Vi fann 71 artiklar i dette arkivet.
Tysdagar etter skuletid samlar Torbjørn Brøske og Bernt G. Bøe årets konfirmantar i Todalen, Stangvik og Åsskard kyrkjer til konfirmantundervisning, ei av dei av tre kyrkjene. Før konfirmantundervisninga tek til, serverer sokneråda mat og drikke. Bernt G. Bøe har sendt oss ein rapport om kva konfirmantane får lære gjennom konfirmantopplæringa.
Trollheimsutstillinga som i si tid stod på Stangvik skule skal no monterast på Gammelfabrikken i Brusetmarka. Heilt sia Stangvik skule var ombygd og renovert har utstillinga levd eit omflakkande liv – til Todalen kom utstillinga frå lageropphald på Bøfjorden skule. No er den «nye heimen» i 2. etasjen på Gammelfabrikken under oppussing, og monteringa er så smått komen i gang.
Todalen sanitetsforening inviterer til Fredrikkekaffe / strikkekaffe laurdag 20. januar i tidsrommet 13:00 – 16:00. Vel møtt!
I går ettermiddag inviterte Barne- og ungdomsgruppa i Todalen Idrettslag til Pop-up «barn i løypa» i lysløypa på Tjønnmyra. – Det var kjempefine løyper og verkeleg fine forhold for å gå på ski, sjølv om det var mange kuldegrader, fortel leiar i Barne- og ungdomsgruppa, Anders Gjeldnes.
I ei pressemelding frå Vårsøghelga no i kveld, får vi vite at TrondheimSolistane avsluttar vårsøghelga 2024 med konsert i Storstuå på Surnadal kulturhus søndag 26. mai klokka 19:00. Her vil TrondheimSolistene framføre Vivaldis «Dei fire årstider», der orkesteret sin eigen leiar, Geir Inge Lotsberg som er solist. TrondheimSolistene har turnert verda rundt med Vivaldi sine årstider, med mellom anna Anne-Sophie Mutter, Joshua Bell og Marianne Thorsen som solistar. men denne gongen er det altså lotsberg som er solist.
Surnadal Jeger og Fiskerforening (SJFF) kallar inn sine medlemmar til årsmøte 29. februar klokka 18:30 i klubbhuset på Tellesbø, Nordsida 198. Vanlege årsmøtesaker.
Barne- og ungdomsgruppa i Todalen Idrettslag inviterer til «barn i løypa» i lysløypa på Tjønnmyra onsdag 17. januar klokka 17:30. – Det er kort varsel, så det blir meir som eit «pop-up» arrangement, men det er fine forhold for å gå på ski no, så da må vi berre kome i gang, seier Anders Gjeldnes, leiar i Barne- og ungdomsgruppa.
I år blir det nok ny giv for Kjerringdilten, seier Terje Nordvik som saman med styret for TIL Skihytta har invester i nye startnummer til årets arrangement. Langfredag er nemleg årets høgdepunkt, når Kjerringdilten går av stabelen. Terje er leiar i hyttestyret, og saman med Veidekke som sponsor er det investert 10-12.000 i nye startnummer til Kjerringdilten og andre arrangement på Skihytta som Todalen IL har på Ørsalfjellet.
Styret i Nordmøre forsvarsforening kallar inn sine medlemmar til årsmøte fredag 16. februar klokka 13:00 på Fjordkroa på Aspøya, Straumsnes. Vanlege årsmøtesaker. Det blir også vist bileta frå den forsvarshistoriske turen til Kvalvik fort i 2023, frå ein tur på Ringebufjellet, til eit gamalt tysk flyvrak frå krigen og frå 8. mai-markeringa.
«Årshjulet» til Todalen Idrettslag viser at at det er mykje som skjer framover, og i tillegg til det som allereie er datofesta, så blir det heilt sikkert «Barn i løypa» i lysløypa på Tjønnmyra og lagseriestemne på Bordholmen. Årets Todalsdag blir laurdag 29. juni, der det blir både fotballturnering og «Ræta opp!».
Styret i Todalen Idrettslag kallar inn sine medlemmar til årsmøte i Todalen ungdomshus torsdag 7. mars klokka 19:00. Den som vil seie frå seg tillitsverv i idrettslaget må gjere dette skriftleg til valnemnda innan laurdag 10. februar.
Vår eminente internsnekker har gjort alvor av trusselen om å pensjonere seg, så nå ser vi etter noen som kan bli Talgø-konsernets nye, personlige supersnekker (NB: må ikke forveksles med sinnasnekker)!