Arkiv for juni, 2021

Todalen sanitetsforening inviterer til kløvertur måndag 7. juni. Oppmøte ved Hals/Matkroken og start derifrå kl 11:00.

Onsdag 9.juni inviterer Trimgruppa i Todalen Idrettslag til loppemarked på Bordholmen frå klokka 19:00 – 20:00. Sidan det ikkje skal vere loppemarked under Todalsdagen i år, så inviterer Trimgruppa istaden til loppemarked onstag 9.juni. Det er «loppene» som er at frå dei tidlegare åra som no blir selt, så her er det mogleg å gjere eit «røvarkjøp». 

I går tok Søya/Todalen sitt J10 lag turen til Kristiansund for å spele to seriekampar på same dag. Første kamp var mot Frei, medan kamp nummer to var mot Nordlandet. 

Asle Beck og Eirik-André Rydningen rakk akkurat å runde av friluftskonserten på bakkan framfor Todalshytta før regnet meldte sin ankomst.  Det er jammen ikkje mange kveldane i løpet av sommaren at ein kan oppleve så fine kveldar, og kan nyte eit musikalsk kulturprogram som hadde høve til i kveld. Det er heilt fantastik å kunne nyte så flott musikk, og samtidig kose i sommarkvelden.

I dag starta utleige av elsyklar i Todalen. Det er Todalen Grendalag som administrerer utleiga av dei fem elsyklane, som du kan leige. Syklane står på Matkroken Todalen, og må leverast der etter bruk. Syklane blir leigd ut i tidsrommet mellom klokka 10:00 – 20:00. Leigeprisen per sykkel er kr. 200,- pr. dag samt familie som kostar kr. 400,- pr. dag (inkluderer 3 syklar og sykkelvogn). 

Todalen Idrettslag treng smørgrautkokarar for å koke graut når det skal vere open kiosk på Bordholmen stadion. Bortsett frå Todalsdagen er det nok med ein grautkokar til kvar kveld kiosken er open. Det ser ut til å bli mellom 5 – 10 kveldar kiosken vil vere open denne sesongen. Idrettslaget stiller med mjølk, smør og kveitemjøl. Ingrediensane får ein utlevert på Matkroken Todalen frå 2 dagar før.

I ettermiddag hadde mannskap frå Surnadal lensmannskontor trafikkontrollar fleire stadar i kommunen. Ein av stadane var på Nordvik. Her var det fart, belte- og mobilbruk som vart kontrollert. 

Fredag kveld kom skonnerten Ideal frå Kristiansund på besøk innovar fjordane, og gjorde snumanøver innerst i Todalsfjorden.  Det var nok mange som spekulerte på kva ærende båten hadde, men vi trur at den rett og slett berre tok seg ein tur i det fine sommarvêret. Gradestokken balanserte utover dagen på rundt 30 grader i skuggen. og da var det nok godt å kome seg ut på bøljan blå og få litt avkjøling. 

Asle Beck gler seg til å komme tilbake til Todalen for å holde konsert.  Asle er godt kjent i Todalen og på Todalshytta etter å ha deltatt på låtskriverseminar og holdt et par konserter her. Nå tegner sommeren og høsten til å bli en travel tid for Asle, med konsert onsdag kveld og så kjøre til Todalen for å holde konsert på Todalshytta.  Videre blir det kosertering hele sommeren og høsten opptreden både på fredag- og lørdagskvelder. 

Tysdag den 8.juni tek Fjellgruppa i Surnadal Pensjonistlag turen ut av fylket og går til Møkkelfjellet i Heim kommune i Trøndelag. Oppmøte og parkering på parkeringsplassen nedanfor Øye kyrkje for samkøyring til Valsøybotn klokka 10:00. OBS! OBS! merk tidspunktet! 

Riktig mange fornøgde turdeltakar var med på stavgangturen langs Åsskardfjorden første torsdagen i juni.

I kveld var det eit klassisk lokaloppgjer i fotball mellom Søya/Todalen G9 og Surnadal G9 i strålande solskin og så og seie heilt vindstilt. Men varmen såg ikkje ut til å prege innsatsen til spelarane. Bortelaget kom best i gang i første omgang, men heimelaget kom ganske fort til hektene og kampen jamna seg ut.