Arkiv for mars, 2021

Svorka har sendt ut driftsmelding om sporadioske brudd på leveransen av bredbånd og TV onsdag 31. mars.  Det skjer mellom 08:00 og 10:00 grunnet nødvendig vedlikehold. 

I ei pressemelding frå Trimgruppa i Todalen Idrettslag no i dag, får vi opplyst at Trimgruppa, som ein deirekte konsekvens av smittevernreglane i samband med korona, må avlyse fleire av sine tradisjonelle påskearrangement. Difor lanserer dei «Gunnøydilten over fire dagar» som ein alternativ aktivitet. «Gunnøydilten over fire dagar» har verdspremiere skjærtorsdag og blir avslutta påskesøndag. 

Tysdag 6.april startar Møre og Romsdal fylkeskommune opp arbeidet med sikringa av den gamle dampskipskaia ved Kvanne fergekai. Arbeidet skal etter plana ta fem veker, og vil pågå det meste av døgnet desse vekene. I perioden 6. – 19.april vil fergeavgangane i rute 46, i utgangspunktet gå som normalt, men små forseinkingar på opp mot 30 minutt må likevel påreknast. Dette melder Møre og Romsdal fylkeskommune i ei melding til redaksjonen. 

For femte gong er det klart for svært lokal påskekrim her på todalen.no. Første episode kjem skjærtorsdag og vil forhåpentlegvis sette i gang dei små grå i heimar og hytter under påskehøgtida. Som tidlegare år vil det vere mogleg for lesarane å sende inn forslag til løysing på mysteriet før det blir avslørt 2. påskedag.  […]

Det beramma årsmøtet til Nordvik Båtforening i morgon kveld (måndag 29.mars) er utsett på ubestemt tid. Grunnen til utsettinga er dei gjeldande smittevernreglane som vart innført frå torsdag den 25.mars. Nordvik Båtforening sender ut ny innkalling til årsmøte, når smittevernreglane gjer det mogleg å gjennomføre årsmøter att. 

Sjølv om vêrmeldingane for påskehelga er berre så midti laget så kan vi iallfall skryte litt av palmesøndagen, – og folk har jammen gjort seg nytte av det fine påskevêret.  Mange har nok teke skiene fatt og hatt både Tristeinan og Bjøråskaret som mål, men det er også mange som har teke turen til Toåa tursti, der det var perfekte forhold for å nyte dagen på barmark og i solveggen på gapahuken i Båthølen.

Torsdag 25.mars vart den internasjonale bakelsdagen markert over heile landet. Todalen oppvekstsenter markerte sjølvsagt dagen, men det var i år, på grunn av kononaen, eit todelt arrangement, der 1. – 4. årstrinn steikte bakels ute over bålpanne, medan 5. – 7.årstrinn steikte bakels inne. Det var dei yngste elevane som laga bakelsrøre til alle. 

Ein nærkontakt som alt var er i karantene, har fått påvist positivt prøvesvar etter rutinemessig testing. Dette vart bekrefta no i kveld. Personen er busett i Surnadal. Vedkommande er isolert. Det blir ikkje behov for ytterlegare tiltak eller smittesporing som følge av dette smittetilfellet, står det i ei pressemelding frå Surnadal kommune.

I natt, nærare bestemt kl 2.00 stiller vi klokka fram ein time – til kl 3.  Da blir det sommartid og dermed blir dette døgnet ein time kortare. Sommartida vil gje oss ein time lengre og lysare sommarkveldar.  Det er ofte diskusjon om klokka skal stilles att eller fram, men her er regelen enkel og grei, for klakka skal alltid stilles mot sommaren – fram om våren og attende om hausten. 

Kleivaprisen blir delt ut kvart år på Kleivakvelden under Vårsøghelga sitt utearrangement på Kleiva. Prisen vart første gong utdelt i 1998. Det er styret for Kleivafondet (formannskapet i Surnadal kommune) som tildeler prisen til nokon dei meiner har «gjort eller gjer ein innsats for kultur og bygdesoge på ulønt og frivillig basis» i Surnadal kommune.

I ein epost frå Næring- og utviklingsavdelinga i Surnadal kommune, får vi informasjon om kommunal kompensasjonsordning til lokale verksemder som er særleg hardt ramma av lokale eller nasjonale smitteverntiltak i Surnadal kommune. Informasjon om ordninga og kva kriterium som gjeld kan du lese nedanfor. 

Vanlegvis er det jula ein assosierer med overraskingar i form av gåver, men på ettermiddagen i dag dukka Kari Kvendset og Jorunn Ørsal, frå Todalen Sanitetsforening, opp på Todalen oppvekstsenter med ei skikkeleg overrasking til elevane og dei tilsette. Ei overrasking både elevane og dei tilsette sette stor pris på!