Forfattararkiv for

I vinterferien blir det open svømmehall, melder Surnadal kommune på sine facebook-sider.  Det vil seie at svømmehallen er open 18. – 20. februar – tysdag, onsdag og torsdag som vist nedafor:

No er krydderblanding Gastromat på plass i butikkane igjen. Det vart ramaskrik i fjor vinter da spesialmaskina som lagar den populære krydderblandinga havarerte.  Det viste seg at det tok mesta eit år å få laga ei ny maskin, og i mellomtida har hylleplassen stått tom for Gastromat i butikkane.

Onsdag 19. februar arrangerer Eiksentret skogdag, der dei inviterer skoginteresserte til å kome for å sjå og prøve skogsutstyr til alle slags skogsdrift.  Intensjonen er at folk skal få litt fagleg påfyll og ikkje minst at dei skal få høve til å treffe andre «likesinna» som kanskje kan by på både erfaring og kunnskap.

Husby og Halle vasslag informerte seint i går kveld om påbud om koking av drikkevatn frå vassanlegget i Lauvåa.  Det er langt i frå noko dramatisk som har skjedd, men Svorka energi hadde seint i går kveld havari på ein transformator ved Husby.  Dermed var Husbygrenda utan straum og straumbrotet stoppa UV-anlegget brønnhuset. 

Todalen idrettslag kallar inn til årsmøte i Todalen ungdomshus tysdag 31. mars 2020 kl 19:00 – med vanlege årsmøtesaker på agendaen.  Endeleg sakliste med tilhøyrande dokument vil bli offenleggjort ei veke før årsmøtet.

Kyrkja i Surnadal inviterer til fellesskapskveld i Kyrkjelydshuset, 1. etg.,  torsdag 20. februar i tidsrommet 19.00 – 20.30.

Det var nok knytt litt spenning til ekstremvêret Elsa i natt og i dag. Etter meldingane skulle stormfloa være på sitt høgste kl 12.32 på tysdag. Det var ho nok også, men i det stille og fine vêret gikk det veldig fint for seg.  Vi var ute med kamera, og har knipsa fleire bilder rundt […]

Endeleg er det klart for ungdomscamp igjen!  For deg mellom 12 og 23 år som har lyst til å prøve, eller vil utvikle deg vidare innan Randonéesporten.  – Vi har vore så heldige å få Vegard Øie frå Randonéelandslaget som instruktør denne helga. Han kjem direkte hit frå verdenscuprenn i Tyskland, fortel Gudmund Kårvatn til Todalen.no

I dag har det vore stor flo, men det er nok berre ein forsmak på stormfloa som kjem i natt og i morgon ettermiddag, skal vi tru yr.no sitt ekstremvarsel som gjeld meir eller mindre heile kysten. I ekstremvarselet blir vi anbefalt å sikre verdiar i flomålet, da vannstanden kan bli opptil ein meter høgare enn normalt her ifølge varselet.

Surnadal Pensjonistlag kallar inn til årsmøte på sjukeheimen tysdag 25.2. kl 1500.  Vanlege årsmøtesaker. Etter årsmøtet blir det underhaldning, servering og loddsalg.  Vel møtt! Surnadal pensjonistlag er medlem i Todalen.no

Indre Nordmøre Forsvarsforening vil minne om årsmøtet, som holdes på Hammerstuene, Surnadalsøra fredag 14.02. kl. 13.00. I starten av møtet blir det foredrag ved Nils E Naastad, tidligere førsteamanuensis ved NTN/PLU i Trondheim.

UKM – Ungdomens Kulturmønstring – som blir halde i kulturhuset 14. mars, skal vere ein møteplass der ungdom skal få vise fram det dei brenn for, vera det seg scenekunst, dans, film, litteratur, musikk – og lista er lengre enn lang, så vi tek sats og held fram: …teater, visuell kunst, spillutvikling, film, musikk, street dance, kunst, og kva det elles kan vere du syslar med! Du har litt tid til å melde deg på, men du treng absolutt ikkje vente heilt til søndag 1. mars – for dette må du få med deg! Påmeldinga gjer du på ukm.no.