Vi fann 122 artiklar i dette arkivet.
Laurdag 26.juni er det duka for den 29. Todalsdagen. Det er med stor glede Todalen Idrettslag i år igjen kan inviterer til Todalsdag med fotballcup, «Litj Ræta» og «Ræta Opp»! I fjor var det ikkje mogleg å arrangere fotballcup under Todalsdagen på grunn av smittevernrestriksjonar, men i år er fotballcupen altså tilbake. Responsen for påmelding har vore god, sjølv om fristen for påmelding var kort.
Valsøyfjord Sanitetsforening og Halsa Sanitetsforening var torsdag på utror til Todalen, og hadde Nauståfossen og Kårvatn som endepunkt for kløverturen sin denne veka. Da vi trefte dem på Todalshytta var dei akkurat ferdig med traktering der, og var i ferd med å snu nasen heimover til Halsa – eller rettare sag Heim i dobbel forstand.
I dag har Kløverstafetten mellomlanda i Todalen på sin tur som går landet rundt. Det er i høve 125-årsjubileet til NKS (Norske Kvinners Sanitetsforening) at denne landsdekkjande stafetten arrangerast, og no i dag var det altså Todalen sanitetsforening sin tur til å markere arrangementet. Stafettpinnen kom ved god hjelp av Tor Olav Vatn frå Talgø Tradbo og Nils Ove Bruset hos Talgø Bygg frå Straumsnes til Todalen i morgontimane torsdag.
Nordvik Grendalag har hatt Sommarlotteri. Lotteriet hadde trekning under St. Hans-feiringa i går kveld. St. Hans-feiringa på Nordvik var i år lagt til Røs-Slettneset og samla knapt 50 personar, sjølv om vêret var litt grått og vått.
I kveld feira Trimgruppa og Økonomigruppa i Todalen Idrettslag St. Hans med grilling, kaffe og kaker ved gapahuken ved Båthølen. Sjølv om det vart bitte litt regn da arrangementet tok til, så var det vel 70 personar som kom for å vere med på midtsommarfeiringa, noko arrangørane seier seg storfornøgd med!
Ved å logge inn på helsenorge.no får du tilgang til det digitale koronasertifikatet ditt. Det digitale koronasertifikatet oppdaterer seg automatisk, og gjeld til ei kvar tid i 90 dagar. Du kan laste ned det digitale koronasertifikatet til mobiltelefonen eller nettbrettet ditt. Det er ikkje nødvendig med utskrift av sertifikatet dersom du har dette digitalt.
For nokre dagar sia gikk Ingebrigt K. Bergli ut porten på Surnadal ungdomsskule, og var ferdig med lovpålagt skulegang. Men dermed er det ikkje sjølvsagt at det blir ferie og slaraffenliv gjennom sommaren. Ingebrigt har nemleg fått feriejobb hos Matkroken/Halsoil, og skal sørge for at både flaggstengene og lyspålane på uteområdet ved drivstoffpumpene skal pussast opp i sommar.
I går var Fjellgruppa i Surnadal Pensjonistlag på tur til Svarrafjellet. Vêrgudane var på Fjellgruppa si side og varta opp med fint turvêr med sol og ein svak kjølande vind, slik at varmen ikkje vart for intens på turen. Det var 21 deltakarar på turen til Svarrafjellet.
Fredag 25.juni klokka 19:00 kjem Contrazt til Surnadal kulturhus. Contrazt er eitt av Norges mest turnerende danseband. Kvart år har det kome ut nye CD-plater som har gjeve både heder og ære i form av 4 gullplater og for ikkje å gløyme fire tituleringar som årets danseband, årets danselåt og årets musikar. Contrazt jubilerte nyleg og har lagt ein av jubileumskonsertane sine til Surnadal kulturhus.
Førstkomande laurdag er det Todalsdag, og da er det tradisjonellt både ein og fleire dugnadskveldar i forkant av arrangementet. Tysdag kveld var det samla ein effektiv gjeng som fikk gjort unna det meste med tanke på oppfiffing av anlegget, slik som kantslått og utplassering av utstyr som skal brukast.
Måndag ettermiddag var 1. kandidat, Birgit Oline Kjerstad og 2. kandidat, Kim Thoresen-Vestre, på Møre og Romsdal SV si stortingsvalsliste, på Todalsbesøk. Inger Johanne Iversen og Karina Kalvik var med frå lokalpartiet i Surnadal. Tidlegare på dagen hadde Kjerstad og Thoresen-Vestre vore både på Talgø MøreTre i Surnadal og på Statkraft sitt anlegg på Harangen i Øvre Surnadal på besøk.
Søndag 27.juni inviterer Todalen sokneråd til gudsteneste i Todalen kyrkje klokka 11:00. Liturg er Leif Endre Grutle, medan Ronny Kjøsen er organist. Takkofferet går til Kirkens SOS. Vipps: 506908.