Forfattararkiv for

Søndag ettermiddag inviterte Prosjekt 17-koret til julekonsert. Først i Todalskyrkja kl. 15, og så i Åsskard kyrkje utpå kvelden. For den som ikkje har fått det med seg, så er Prosjekt 17-koret fortsettinga av Todalskoret, Åsskard kyrkjekor og Bøfjord mannskor. Før dirigenten for dei 3 kora pensjonerte seg, var korsongen ein del av organistjobben i Stangvik prestegjeld, men no er dette omorganisert. – Spesielt for konserten var P17-koret forsterka med strykeorkester, og med Sigrid Vetlesæter Bøe (sopran) og Torunn Kroknes (mezzosopran/alt).

Julaftan – 24. desember – blir det tradisjonell gudsteneste i Todalen kyrkje. Det er Kirsti Hjørnevik som held gudstenesta, som startar kl 14.00 – ein halv time seinare enn tidlegare annonsert i kalenderen.

I dag tidleg var det utforkøyring på Nordvik. Surnadal og Rindal lensmannskontor hadde folk på staden, og lensmannsbetjent Ola Dalsegg fortel at det var kun mindre materielle skader på bilen. Føraren vart imidlertid sent til rutinemessig sjekk på legevakta, men kom uskadd frå uhellet.

Tidlegare i haust fekk Talgø MøreTre Verdiskaparprisen som Sparebank1 Nordvest og Tidens Krav står attaføre. Prisen som er på kr 100.000, vart delt ut på verdiskaparkonferansen i Kristiansund. I førre veke fekk konsernsjef Terje Talgø overrekt overrekt det handfaste beviset.

No er det klart for å presentere vinterens turmål for StikkUt ski. Rundt om kring i Surnadal kommune er det 6 postar, der lysløypa på Tjønnmyran er ein av postane. Det er opna for registrering 15. desember, og alle StikkUT-postane er lagt til oppkøyrte løyper som er egna for både born og vaksne.

Det er nok mange i lesarkretsen som har fått si utdanning på Nordmøre husmorskule. Einar Oterholm har samla historia til skulen mellom to permar, i boka «Historia til Nordmøre Husmorskule» har han samla 157 sider med historie og gamle minner frå skulen i tidsrommet 1921 til 1977. Fredag 15. desember frå kl 10.30 og utover, vil forfattaren være på plass på Matkroken Todalen for salg og signering av boka.

Laurdag var det salspremiere for den nye bygdeboka for Stangvik og Kvanne (Bind 2). Forfattarane sjølve, Norunn Holten og Siv Oddrun Snekvik var på plass på Coop Extra i Surnadal for å selge den nye bygdeboka, og dei rapporterte om skikkeleg respons på den nye boka.

Det er tidligere kjent at Talgøkonsernet står framfor store investeringer dei komande åra – godt over hundre millionar fram til 2020. Denne veka blir det montert nytt automatisk kappanlegg i elementfrabrikken i Todalen som eit første trinn – over nyttår kjem montering av ny og automatisert elementjigg på plass – ei produksjonslinje for rasjonell elementmontering

Todalen sjakklubb er frampå igjen med ny kveld på Matkroken – med oppmøte søndag kveld 10. desember kl 19.30.  Anders og Terje som har vore initiativtakarar håper på betre oppmøte enn det har  vore tidlegare i haust, og det må også takast ei avgjerd om det skal bli turnering på etterjulsvinteren og utover våren.  Er […]

Desember er tid for julekonsertar – både i kyrkjehus og andre plassar. For prosjekt 17-koret er det ikkje noko unntak, for dei ligg no i hardtrening fram til julekonsertane i Todalen kyrkje og i Åsskard kyrkje no søndag 17. desember. Det er enno halvanna veke att, og no er det hardkjør med øvingar.

Sprengningsarbeidet og utvidinga av vegen i Kufalla går unna. Det er Vatn Maskinstasjon som har kontrakt på arbeidet med å trygge vegen forbi Kufalla, der deler av vegen har rasa ut. Oppsynsmann Gunnar Bøe i Surnadal kommune seier til Todalen.no at dei sett alt inn på å gjenopne vegen før jul.

Det er nok mange som spekulerer på kvifor det er gravd opp eit stort og djupt hol i asfalten framfor Matkroken. Det har nemleg danna seg eit lite synkehol framfor butikken, og det har skjedd i samband med sammenkopling av avløp frå fleire takrenner og hovudavløpet som har eit knutepunkt der.