Vi fann 7206 artiklar i dette arkivet.
Hjortjakta er ikkje ferdig enno, sjølv om kvotane etter kvart fylles opp. Halla og Husby jaktlag var laurdag på jakt i Husby- og Hallaberga og resultatet vart ein 7-spiring denne gongen. Jaktlaget starta i Petlia og jakta vidare innover lia. I eit av granfelta ovafor Ramsøya tok dei ut denne bukken som fann sin nåde i postrekkja i Glenna innafor Engjavadberget.
Søndag ettermiddag blir det underhaldning med allsong og konsert i Skulstuå. Familien Kvendset – med Randi og Ingebrigt og tre av borna, – Bodil, Hallvard og Alfred vil underhalde oss med song og musikk denne 2. søndagen i advent og startar kl 16.00
Ein skulle tru at det i år er uvanleg mildt til desember å være. Men slik er det faktisk ikkje, skriv Jon Bruset i ein e-post til Todalen.no, der har har teke ein gjennomgang av max- og minimumstemperaturane dei sia 1990. Torsdag registrerte han maksimumstemperatur på +12, 5 på Småhjellan.
Stangvik historielags årsskrift er på plass i butikkane. 60 sider med lokalhistorie frå gamle Stangvik er samla mellom permane, og blir no bydd fram til sals. Stangvik historielag famnar området som fram til 60-talet var ein eigen kommune (unnateke Todalen som har eige historielag) og som derfor har mykje felles historie å ta vare på.
Denne veka har Todalskoret og Åsskard kyrkjekor starta salet av den nye CD’en «Melodiminne». CD’en er ny, men musikken er gammel og velbruka, men vel verdt både å ta vare på og å høre på. Det er Bernt Bøe, som er dirigent for begge kora, som er produsent og som har stått som produsent, og no får du kjøpt den mellom anna på Matkroken Todalen.
Måndag kveld var årets siste ”Kløverstukveld” for i år, med mange tilstades i Fokus-bygget. På denne kvelden er det tradisjon med utdeling av ”Røktarprisen”, som i år vart delt ut for 17. gong.
Tirsdag arrangerte Surnadal pensjonistlag tradisjonell julemiddag på Nordmøre folkehøgskule. Under julemidagen er det også tradisjon å utdele Eldrearbeidsprisen i regi av Eldrerådet. Denne gangen var det ildsjelene i Hyggekroken i Bæverfjord som fikk prisen, som vart delt ut av ordfører Lilly Gunn Nyheim. Reidun Østvik, som er medlem i Eldrerådet har sendt oss en e-post, der hun skriver om prisutdelingen:
I dag var det premiere for breiband via fiber, da Svorka Aksess starta tilkoplinga av abonnentar i boligfeltet på Kvennset. Med hastigheit på over 50.000 Mbit/s er det ei 10-dobling av farten for nedlasting og enda meir for opplasting. Vår billedredaktør for «Dagens Bilde», Mari Redalen, var ein av dei første som fikk nyte godt av den nye breibandsfarten.
Torgdagen på Skei vart ein ubetinga suksess, – og trekte folk i tusenvis. Dette var eit samarbeidsprosjekt mellom Kreativt Furum og Surnadal kulturhus, og Tove Merete Schei og Kartein Telstad var storfornøy både med arrangementet og tilstrøyminga av publikum.
Det går slag i slag med julemesser og julemarked for tida. Laurdag var det på Kårvatn og søndag er det full fart med juletorg på Skei. Det skjer på torgplassen framfor kulturhuset og i sjølve kulturhuset – og på Thon Vårsøg hotell som har dekt eit stort familiejulebord i restauranten. Torgdagen varer frå 12-18 og med 40 utstillarar er det litt av kvart å by på både heimelaga og kortreiste matvarer og husflidsvarer av ymse slag.
Det er no mindre enn ein månad til jul, og førstkomande søndag er det første søndag i advent. For nokre dagar sia trefte vi Toril Redalen på Hageland – nettopp i full sving med å lage ein dekorativ adventsstake. I desember tek ho nemleg fri frå kunstnertilværet, – og blir «sesongarbeidar» på Hageland – og det gler ho seg til, fortalte ho…
Laurdag blir det skikkeleg julestemning både på gammellåven og nylåven på Kårvatn. På gammellåven blir det julemesse, der du kan få kjøpt litt tå kvart av husflid og andre heimelaga ting. Bundingsstikkene har gått i eitt rundt heile bygda den siste tida, så strikkavarer blir det å få kjøpt. Elles er det er stekt lefser, koka mølsgraut og laga røykelaks. I butikken på nylåven er det også julestemning, og der blir det nok diska opp med både kaffe, gløgg, kakao og sjølvsagt nylaga pepperkaker. Muligheiter for litt julegåvehandel blir det nok der og, fortel Laila Kvendset ved Kårvatn Fjellutstyr.