Vi fann 7009 artiklar i dette arkivet.
Sjakk har vorte utruleg populært etter fokusen frå Sjakk-VM. Sist det var sjakkveld på Matkroken var det samla 13 spelarar, og det var stor interesse for å arrangere fleire kveldar, fortel Trygve Halle som er ein av initiativtakarane. Førstkomande søndag (23. 2) vil sjakkgjengen samlast igjen, og det skjer på Matkroken kl 19.30.
Førstkomande søndag (23.2.) arrangerer Todalen historielag årsmøte i ungdomshuset. Årsmøtet startar kl 14, og etterpå blir det vanleg medlemsmøte. Svein Åge Saksen viser filmen «Todalsfjorden minutt for minutt» med lokalkjente kommentatorar. Her kan du laste ned plakaten med fullstendig sakliste, og sjølvsqagt er det traktering.
Med fellesgudsteneste i Stangvik vil kyrkjelydane i Surnadal søndag markere 200-årsminnet for grunnlova.Etter gudstenesta, med både liturgisk og musikalsk innhald som mange vil kjenne seg att i, er det kyrkjekaffe og tilbakeblikk på grunnlovsåret 1814. Råg Ranes vil ta for seg dei historiske hendingane frå den gongen.
Søndag kveld 23. februar er det gudsteneste i Todalen kyrkje, med sokneprest Bernt Venås. Gudstenesta startar kl 19.30. Prekenteksta er denne kvelden frå Matt. 17, 1-9.
Neste torsdag møtes Surnadal pensjonistlag til årsmøte. Det skjer på møterommet til Surnadal sjukeheim, torsdag 27. februar kl 15.00. På saklista står mellom anna vanlege årsmøtesaker som årsmelding, rekneskap og val.
Endeleg kom det litt regn. Den knusktørre vegetasjonen i skog og mark har nok fått litt fukt, og brannfaren er nok redusert på kort sikt. På vêrmeldinga til YR.NO er det i dag meldt litt sludd og snø, men det blir opphald utpå dagen. Natt til tysdag er det og meldt litt nedbør, før det blir opphald og tildels pent vêr. Utover veka er det igjen meldt søraustleg vindretning, så vi kan fort ha same situasjonen med stor brannfare igjen, seier brannsjef Tor Arne Moen i Surnadal kommune.
Det blir sagt at veden varmer fleire gong når ein driv med vedhogst. Det er nok tilfelle, og ikkje minst når ein driv vedhogst. Laurdag var det fleire vi trefte som dreiv med vedhogst, med tanke på å halde varmen neste vinter. Inneværande vinter har nok ikkje gjort så store innhogg i vedlageret, men det er sikkert greit å fylle på igjen. På nyåret har det i alle fall vore fint å drive litt skogsarbeid, med barmark og opptil fleire varmegrader i lufta.
Statland vart plutseleg kjent for alle for eit par veker sia. Undersjøisk ras med stor flodbølge som slo innover land, ga store overskrifter i media over heile landet. I nabobygda Flatanger var det samtid ein stor skogbrann, så det var liksom ikkje måte på kor mykje som skjedde samtidig. Statland ligg på vestsida av Namsenfjorden, mellom […]
Sveen satsar på framtida og utvider både bilverkstad, butikk og den mekaniske verkstaden. Når du er bilforhandlar settes det strenge krav til både bilar, salslokaler og verkstadet, fortel Svein Mogstad hos Sveen Auto. I vinter har det pågått ombygging og utviding av lokalene i Industrivegen, og her skal det bli meir plass og meir praktiske […]
Aldri har det vel vore finare forhold for å avlegge Nauståfossen på Kårvatn eit besøk. På eiga anbefaling tok vi turen laurdag, og frå parkeringsplassen på Kårvatn tok vi turen over brua og innover Myrvangvegen og turistlinja. Vanlige joggesko gjorde jobben godt, sjølv om det kanskje hadde vore betre med fjellsko. Stort sett var det barmark på turen […]
Laurdag blir det trivselsinnslag med cafè på butikken til Kårvatn Fjellutstyr. Ingvild kan by på lun eplekake, oreokake og ingefærte m/Gjeldneshonning – i tilegg til en kaffekopp. Vil du ha fullt utbytte av turen kan du ta med litt ekstra klær og solide sko, og kombinere turen med ein visitt til Nauståfossen i finvêret!
Todalen historielag kallar inn til årsmøte for 2014 søndag 23. februar kl 14.00. Det skjer i Todalen ungdomshus, og med vanlege årsmøtesaker. Saklista kjem seinare. Etter årsmøtet blir det vanleg medlemsmøte, der programmet mellom anna er visning av Svein Åge Saksens video «Todalsfjorden – minutt for minutt med lokalkjente kommentatorar».