Arkiv for september, 2022

Laurdag ettermiddag og kveld var det massivt regnvêr og dermed flaumstore elvar. Spesielt var det mykje flaumvatn på Kårvatn – frå Vassosvatnet og innover, der det gikk langt over «alle støvelskaft». I 22-tida meldte Gudmund at dei endeleg såg konturane av at elva var i ferd med å trekke seg sakte tilbake. Siste målingane vi har frå NVEs stasjon ved Storfossen er gjort kl 21.00 laurdag kveld, og dei fortel at det på dette tidspunktet passerte heile 120,96 m3/sek dette målepunktet.

Todalen sanitetsforening har i dag motteke prisen Årets prosjekt, for sitt nyskapande samarbeid med Solveig Haglund og Helga Bele med prosjektet «Inn på Tunet».  Det skjedde under Regional samling på Scandic Nidelven i Trondheim, der rundt 130 engasjerte sanitetsdamer er på plass i helga for å stake ut kursen for organisasjonen – mot 2030. Stående […]

Til tross for at regnvêret slakka på litt i føremiddag så har det i ettermiddag regna jamnt og trutt og det har ført vassføringa opp i nye høgder. På ei måling NVEs målestasjon på Storfossen no kl 17 var vassføringa kome opp i 104,5 m3/sek og det er høgste måling som er gjort i år. Grensa for 10 års flaum er forlengst passert (96,8 m3/sek

På vegen opp til lysløypa/trimløypa på Tjønnmyran er vegen no stengt på grunn av trefall.  Årsaka til trefallet er at bekken som går ned ombreidd med vegen har stor vassføring, og har gravd ut såpass med masse at det har ført til trefall over vegen.  Det er mykje vatn i omløp no, og elva er […]

Det ser ut til å være litt lenger tid mellom regnbygen, og kanskje ikkje så intens regn lenger no i formiddagstimane. Det er da også signala frå Yr.no, sjølv om dei framleis melder mykje reg både for laurdag og søndag. På Kårvatn går elva over alle gjer, og parkeringsplassen og gardstunet står under vatn no i føremiddag. Men det er på langt nær slik som under storfleumen i 2003, fortel Gudmund Kårvatn. Den gongen stod vatnet ca 70 cm høgare enn det gjør i dag. Vegen står under vatn ved Vassonsen og på Dalagjerdet – Surnadal kommune har difor stengt Dalavegen på strekninga mellom Vassosen og Kårvatn inntil vidare. Butikken på Kårvatn er også stengt, men nettbutikken er sjølvsagt open, seier Gudmund.

Det siste døgnet har regnet pøsa ned – det regna godt utover fredagen, og da vi var ute for å sjå på elva i 19.30-tida var elva i fyrhushølen, bak Gammelfabrikken, slik som på biletet på framsida. Da fikk vi ikkje inn data frå vassmålaren ovafor Storfossen. No i morgontimane er data frå målaren lagt ut, og da kan vi sjå at vassføringa på dette tidspunktet var temmeleg nøyaktig 75 m3/sek. I løpet av natta har det regna jamt og trutt…

Denne helga og neste helg har biletkunstnaren Lars Gunnar Polden utstilling i Kallastuå; her er det fargerike og spennande bilete med humor, snert og djupare grunn.

Sigri V. Bøe og Hedda Hansen Berg skal ha konserterer i kulturhuset og Sagatun torsdag 22. september. Det blir meir som eit stunt, med ein kort konsert i foajeen på kulturhuset klokka 11:00 og i Sagatun grendahus kl. 13:00, og det er gratis inngang båe stadane!

I neste veke – frå 19. – 23. september – gjennomføres årets demensaksjon. I Surnadal er det Surnadal demensforening- og helselag som er arrangør, medan det i Rindal er Rindal demensforening og i Åsskard er Åsgard helselag. I Surnadal startar dei aksjonen måndag 19. september og dei næraste dagane kjem det folk på døra for å samle inn pengar. På same måte som tidlegare har Surnadal demensforening og helselag fått god hjelp av Surnadalsrussen og i år er også 10-klassen med som driv med omsorgsfag.

I løpet av dei par siste vekene, har nokon stjåle alle lysa på ei gravemaskin, som har stått parkert i hyttefeltet på Øygarden på Nordvik. Det var LED lys på gravemaskina, og det er tydeleg at tjuvane har vore ute etter akkurat dette, for anna dyrt utstyr som GPS og liknande er ikkje stjåle. 

I går gjekk Stavgangruppa i Surnadal Pensjonistlag sin stavgangtur til Sjøasetervatnet. Etter mange veker med fint turvêr og sol, var vêrmeldingane for dagens tur ikkje dei aller beste. Men da stavgangarane kom opp til vatnet, kom sola fram. 

Vi går mot ein vinter med høge straumprisar og dermed auka bruk av vedfyring som ei av varmekjeldene. Med bakgrunn i dette hadde brannvesenet i Todalen, i går kveld, brannøving med fokus på pipebrannar og førstehjelp.