Vi fann 7160 artiklar i dette arkivet.
Kvar tysdag kveld er det barneleik i gymsalen i oppvekstsentret. Frå kl 18-19 er det det for borna til og med 3. klasse, og etterpå er det for 4. – 8. klasse. Denne kvelden var det sirkeltrening, og jammen gikk det fort unna her gitt. Det var full rulle frå apparat til apparat, og den eine sprekare enn den andre.
Det er no ekstremt tørt over heile distriktet, og i ein liten prat med brannsjef Tor Arne Moen, understrekar han kor viktig det er å respektere forbodet mot å bruke open eld på grunn av brannfaren. Han seier at det er veldig lett å gløyme seg, og ei lita glo eller ein liten flamme på avvegar kan være katastrofal.
FM-sendaren på Hjellnes (offisielt namn Todalen 2) har skurra litt i heile januar, utan at noko er gjort for å betre tilhøva. Jon Bruset fortel at han har varsla Nordkring 2 gonger via e-post, og har ikkje ein gong fått svar frå dei. Det kan vel tyde på at FM-sendarane ikkje lenger har høgste prioritet hos Nordkring, som driftar radio- og TV-sendarane over heile landet. Todalen har forlengst fått DAB-sendar på Hjellnes, og mange har nok ordna seg med DAB-radio, men det er framleis mange FM-radioar i bruk i bygda.
På Kvennset var Veidekke Drift fredag føremiddag i gang med utskifting av gamle og fargelause vegskilt. Det var Ragnar Johnsen som hadde fått jobben med å demontere gamle skilt og montere opp spilder nye skilt med dei korrekte fargane på skilta i 50- og 60-sona.
Forbodet mot bruk av open eld gjeld også på kyrkjegardane i kommunen. Inntil forbodet blir oppheva skal kun gravlykter med batteri nyttast.
Onsdag kveld var det bokstaveleg full stopp i Halsasvingen. To repreresentantar frå det lokale lensmannskontoret, med refleksvestar og lysande raudt signal beordra stopp. Her var det berre å stoppe og finne fram med førarkort og vognkort i mørket. Og så vart det blåsing i alkometeret….
Ja, det er oppfordringa til alle som har lyst til å bli med. kvar måndagskveld er det volleyballtrening i gymnastikksalen i Todalen oppvekstsenter, og treninga startar kl 19.00 og varer utover til kl 20.30. Sist måndag kveld var vi innom ein tur for å ta pulsen på opplegget, og da var det 16 ungdommar som kjempa om ballen.
Stabile vêrtilhøve har gjort at det etter kvart har vorte fin is på asfaltplassen på Bordholmen. Idrettslaget har dagleg sprøyta på vatn for å få isen jamn og fin, og no er det mange som brukar isen kvar dag og utover kvelden. På Bordholmen er det også ein del utstyr som er lagt ut til utlån, slik at du får prøve isen uten å kjøpe nytt utstyr. Alt tyder på at det blir fint også i dagane framover, da vêrmeldinga spår opphald og litt kaldare vêr utover veka.
Statistikken for elvefisket etter laks vart frigjeve i fredag. Den viser på landsbasis ein nedgang på 19% i 2013, samanlikna med 2012. Dersom ein samenliknar 2013 med gjennomsnittsfantane sida 2000 er nedgangen på 18% i 2013. Nedgangen er gjeldande for det meste av landet, med unntak av nokre elvar på sørlandet og nokre i Troms. For Toåa er det også stor nedgang, og dersom ein samanliknar laksefisket i 2013 mot 2012 er nedgangen på heile 63,5%. Her må ein imidlertid ta omsyn til at fiskesesongen var nedkorta med 2 veker i starten av sesongen og 2 veker i slutten av sesongen. Fisket i Toåa starta 15. juni og slutta 15. august, mot tidlegare 1. juni til 31. august!
Vi går no inn i siste uka i januar, og kan glede oss over at sola er på veg tilbake. I Todalen er det nok i første omgang i Sissigrenda og på Kvennsetørå at vi hittil har kunna nytt dei første solstrålane, men neste veke vil nok både Smålandsgrenda og Husbygrenda få føling med sola igjen. Og resten av bygda følgjer nok etter kvart….
I neste veke arrangerer Surnadal Sparebank og Surnadal kommune Landbrukskonferansen 2014, saman med Todalen bondelag og Surnadal bondelag. Det skjer på Surnadal kulturhus fredag 7. februar, og har eit rikhaldig og aktuelt program. Konferansen startar kl 9.30 og går fram til kl 15.30. Dei kan by på mange interessante foredraghaldarar gjennom dagen, berre avbote av ein lunchpause under vegs.
Det er ikkje første gongen det er tømmerdrift med helikopter i Todalen, men det er kanskje første gongen at det fraktar ned furu som skal brukast til takspon på stavkyrkjer. Tysdag var det full fokus med både helikopter og mykje pressefolk i Øyalia i ein av skogteigane til Ståle Ansnes.