Vi fann 7171 artiklar i dette arkivet.
Tidlegare i haust fekk Talgø MøreTre Verdiskaparprisen som Sparebank1 Nordvest og Tidens Krav står attaføre. Prisen som er på kr 100.000, vart delt ut på verdiskaparkonferansen i Kristiansund. I førre veke fekk konsernsjef Terje Talgø overrekt overrekt det handfaste beviset.
No er det klart for å presentere vinterens turmål for StikkUt ski. Rundt om kring i Surnadal kommune er det 6 postar, der lysløypa på Tjønnmyran er ein av postane. Det er opna for registrering 15. desember, og alle StikkUT-postane er lagt til oppkøyrte løyper som er egna for både born og vaksne.
Det er nok mange i lesarkretsen som har fått si utdanning på Nordmøre husmorskule. Einar Oterholm har samla historia til skulen mellom to permar, i boka «Historia til Nordmøre Husmorskule» har han samla 157 sider med historie og gamle minner frå skulen i tidsrommet 1921 til 1977. Fredag 15. desember frå kl 10.30 og utover, vil forfattaren være på plass på Matkroken Todalen for salg og signering av boka.
Laurdag var det salspremiere for den nye bygdeboka for Stangvik og Kvanne (Bind 2). Forfattarane sjølve, Norunn Holten og Siv Oddrun Snekvik var på plass på Coop Extra i Surnadal for å selge den nye bygdeboka, og dei rapporterte om skikkeleg respons på den nye boka.
Det er tidligere kjent at Talgøkonsernet står framfor store investeringer dei komande åra – godt over hundre millionar fram til 2020. Denne veka blir det montert nytt automatisk kappanlegg i elementfrabrikken i Todalen som eit første trinn – over nyttår kjem montering av ny og automatisert elementjigg på plass – ei produksjonslinje for rasjonell elementmontering
Todalen sjakklubb er frampå igjen med ny kveld på Matkroken – med oppmøte søndag kveld 10. desember kl 19.30. Anders og Terje som har vore initiativtakarar håper på betre oppmøte enn det har vore tidlegare i haust, og det må også takast ei avgjerd om det skal bli turnering på etterjulsvinteren og utover våren. Er […]
Desember er tid for julekonsertar – både i kyrkjehus og andre plassar. For prosjekt 17-koret er det ikkje noko unntak, for dei ligg no i hardtrening fram til julekonsertane i Todalen kyrkje og i Åsskard kyrkje no søndag 17. desember. Det er enno halvanna veke att, og no er det hardkjør med øvingar.
Sprengningsarbeidet og utvidinga av vegen i Kufalla går unna. Det er Vatn Maskinstasjon som har kontrakt på arbeidet med å trygge vegen forbi Kufalla, der deler av vegen har rasa ut. Oppsynsmann Gunnar Bøe i Surnadal kommune seier til Todalen.no at dei sett alt inn på å gjenopne vegen før jul.
Det er nok mange som spekulerer på kvifor det er gravd opp eit stort og djupt hol i asfalten framfor Matkroken. Det har nemleg danna seg eit lite synkehol framfor butikken, og det har skjedd i samband med sammenkopling av avløp frå fleire takrenner og hovudavløpet som har eit knutepunkt der.
Det er ein etablert tradisjon at julegrana i Brusetmarka tennes 1. søndag i advent. Slik av det også i år, og seremonien kom akkurat mellom to regnbyger da dei fleste innbygjarane frå Bruset til Kårvatn var samla til julegløgg og anna godt i samband med julegrantenninga.
Det var mange som trossa regnvêret og tok turen til Skei, der det var både juletorg og julemesse. Ved kulturhuset var det juletorg både inne og ute, med Surnadal kommune og Kreativt Forum står som arrangør. I Gammelsamvirkelaget var det tradisjonell julemesse med Surnadal husflidslag som arrangør og eit stort utval i husflid av ymse slag.
Til tross for at det nærmar seg travel julestrid var det bra deltaking på laurdagens strikkekafé i Sanitetshuset. Alle som har lyst kan kome og være med på strikkekafé og har du lyst kan du også ta med bundingen din eller anna handarbeid. Praten gjekk iallfall lett rundt bordet og da vi var innom var det dekking til kaffeservering og tid for ein liten kaffepause.