Vi fann 92 artiklar i dette arkivet.
Stor variasjon i kinotilbodet på Surnadal kino den neste store veka. Frå den siste gentleman til eit mirakel i Gullspång – og med eit gratis filmtilbod for barn og ungdom i vinterferien. Seniorfilmklubben viser Robert Redfords farvel med kinolerretet onsdag 21. februar klokka 12:00, og tittelen er svært passande, nemleg Den siste gentlemannen frå 2018.
Todalen historielag kallar inn til årsmøte 19. mars klokka 19:00 i Todalen ungdomshus. På programmet står vanlege årsmøtesaker. Etter årsmøtet blir det servert kveldsmat.
Kyrkja i Surnadal inviterer til «Felles middag» på kyrkjelydshuset onsdag 21. februar klokka 16:00. Store og små i alle aldrar er da velkomne til kyrkjelydshuset på Skei, der det blir servert middag med påfølgande ettermiddagskaffe/te.
Torsdag kveld var det høgtideleg opning av utstillinga «Vintersyn» i Finstua i Surnadal kulturhus. Denne gongen er det Orion Righard og Ingrid Forfang som er gjestutstillarar, og det kom bra med folk til opninga, som kunne by på eit musikalsk musikkinnslag som ein del av opningsseremonien. Kunstnarane presenterrte seg sjølve – Orion Righard via nettet, direkte i toveis kommunikasjon via Times og Ingrid Forfang som var til stades gjorde det sjølvsagt «live».
Det er funnen ein Iphone mobiltelefon på sjøisen i dag. Det er tydeleg at det er ein Liverpool-fan som er eigaren, og at Mohamed Salah er favorittspelaren, men kven eigaren er, ja, det er uvisst.
Rute 1061 Kvanne – Rykkjem: Tåka skaper problem på Stangvikfjorden i dag. – Grunnet dårlig sikt innstilles sambandet inntil videre, melder Fjord1 til Todalen.no. Frår kl 15:20 er det imidlertid normal drift igjen.
Todalen sanitetsforening inviterer til Fredrikkekaffe/Strikkekaffe laurdag 17. februar i tidsrommet 13:00 – 16:00. Vel møtt!
Underkjølt nedbør laga kaos i skulebusstrafikken i morgontimane i dag. Innafor tunellen var det speilblank is på vegane, medan strøbilen glimret med sitt fravær. Tidlegbussen til Surnadal vidaregåande måtte på med kjettingar på Kvennset, og kom seg vidare mot Surnadal ein time forsinka.
Det har i nokre dagar no vore sjøis, så i går kveld inviterte Barne- og ungdomsgruppa i Todalen Idrettslag til ishockey på sjøisen. Og responsen var bra, både frå dei unge og dei vaksne. Barne- og ungdomsgruppa hadde lyst opp banen med faklar, teke med ishockeymål, køller og puckar, så det vart ein fin kveld med aktivitet, lys og stemning.
Neste veke, måndag 19. – fredag 23. februar er det vinterferie for alle elevane i grunnskulen og den videregåande skulen i Surnadal, og store deler av landet. Surnadal frivilligsentral, Nordmørsmusea og Surnadal kulturhus, representert ved Surnadal kino og Surnadal bibliotek, har saman laga eit aktivitetsprogram for vinterferieveka, sjølv om den første aktiviteten er allereie laurdag.
Som tidlegare annonsert, så inviterer Todalen Idrettslag til «Pop-up» bruktmarked i Todalen ungdomshus laurdag 17. februar klokka 12:00 – 15:00. Her kan du leige bord til 100,- kroner og selge ting du ikkje lenger har bruk for, som til dømes: sko, ski og anna sportsutstyr, pene klær, bestikk, dekketøy, bøker, vesker, sekkar, bagar, reiskap og mykje meir.
I dag kunne bussjåføren Odd Magne Heggem Grytskog, som kjøreer skulebussen i Todalen, presentere den nye bussen som skal gå på Todalsruta i tida som kjem. Heilt ny er nok ikkje bussen, men han er 5 år nyare enn gammelbussen som no hamnar i utlandet – kanskje i Afrika. «Nybussen» har tenestegjort som expressbuss mellom Molde og Trondheim sia 2016, da den var heilt ny.