Arkiv for juni, 2021

Torsdag kveld var det «kløppardugnad» på kyrkjegarden i Todalen.  Heile kyrkjegarden vart pussa opp – først med traktorkløppar og så finpuss rundt gravstøttene, kyrkjegardsmuren og blomsterbeda.

Vi har fått ei pressemelding frå styret i Todalsfjordprosjektet, der dei informerer om at dei akkurat no søker etter dagleg leiar.

I ei pressemelding frå Surnadal kommune no i føremiddag får vi ei oppdatering om koronavaksineringa dei komande vekene. På grunn av omfordeling av vaksiner har vaksineringsplana endra seg noko, så det kan vere lurt å følgje med i vekene framover. Pressemeldinga kan du lese i si heilheit nedanfor: 

I går kveld var det vårsongkveld i Todalen kyrkje. Når sant skal seiast, så har vi akkurat gått inn i sommarmånadane, både på kalenderen og temperaturmessig, men namnet skjemmer som kjent ingen, og det vart ein fin songkveld med både allsong og solonummer! Eit lite trettital hadde «trossa» finvèret og teke turen til kyrkja, noko dei ikkje angra på. 

Leveransane frå Bjøråa vassverk har vore utstibe den siste tida – seinast i går kveld var det stopp i vassleveransen ein kort periode.  Vi tok ein prat med Michal Heimlund som er driftsleiar for vann og avløp i Surnadal kommune for å høre kva som foregår og kvar skoen trykkjer.

Dei to siste helgane har det vore mange tilreisande som har besøkt Todalen.  Ein kan vel seie at med sommarvarmen så kom turistane, og med turistane vart også dei forskjellige turmåla aktuelle igjen. I Todalen har vi alt mykje å tilby og fleire planar er i kjømda – laksefisket i Toåa startar 15. juni.  

I ei pressemelding frå SpareBank 1 Nordmøre no på morgonkvisten, blir det kunngjort at SpareBank 1 Nordmøre kjøper 70% av aksjane i Trio Regnskapsservice, og blir med det hovudaksjonær. Trio Regnskapsservice har kontor i Surnadal og Trondheim. Totalt er det 28 medarbeidarar, 12 ved kontoret i Surnadal og 16 ved kontoret i Trondheim. Trio Regnskapsservice har rundt 600 kundar. Nedanfor kan du lese heile pressemeldinga frå SpareBank 1 Nordmøre. 

Fjellgruppa i Surnadal Pensjonistlag feira første sommardag med tur til Strengen, og ein skikkeleg fin sommardag med god sommarvarme vart det!

Det var nok mange som lurte på kva som foregikk i elva ved Brusetbrua tysdag ettermiddag, der eit dusin tørrdraktkledde personar med flytevestar dreiv på i det kalde smeltvatnet i Toåa.  Vi kan berre røpe det med ein gong, for det var selskapet HodeOverVann.no som sørga for at eit 10-tal Statkrafttilsett fikk opplæring i Elvesikkerheit – eller rett og slett eit aktuelt HMS-kurs for dei som jobbar ved elv eller sjø.

Leiar i Todalen sokneråd, Kristian H. Gjeldnes, informerer om at det blir «slåttedugnad» på Todalen kyrkjegard torsdag 3.juni klokka 18:00. Det må slåast gras mellom greftene og langs med murane, der  «slåttakarane» ikkje kjem til med graskløpparen når dei slår kyrkjegarden. Så han oppfordrar difor til at folk tek med seg kantkløppar på dugnaden. 

I ettermiddag inviterer Surnadal Senterungdom alle mellom 13 og 30 år til Pizza og Politikk på Fritidsklubben/Frivilligsentralen på Skei klokka 16:00. Her får du litt orientering om Senterungdommen og politikken deira. I tillegg kjem fylkesleiar i Senterungdommen, Dordi Boksasp Lerum. 

Søndag 6.juni mellom klokka 12:00 – 16:00 er det sesongopning hos Slettneset steinovnsbakeri på Nordvik. Det er førebels meldt godvêr, så da skulle alt ligge til retter for å ta søndagskaffen i Slettneset på søndag!