Forside Arkiv

To målgrupper kan no få tilbod om ekstra oppfriskingsdose etter avtale: FHI opnar for at eldre frå 80 år og oppover og personar med alvorleg svekka immunforsvar no kan få tilbod om ei ekstra oppfriskingsdose. Det er den velprøvde vaksinetypen frå Pfizer som er aktuell.
Til personar med alvorleg svekka immunforsvar – Dersom din behandlande sjukehusspesialist anbefaler deg fleire doser koronavaksine enn du har fått til no, ber vi deg ta kontakt med vaksinekoordinator på Vaksinetelefon: 913 79 001 (mån. – fre. kl. 09.00 – 15.00)

Endeleg er det tid for å prise våren – dei handlande i Røtet/Syltøran arrangerer tradisjonell vårfest no fram mot helga. Eiksentret har ein lang tradisjon som er godt innarbeidd, og dette har naboane også hiva seg på. Og naboane er i denne samanhengen Hageland Surnadal, Byggmakker Surnadal, Rørservice, Trollheimen Treningssenter og Sveen Auto.

Eit sikkert vårteikn er sanitetskvinner som sel maiblomster, i år er det i Todalen sal av maiblomstkrans og bilblomster, ein kan altså pynte både seg sjølv og bilen ved å støtte ei god sak.

Todalen sanitetsforening inviterer til strikkekaffe i Sanitetshuset laurdag 23. april i tidsrommet 13:00 – 16:00. Alle er velkomne!

Torsdag kveld var tingvollgjeldingen Helge Husby i Todalen for å promotere den nye boka han har skrive om kamphandlingane i Gratangen. Slaget i Gratangen i aprildagane for temmeleg nøyaktig 82 år sia, og er rekna for å være det blodigaste som har skjedd på norsk jord. Helge fortalte at han har gått svanger med bokplanar helt sia han var ungdom, og at mange nordmøringar fall i Gratangen har vore med og påvirka planane som no er realisert

Denne veka er det i Røtet det skjer – dei fleste aktørane i området står bak aktivitetane som går føre seg frå torsdag og framt mot helga. Det er Eiksentret Surnadal, Hageland Surnadal, Byggmakker Surnadal, Rørservice, Sveen Auto og Trollheimen Treningssenter – alle sammen lokaliser ved Ørabrua og litt rundt omkring

Torsdag 21. april (kl 18:00) kjem historikaren og forfattaren Helge Husby til Todalen ungdomshus med sitt foredrag om Trønderbataljonen og slaget om Gratangen. Husby vil halde eit foredrag på ca. 2 x 30 minutt om ungdomane frå Nordmøre og Trøndelag som kjempa mot den tyske krigsmakta i Gratangen i aprildagane i 1940.

Neste veke, tysdag 26. og onsdag 27. april, planlegg Møre og Romsdal fylkeskommune og naudetatane ei stor brannøving i Svinviktunellen (på Fv 6145). Svinviktunellen vil bli heilt stengt mellom kl 18.30 og 20.30, men det vil også påvirke trafikkavviklinga før og etter dette tidsrommet

Songmessa for heile påskehøgtida som Bernt Bøe hadde arrangert, var ei sterk oppleving, frå palmesøndags «Hosianna! Himmel og jord kvede» (1765 – Hemsley) og den mektige «Gører portane høga» av Gunnar Wennerberg) til påskedags «Deg være ære, Herre over dødens makt» og fellessong «Å salige stund uten like». Koret Prosjekt 17 er godt samsunge med gode stemmer, også vakre mannsstemmer, og med forsterking av solist Turid Røen Kroknes, som song fleire soloparti.

Todalen sokneråd har ein lang tradisjon med friluftsgudsteneste på 2. påskedag – ein like lang tradisjon er det at det er finvêr på 2. påskedag. – Vi har alltid hatt finvêr så lenge vi ha halde på med dette, seier mangeårig organist og no vikar i denne tenesta, Bernt Bøe. Likevel har vi noko som er nytt av året, da friluftsgudstenesta i år er flytta frå Haugligardane til gapahuken på Tjønnmyra

Det er artig når vi får slik respons på våre arrangement! Leiar i Todalen idrettslag, Elinor Bolme trur at nærare 200 personar deltok på Gunnøydilten som vart arrangert i Toåa tursti på langfredag. Det kom og gikk folk heile tida, så det er litt vanskeleg å anslå, men det er iallfall sikkert at det var mange som var innom «basen» som var ved gapahuken i Båthølen.

Vi har ikkje hatt noko tradisjon for feiring av påske på Todalshytta tidlegare, men i år opnes det for ein triveleg og fredeleg påskeaftan med servering av hamburger eller hyseburger med pommesfrites og salat – og med god drikke til. Så feirer vi påske på gammeldags vis med kortspell og brettspell. Påskeaftan er det ope frå 19:00 til kl 01:00