Forfattararkiv for

Fredag og laurdag har stått i nærbutikkens tegn i Todalen. Dei to dagane har det vore kampanje for å «Handle heime», eller rettare sagt å bruke nærbutikken der du bor. Dette har skapt unormal stor aktivitet i kaffekroken, der direktøren sjølv har servert kaffe og smultringar fredag og bakels med graut som tilbehør til kaffen på laurdag. Johansen bakeri sørga for nykoka smultringar på fredag og Karen Johanne Talgø var innhyra til grautkoking og bakelssteiking på laurdag. Dette vart suksess, fortel Terje Nordvik som sjølv har vore servitør.

Matkroken L.Hals har «Handle heime»-aksjon denne veka. I det høvet har 1.-4. klasse ved Todalen oppvekstsenter teke turen for å sjå på butikken. Etterpå har dei sendt oss mange bilder og litt tekst som e-post: Dei skriv: » I dag fòr vi til butikken for å vise at vi er glad i butikken vår. Butikken heiter Matkroken. Vi tok med teikningar. Vi gav teikningane til Terje. Vi fekk smultringar og brus. 1. og 2. klassen teikna frukt og grønsaker som låg i hyllene. 3. og 4. klassen fann prisane på brød, smør og pålegg. Vi tok bilete saman med butikksjef Terje og kassadama Marit. Vi er glad i butikken fordi:

Onsdag kveld var næringslivsledarar fra Sunndal og Surnadal samla til felles samarbeidsmøte i Surnadal. Det var næringsforeningane i dei to kommunane, saman med Sunndal og Surnadal kommune hadde invitert til samarbeid på tvers av kommunegrensene. Formålet med møtet var å stimulere til større samarbeid når det gjelder samferdsel og felles arbeidsmarknad, der tverrfjordleg forbinding naturlig nok var eit sentralt tema. Talgøsjef Terje Talgø ville gå eit skritt lenger, og foreslo like godt å slå sammen dei to kommunane.

Samanlikna med oktober i fjor har vi i år hatt reine mildvêret. Man samanlikna med fleire år attover, har vi nok hatt ein oktobermånad på det jamne. Jon bruset har oppsummert temperaturmålingane han har gjort heime på Småhjellan, og kan konkluderer med at oktober har vore tilnærma «normal» temperaturmessig. I år var det 8 døgn i oktober med minimumstemperatur under null, med – 3,8 som kaldast. Høgaste temperatur som vart målt er +15,0 grader.

Det var full guffe både på barneleiken og på gubbetrimmen tysdag kveld. Det hadde vært plass til fleire, men dei saom var der kosa seg med ballaktivitetar, og det var ingen problem med å få opp stimen hverken for gammele eller ung. Kvar tysdag startar nemle kvelden med aktivitet for dei yngre, medan det fortsett etterpå med gubbetrim. Og da er det på livet laust, og kamp om ballen skal du tru!

Pionerar frå Rindal, Halsa og Surnadal minnest da kvinnene kom med i politikken. Som kjent fekk kvinnene allmenn stemmerett i 1913, men det var først lenge etter 2.verdskrigen, på 1970-80-90-talet – at kvinner slapp til i kommunestyra utover landet. Slik var det også på Indre Nordmøre. På møte i Indre Nordmøre senioruniversitet 13. november vil kvinnelege pionerar frå Rindal, Halsa og Surnadal samtale – med Eivind Hasle.

Denne veka trør kommunal- og regionaldepartementet igang ein aksjon for nærbutikkane. Gjennom Merkurprogrammet kjører dei i gang tiltak for at folk skal ta helgehandelen heime – der dei bur. Aksjonen går over heile landet, men er spesielt mynta på bygder og grender som slit med folketalet og har problem med å bevare butikken og skulen sin. Matkroken L. Hals er ein slik «sistebutikk», og dei er med på denne aksjonen, fortel Terje Nordvik til Todalen.no.

Vår omtale av Hallarampen for ei tid tilbake, gjorde at den vart rikskjendis. Innvielsen vart behørig omtal i P4-programmet Misjonen sist fredag 1. november. Har du lyst til å høre omtalen er det berre å klikke på linken til P4 og spole fram til 38:00, så kjem du direkte inn i programmet.

Haustfesta markerer sesongslutt for 4H-arbeidet. Da er det tid for å skrive rapport etter at oppgåvene som medlemane har valt er gjorde ferdig, og på haustfesta må det lagast utstilling og leggjast fram rapporten. Det var i år 11 deltakarar som har fullført oppgåva, og det var imponerande å sjå kor mykje arbeid som den enkelte medlem hadde lagt i oppgåvene og utstillingane. Det var eit stort utval i oppgåver, og medan nokre hadde eigne oppgåver hadde andre valt å samarbeide om oppgåvene.

På heimtur fra kaffebesøk hos naboen oppdaga eg skummelt besøk ved redaksjonslokala. Tenkte først på ransbølga i Oslobøgda, men oppdaga fort at dei var meir troskyldinge og vennlegsinna enn som så. Klarte iallfall med litt sjokolade å opprette ein god kommunikasjon med gjengen, sjølv om dei så skumle ut i førstninga. Klarte også å overtale gjengen til å bli med på fotografering, slik at eg fikk sikra meg bevis med eit bilete.

På denne årstida er det nok stor aktivitet på mange «nisseverksted» rundt i distriktet. I Moa-fjøset er det ikkje noko unntak, for der er Magne Søyset i full gang med sine tresløydprodukt. No er han i innspurten, for alt neste helg (8. og 9. november) er han på plass på julemessa i Rindalshuset for å by fram sine produkt, saman med mange likesinna.

Betongrenovering Drift As har no starta monteringa av mastene som skal halde sikringsnettet på plass. Dei er 6 meter høge og er tunge løft som tøyer krankapasiteten til bristepunktet med tanke på rekkevidde. De 3 første av i alt 10 master var komne på plass onsdag, og dei blir no forankra med kraftige virar.