Lokaloppgjer på Bordholmen

I kveld var det eit klassisk lokaloppgjer i fotball mellom Søya/Todalen G9 og Surnadal G9 i strålande solskin og så og seie heilt vindstilt. Men varmen såg ikkje ut til å prege innsatsen til spelarane. Bortelaget kom best i gang i første omgang, men heimelaget kom ganske fort til hektene og kampen jamna seg ut. 

I første omgang var det som sagt bortelaget som kom best i gang. Men båe laga produserte mange sjansar, men bortelaget kunne gå til pause med ei knapp leing. 

Andre omgang var jamspelt, og båe laga produserte mange målsjansar. Då dommar Steinar Gjeldnes bles i fløyta for siste gong, viste resultattavla uavgjort, ikkje eit uvanleg resultat i eit lokaloppgjer. 

Det var mykje folk som hadde teke turen for å sjå lokaloppgjeret, noko kioskveretane Anders og Torill var glade for. Dei kunne rapportere om stor omsetning!