrader dersom yr.no får rett.
Tysdag kveld var det kombinert informasjonskveld og musikerdugnad i Surnadal kulturhus. Mimi Kleiberg i stiftelsen Organdonasjon heldt eit veldig interessant foredrag og klarte å avmystifisere alle spørsmål for den som har vore i tvil om kva dette er og kva det betyr. Eit større høgdepunkt var musikerdugnaden, der lokal aktørar entra scene og delte song- og musikkglede med oss rundt 200 som var tilhørarar i salen.
Det kalde været dei siste dagane har vært til stor hjelp både for produksjon av snø i Sæterlia og is på Bordholmen. Isen er klar til bruk, og Todalen Idrettslag har både køller, puck, mål – og noen få skøyter til utlån, melder Knut Bergli i T.I.L.
Laurdag 24. januar kl 12. Familiedagen som til vanleg er i Skulstuå, flyttar denne gongen til skulen det vi har fått lånt sløydsalen og heimkunnskapsrommet i 2. etg. Der blir det anledning til å lage seg ein fuglekasse eller prøve seg på litt tekstilarbeid. På heimkunnskapsrommet (kjøkkenet) blir det servert kaffe/saft og noko og bite […]
Hjortfesta som var planlagt i fjorhaust blir arrangert laurdag 31. januar, fortel festleiar Håvard Halset, som oppfordrar til å kome på fest. Denne gongen er det jaktlaget på sørsia som er arrangør, og dei har mykje å by på denne kvelden – mellom anna ein velsmakande viltmeny.
Søndag inviterte Todalen I.L. til skitreff i den nye lysløypa på Tjønnmyran, og det var eit populært tiltak med både stort frammøte og stor aktivitet både i og utafor sporet. Med passe aktivitetsnivå, supplert med bålpanne og varm drikke klarte alle å halde varmen, sjølv om nokre få kuldegrader og litt auståvind beit godt.
Da har vi «tatt turen» til det store utland, og Amerika for vårt neste innlegg med blogg.
Avslutt helga med en fin blogg fra Santa Rosa og Birgitte Kvendset!
Laurdag vart årets første sonerenn arrangert på Vang skistadion på Kvanne. 55 deltakarar mønstra på startreken og var ivrige etter å kome ut i sporet. Sjølv om det tidvis var litt regnvêr så var det god stemning både blant deltakarane og blant publikum og heiagjeng.
Laurdag ettermiddag arrangerte P/T-utvalet fakkeltog for sambygdingane. Det vart tenkt som ei stille markering, og for å samlast til ettertanke etter fleire tragediar og mykje sorg det siste året. I overkant av 80 personar deltok i fakkeltoget, som gikk frå Halsbua og oppover til kyrkja, der det var opne dører for servering av varm drikke til deltakarane.
Det nye lysløypeanlegget på Tjønnmyran er ferdig og teke i bruk. I samband med drifta av det nye anlegget, nyttar driftsstyret høvet til å tilpasse mannskapet i gruppa. Endringane som blir gjort er førebels, og gjeld fram til årsmøtet seinare i vinter, fortel Terje Nordvik, som leiar gruppa som har ansvar for alle vinteranlegg, løypekjøring og for skihytta.
Eldremiddagen har har «ferie» sia lenge før jul, men no startar dei på igjen med ein ny sesong. Det skjer onsdag 21. og onsdag 28. januar til vanleg tid kl 13.00. Menyen er ikkje klar enno, men det blir god og heimlaga mat, fortel Reidun Østvik på telefon til Todalen.no.