Vi fann 122 artiklar i dette arkivet.
Mesta entreprenør har dei siste par dagane halde på med vedleikehald av asfalten på vegane rundt bygda. Det er fleire strekningar som treng reparasjon, og der blir det no skifta ut masse for å få til meir stabile forhold før det legges ny asfalt. Du kan framleis oppleve litt ventetid for å kome fram, men […]
I går kveld var det lokaloppgjer mellom Søya/Todalen J10 og Surnadal J10. Sjølv om vêrgudane ikkje varta opp med godvêr, så fekk vi sjå ein fotballkamp med mykje godt spel og mange mål.
I anledning at Norske Kvinners Sanitetsforening (NKS) i år fyller 125 år, blir det arrangert ein Kløverstafett, der målet er at alle sanitetsforeningar over heile landet skal vere med. Kløverstafetten er eit lågterskeltilbod der lokalforeiningane saman, gjennom jubileumsåret, skal frakte ein stafettpinne frå sør til nord. Stafetten starta 1.mars på Svinesund, og skal ende si ferd i Tromsø, siste helga i september, der NKS skal ha sitt jubileumslandsmøte denne helga. Kløverstafetten kjem til Todalen torsdag 24.juni.
Surnadal pensjonistlag inviterer til stavgang torsdag 24. juni til Brøskehagen.
Todalingen Roar Sæter har eit liv og virke som geitebonde i Geiranger. Med til saman rundt 400 geiter å passe på, så har han fullt opp. Rundt 120 av dei er mjølkegeiter som er ute på beite og må mjølkast 2 gong dagleg – eit liknande tal er tilsette i verdsarvens teneste og tener til livet opphald som beitepussarar. Dei skal rett og slett sørge for at det terrenget ser fint og velstelt ut, når turistane kjem til Geiranger – enten med cruisebåtar eller pr bil og buss.
I ei pressemelding frå laget Vårsøg i dag, får vi opplyst at Åge Aleksandersen, Gunnar Pedersen, Trondheimsolistene med fleire, kjem til Stangvik kyrkje tysdag 2.november klokka 19:30, for å halde konsert. Billettar til konserten kan du kjøpe på «surnadal-kulturhus.no» eller på billettautomaten på Surnadal kulturhus. Salet startar i siste av halvdel av august.
Onsdag 23.juni klokka 18:00 inviterer Trimgruppa og Økonomi- og markedsgruppa i Todalen Idrettslag alle til St. Hans feiring ved gapahuken i Båthølen. Idrettslaget ordnar med grillar, men mat og drikke må ein ta med sjølv. Idrettslaget spanderer og kaffe og kaker etter grillinga.
Fredag 25.juni mellom klokka 13:00 – 17:00 held Lia Gard ope gardsutsal, før dei tek ein kort ferie. Denne gongen kan dei, i tillegg til dei vanlege godsakene, i tillegg freista med ein nyvinning, nemleg rabarbraterte, laga av rabarbra frå eigen hage.
Måndag 21.juni klokka 18:00 er det klart for nok eit lokaloppgjer i fotball på Bordholmen stadion. Da spelar Søya/Todalen sitt J10 lag mot Surnadal J10. Det blir sjølvsagt open kiosk med graut og bakels.
Todalen sanitetsforening inviterer til kløvertur måndag 21. juni Oppmøte ved Hals/Matkroken og start derifrå kl. 11:00.
For å klargjere anlegget på Bordholmen stadion til Todalsdagen, arrangerer anleggskomiteen i Todalen Idrettslag dugnad på Bordholmen tysdag 22.juni klokken 18:00.
Med bakgrunn i dei smittevernreglane som vart kunngjort i går, har Todalen Idrettslag bestemt seg for å invitere til Todals-Cup i aldersbestemt fotball, laurdag 26.juni frå klokka 10:00 og utover dagen. Det er aldersgruppa 6 – 10 år som blir invitert, og alle lag i kommunane: Sunndal, Tingvoll, Heim, Rindal og Surnadal blir invitert. – Vi er litt seint ute, men vi har avventa dei nye smittevernreglane, seier leiar i Todals-Cupen, Ola Dalsegg. – Vi håper likevel at det er interesse for cupen og at laga melder seg på, avsluttar han.