Vi fann 9168 artiklar i dette arkivet.
Kvart år gir Todalen IL alle pengane frå løpskontigenten frå mosjonsløpet «Ræta opp» til eit veldedig formål. I år gjekk inntektene på vel 10 000 kroner til Diabetesforbundet barn/foreldre i Sør Trøndelag og Diabetesforbundet i Surnadal, Rindal og Halsa. I den anledning har todalen.no motteke ein takke-epost frå Rigmor Torset frå diabetesforbundet i Trondheim som vi ønsker å formidle både til ære for initiativtakarar og deltakarar!
Første runden av adventsquizen er over, og vi har kåret en vinner.
Torgdagen på Skei vart ein ubetinga suksess, – og trekte folk i tusenvis. Dette var eit samarbeidsprosjekt mellom Kreativt Furum og Surnadal kulturhus, og Tove Merete Schei og Kartein Telstad var storfornøy både med arrangementet og tilstrøyminga av publikum.
Det går slag i slag med julemesser og julemarked for tida. Laurdag var det på Kårvatn og søndag er det full fart med juletorg på Skei. Det skjer på torgplassen framfor kulturhuset og i sjølve kulturhuset – og på Thon Vårsøg hotell som har dekt eit stort familiejulebord i restauranten. Torgdagen varer frå 12-18 og med 40 utstillarar er det litt av kvart å by på både heimelaga og kortreiste matvarer og husflidsvarer av ymse slag.
Det er no mindre enn ein månad til jul, og førstkomande søndag er det første søndag i advent. For nokre dagar sia trefte vi Toril Redalen på Hageland – nettopp i full sving med å lage ein dekorativ adventsstake. I desember tek ho nemleg fri frå kunstnertilværet, – og blir «sesongarbeidar» på Hageland – og det gler ho seg til, fortalte ho…
Laurdag blir det skikkeleg julestemning både på gammellåven og nylåven på Kårvatn. På gammellåven blir det julemesse, der du kan få kjøpt litt tå kvart av husflid og andre heimelaga ting. Bundingsstikkene har gått i eitt rundt heile bygda den siste tida, så strikkavarer blir det å få kjøpt. Elles er det er stekt lefser, koka mølsgraut og laga røykelaks. I butikken på nylåven er det også julestemning, og der blir det nok diska opp med både kaffe, gløgg, kakao og sjølvsagt nylaga pepperkaker. Muligheiter for litt julegåvehandel blir det nok der og, fortel Laila Kvendset ved Kårvatn Fjellutstyr.
Laurdag 29. november blir det gjenhør med Messiasprosjektet i Stangvik kyrkje. Konserten startar kl 16.00, og da blir det Händels Messias for alle pengan. Mellom solistane er Sigrid V. Bøe, som no har finpussa formen ved Operahögskolan i Stockholm. Musikalsk leiar er sjølvsagt Peder Rensvik. Bernt Bøe har skrive omtale av Messiasoratoriet som altså blir framført i Stangvik laurdag og Nordlandet kyrkje søndag.
Vi har tidlegare omtale todalingane og andre som jaktar på storvilt i Engdal og Rodal. Laurdag vart det lite resultat av jakta, men derimot venta det ei lita overrasking når dei kom att til «base camp» i garasjen til Kjell Furnes….
Dei minste har nok venta på snøen no, men vêrgudane har halde igjen, – og tykkjer nok det er litt tidleg enno. Da gjeld det å ta saka i egne hengder og lage snø, slik som «snømakarane» Knut Bergli og Finn Ranes har gjort. Laurdag vart det endeleg kuldegrader nok til å prøvekjøre den nye snøkanonen, – og produsere den første snøen. Snøkanonen er eit samarbeidsprosjekt mellom FAU, Todalen Idrettslag og Todalen oppvekstsenter.
På ein pressekonferanse torsdag vart pressa orientert om Vårsøghelga 2015 – den 20. i rekkja. Dagleg leiar Gerd Ingrid Kvendset presenterte programmet i grove trekk – i tillegg til store endringar som blir gjennomført for Vårsøghelga 2015. Til neste års arrangement har Kvendset fått mange store namn på blokka – aller størst er vel Arve Tellefsen som kjem til Kleivakvelden – vi har lenge hatt lyst til å høyre han i samspel med Henning Sommero, John Pål Inderberg og fleire til på Kleivascena.
I dag er det premiere for den nye avisa som 5-7 klasse ved Todalen oppvekstsenter har laga. redaksjonsmedlemane hadde rigga seg til på Matkroken, der dei byr fram den flotte avisa til dei som stikk innom butikken. Vi har kika gjennom avisa som er trykt i fargar på alle sidene, og anbefaler alle å kjøpe – og lese TA-Avisa. Fredag foregår salet fram til kl 14 og laurdag er det folk tilstades mellom kl 12 og 15.
Torsdag kveld arrangerte Stangvik historielag kåserikveld på Stangvik skule. Det var den pensjonerte museumsmannen Bjørn Austigard som var invitert til å halde foredrag, og eit stort 40-tals historieinteresserte hadde funne vegen til foajen på Stangvik oppvekstsenter. Sjølv om Austigard no har pensjonert seg etter 35 år som leiar ved Romsdalsmuseet er han framleis engasjert og interessert i historia og er mykje nytta som kåsør og fagmann.