Fjellgruppa i Surnadal Pensjonistlag feira første sommardag med tur til Strengen, og ein skikkeleg fin sommardag med god sommarvarme vart det!
Godt med avkjølande snø! Foto: Anne V. Einum
Det var 21 Fjellgruppedeltakarar som kjempa seg opp den bratte lia frå Vang og opp til toppen av Strengen.
Godt skilta! Foto: Anne V. Einum
– Det ulja godt i solsteiken, så høva til væskepåfyll vart nytta til fulle. Utsikten og matpakken gjorde seg uvanleg godt der vi vagla oss rundt toppvarden, fortel Kristian Ranes frå Fjellgruppa.
Pust i bakken ved Haugenhytta. Foto: Anne V. Einum
– At Nordmøre er den vakraste delen av fedrelandet vart vedteke utan motinnlegg!, avsluttar han.
Ut på tur, aldri sur! Foto: Anne V. Einum
Neste tysdag går turen til Møkkelfjellet. Meir informasjon om den turen kjem seinare.
Gammel og ung! Foto: Anne V. Einum
Fjellgruppa ønskjer alle velkomne til å bli med på tur til Møkkelfjellet!
Nedanfor er det nokre bilete til frå gårsdagens tur til Strengen:
