Vi fann 9082 artiklar i dette arkivet.
Todalen I.L. har satsa mykje på lysløypa på Tjønnmyra dei siste åra. Siste nytt er ein sporfres for traktor, som freser og lagar skispor. Tysdag var det premiere for det nye utstyret som har kosta rundt 130.000 og resultatet vart bra, konstaterer Ståle Ansnes.
På MøreTre fekk dei seg ein støkk i morgontimane måndag morgon da brannalarmen vart løyst ut, og signaliserte at det var røykutvikling i kranhall syd. Det viste seg etter kvart å være falsk alarm, men før situasjonen var avklart måtte vi gå inn og sjekke, og valgte difor å tilkalle brannvesenet, seier Roar Nordvik som er produksjonsleiar ved Talgø Møretres anlegg på Syltøran.
Interessa for lokalhistoria er stor i Todalen. Søndag samla Todalen historielag eit 60-tals historieinteressert frå Todalen og omegn til ettermiddagskaffe i Todalen ungdomshus. Nils Røv var hyrt inn som kåsør og underhaldar, og det var ei oppgåve han kom seg godt ut av. Nils Røv hadde to sekvensar, der han i første del fortalte lokale […]
Førstkomande søndag, 21. januar kl. 15:00, arrangerer Todalen historielag ettermiddagskaffe i Ungdomshuset. Denne dagen blir det program med Nils Røv som både kåserer, viser bilete og spelar munnspel!
På elementavdelinga til Talgø MøreTre er det full trøkk om dagen. Denne veka rulla det inn ein rekordarta ordre på støyskjermar på nærare 11 millionar. I tillegg er det mange store ordrar som alt er i hamn og mange som er på gang, fortel driftsleiar Arne Rudningen ved Talgø MøreTre’s elementavdeling i Todalen.
På 10-dagersvarselet til yr.no meldes det kuldegrader for heile perioden. Nattemperaturen vil variere frå -1 til -10 etter vêrmeldinga, men erfaringa viser at det ofte blir kaldare en meldt.
olli Skog er i gang med stor tømmerdrift i Halsetlia. Det er mellom 2- og 3.000 m3 som skal drivast ut i denne omgangen. Både gran, furu og lauvtre skal hoggast og fraktes ned til Øraekra det det er lunningsplass for både tømmer og ved.
Laurdag var det loddseljardag for sanitetens tradisjonelle kunstlotteri. Det siste året er det 2 flotte bilder, med Kristine S. Ulvund som fotograf, som har vore hovedgevinst i lotteriet. No begynner det å haste dersom du skal kjøpe lodd, for det blir trekning på Todalen sanitetsforenings årsmøte den 6. mars.
Laurdag starta Todalen sanitetsforening på ein ny sesong med strikkekaffe. 16-17 strikkeentusiastar sette kvarandre i stemne i sanitetshuset og her knitra det i strikkepinnar og dufta nykoka kaffe. – Strikkekaffen er kanskje like mykje eit sosialt treffpunkt som det er strikkefagleg, og det viktigaste er da faktisk å treffast og gjera ting i lag vart det sagt. Men i dag fekk dei ei sak å bryne seg på, for Synnøve Talgø hadde med seg eit par grytelappar som ingen forsto korleis dei skulle strikke – eller kanskje det var hekling?
Det går framover med vegarbeidet i Falla, med arbeidet er utruleg forsinka i forhold til den første plana som gikk ut på å halde stengt i 5 veker. Da gammelvegen rasa ut vart arbeidet mykje meir omfattande enn først planlagt, og det er store mengder med stein og grus som er frakta vekk. No går ny prognose ut på opning om eit par veker for nødvendig transport – medan ferdiggjering av vegen til ta lengre tid.
Det var på det næraste kaos i Åsbøhaugane i dag tidleg. Det vart stopp for fleire bilar som hadde problem med å komme opp bakkan frå Søyåbrua og opp til Åsbøen, fortel Terje Nordvik som hadde slepa opp eit par bilar i dag tidleg.
Rute 46 som har vore innstilt sia kl 8.47 i dag på grunn av dårleg vær, har no normal drift igjen, melder Fjord1 kl 15.51