Forfattararkiv for

Torsdag 11. juni møttest Stavganggruppa nedanfor Sjølèet og gjekk derifrå til Haltbakken. Vêret er ikkje det beste, grått og litt småregn, men det betrar seg utover dagen.

10. klassetrinn ved ungdomsskulen i Surnadal har denne veka bruka eit par dagar til å gjera seg kjent i nærområdet. Torsdag trefte vi halvparten av elevane på Gammelfabrikken i Todalen, der dei hadde fått omvisning både ute i parkanlegget og inne i utstillingslokala til Talgø. Denne dagen stod også Vangsgutane og ein tur innom Husby, før turen gikk vidare til gammelvegen i Svinvikkleiva.

Senioruniversitetet har ei årleg utflukt på bedriftsbesøk – denne gongen gikk turen til MøreTres anlegg på Syltøran, med informasjon om bedrifta, produksjonen og litt om historia attafor. Eit trettitals ”seniorar” deltok i utflukta til Møretre, og det var interesserte og lydhøre tilhøyrarar.

Onsdag kveld kunne Skulstuå by på trekkspellkonsert med dei tre entertainarane Jon Bjarne Husby, Odd Arne Halaas og Konrad Nerland. Dei opptredde både kvar for seg og saman, og det vart ein triveleg musikalsk aften, ispedd både allsong og mange gode historier. Eit trettitals publikum fylte Skulstuå og deltok aktivt i allsongen.

Stangvik Historielag, i samarbeid med Turstigruppa på Årnes, skal arrangere «kulturvandring» uti Årnesliene laurdag den 13. juni – med oppmøte/parkering ved «Årnes-gardane» kl. 11.00. Det er nedlagt eit stort arbeid med rydding og merking av gamle stiar uti Årnesliene, og det er oppsett på hundretals med skilt som viser namn på plassar i utmarka frå gamalt av. Turen i år vil fortsette frå der vi på grunn av tidsnød måtte avslutte i fjor, bl a vil den gå om «Trøinn» – eller «Musters-husa» som dei helst blir kalla.

Denne veka startar innbyggjarundersøkinga i samband med kommunereforma. Det er mange som får telefon der du får spørsmål om kommunereforma og har høve til å seie di meining om kva syn du har. Ta derfor telefonen, dersom den kjem!

I dag er det ei veke att til laksefisket startar i Toåa. Det er knytta stor spenning til årets sesong, etter fjorårets sesong på det næraste var ein katastrofe for laks- og sjøaurefiske både i Toåa og dei fleste andre elvane i heile Midt-Norge. Men litt optimisme rår likevel…

Einy Rendal Elgsæther ønska fullsett sal i Todalen ungdomshus velkomen til 170-årsjubileum. – Vi hadde så lys til å feire dette skikkeleg og har invitert gjestar frå både fjern og nær for å feire saman med oss.

Dei to blide damene satt på butikken for Superlotteriet til Todalen idrettslag – det tradisjonelle lotteriet som har trekning under Todalsdagen. Loddselgarjobben skal gå på omgang fram til Todalsdagen som arrangeres 27. juni – altså om 3 veker.

Denne helga går søndagsturen til Svinvika, og blir ein runde i Gammemelvegen. Da har du også ein ypperleg sjanse til å besøke Svinviks arboret i same slengen. Der er blomstringa på topp no, og heile hagen står i full flor. Her kan du også ta deg ein kaffepause i arboretet kaffeteria.

Venner av Skulstuå inviterer til musikalsk aften onsdag 10.juni kl. 20.00 i Skulstuå. Tre habile trekkspelkarar underheld både med fengande musikk og ikkje minst gode historier mellom kvar melodi! Odd Arne Halaas (med aner frå Todalen) og Konrad Nerland har begge spela i Skulstuå tidlegare, og gler seg til å koma att!

Det vart ein fenomenal konsert på Gammelfabrikken onsdag kveld , og over 150 nytta høvet til å få med seg denne happeningen. Og det er da heller ikkje kvar dag ein får ein slik artistgalla på scena – her stilte nemleg Asle Beck, Terje Nordgarden, Amund Maarud, Claudia Scott, Jeff Wasserman, Johanna Demker og Alf Bretteville på scena på ein og same kveld! Og du kan snakke om stinn brakke! Publikum var med frå første tone, og gjennom 2 ½ time – heilt til ekstranummeret var slutt.