Vi fann 104 artiklar i dette arkivet.
I kveld var Start 4H ute og testa fiskelykka i Todalsfjorden. Gudmund K. Kvendset, Finn Ranes, Kjetil Sogge, Laila K. Bergli og Shan Allan Halle stilte med båtar, slik at det vart plass til alle 4H-arane. Todalt var det rundt 20 personar i dei fem båtane som drog ut for å freiste fiskelykka.
Det er Todalen historielag som laurdag 29. mai frå kl 12 og utover inviterer til kulturvandring i Brusetgrenda, frå Bruset og oppover til hengebrua. Kulturvandringa starta på Bruset kl 12, og så går turen innover grenda, med kjente guidar – Ola Bruset, Kristen Bruset og leiar i historielaget John Moe som blir med på turen. På returen går turen nedom Nernesset, der det før i tida var busetting.
I dag er mesta i gang med tillyst utbetringsarbeid på på asfalten på fylkesvegen på 3 plassar. Arbeidet starta i dag tidleg og vil gå føre seg utover dagen på Todalsøra, ved Pilskaret og på begge sider av Brusetbrua. Til saman er det snakk om 2-300 meter som no får eit nytt lag med asfalt.
Laksefisket nærmar seg med stormskritt – i Toåa startar fisket den 15. juni og varer til 15. august. I Surna er dei i gang om ei veke – nærare bestemt tysdag 1. juni går startskotet der. Det er nok mange som stundar til at laksefisket skal starte, og «medan du ventar» har Todalshytta lansert ein flott promoteringvideo i samarbeid med utstyrleverandøren Zpey. Opptaka vart gjort i Toåa i fjor sommar og resultatet – ein videosnutt på 3-4 minutt vart sleppt for eit par dagar sia.
Terje Nordgarden er nå svanger med ein ny singel, IMAFY, som legges ut i disse dager. Terje er godt kjent i Todalen, etter deltakelse på fleire låtskrivarseminar på Todalshytta og for konserter samme sted. Nordgarden jobber med et nytt plateprosjekt og sleipper nå singelen IMAFY, som er med i dette prosjektet. IMAFY er andre singel […]
Trimgruppa i Todalen Idrettslag lanserer, onsdag 26.mai klokka 18:00, sykkeltrim. Sykkeltrimmen er eit lågterskel-tilbod som passar for alle i alle aldrar og uanhengig av utstyr. Trimgruppa tek sikte på å ha sykkeltrim den siste onsdagen i kvar månad fram mot hausten/vinteren.
Nils Gjeldnes har funne eit par solbriller på ein av benkane i Svinvikrunden. Solbrillene vart funne på ein av benkane når du har kome opp bakkane frå Svinvika, og vegen flatar ut. Solbrillene har svart innfatning med blåe glas.
Gåseparet som har hekka på taket av våningshuset i Nilsstua på Husby stakk av i dag. Vi observerte at det kom nye verdsborgarar tilsyne i går, og skjønte at «den store flyttedagen» nærma seg med stormskritt. Vi observerte iallfall to ungar på taket i går, men mora ruga vidare så det vart nok fleire. Men på morgonen i dag, pinseaften, lurte dei oss og stakk av medan vi sjølve var i dusjen.
Det store og ærverdige forsamlingshuset i Stangvika, Bondehuset, vart bygd for 100 år sidan. Dette jubileet blir markert 2. pinsedag med variert program i Stangvika.
Mesta opplyser i ei pressemelding til redaksjonen, at det tysdag 25.mai, frå klokka 08:30, vil gjennomført asfaltering på fylkesvegen ved Pilskaret, ved Brusetbrua og på Todalsøra. Det vil vil i perioden asfaltarbeidet pågår bli redusert framkomelegheit, men med unntak av på Todalsøra vil det vere mogleg med omkøyring.
Ungdommar som fyller 17 år i år og er registrert busett i Surnadal kan søkje på ordninga «Sommarjobb-17». Hovudmålet er å gje ungdommane innsikt i arbeidslivet, og er å sjå på som ein introduksjon til arbeidslivet.
Torsdag kveld spela Søya/Todalen sitt G9 lag sin første heimekamp på Søyabanen denne sesongen. Tidlegare har laget spela ein bortekamp mot Tingvoll. På den andre banehalvdelen hadde heimelaget fått besøk av Bøfjord/Bæverfjord, så dette var eit «klassisk» lokaloppgjer.