Forfattararkiv for

Mest truleg blir KNT kjøpar av Innerdal Turisthytte, når Iver og Torill Innerdal no vil selje Innerdalshytta – som er livsverket deira i Innerdalen. Kjøpar blir KNT – Kristiansund og Nordmøre turistforening, dersom ekstraordinært årsmøte den 8. februar gjev si godkjenning. Kjøp av Innerdalshytta er einaste sak på dagsorden.

Ei rumpetaske for skismøring vart torsdag funne på strekninga mellom Todalskysset og Todalen  – og er levert inn som hittegods hos Matkroken i Todalen.   Er det du som har mista utstyret så er det berre å stikke innom butikken så kan det ligge an til gjenforening!

Hos Norsk Tipping er det høve til å tilgodesjå lag og organisasjonar med ein såkalla grasrotandel. Det er du sjølv som bestemmer kven som skal tilgodesjåast, og det er 7,5% av speleomsetninga hos Norsk Tipping som blir bruka på den måten. Lag og organisasjonar kan registrere seg hos Norsk Tipping og bli godkjent som mottakar av grasrotandelen.  Her i Todalen er det Todalen Idrettslag som toppar tabellen, og tok i mot kr 39.160 i grasrotandel i fjor. 

På regjeringas pressekonferanse i dag vart vi informert om at dei vidarefører dei fleste tiltaka for å begrense smittefarenn.  Men det blir gjort enkelte endringar for å lette på enkelte tiltak – mellom anna blir det atter høve til å ta i mot besøk heime med inntil 5 personar dersom du har plass.  Men 1-metersregelen gjeld framleis! 

Statens naturoppsyn felte ein jerv i samband med skadefellingsoppdrag i Trollheimen. Det skjedde i Vassdalen som ligg i Snota-massivet, og det vart bruka helikopter under oppdraget.

Natt til torsdag var nok den kaldaste natta så langt i år, med 14,4 minusgrader på gradstokken i 7-tida og 14,9 som minimumstemperatur i løpet av natta.  Kaldvêret skal fortsette vidare utover til laurdag, men frå søndag blir det etter kvart mildare skal e8in tru på vermeldinga på yr.no.

På dagens sprintkonkurranse i randonee på Voss sikra Erik Kårvatn seg 3.-plassen og dermed pallplass i Seniorklassen.  Ein imponerande innsats av junioren som blir 18 år om eit par månader. Dagens konkurranse gikk i Bavallen på Voss, der det var 20-30 cm nysnø og fine løyper og tilhøve elles, fortel Erik til Todalen.no

Hennie Kvendset Fiske er ny laurdags- og søndagshjelp på Matkroken i Todalen.  For deg som ikkje kjenner Hennie så kan vi fortelje at ho har mykje todalsgener i seg, men ho har vakse opp på Kvanne – nærare bestemt i den gamle doktorbustaden der dr. Folsland heldt hus.  Hennie skal være laurdagsvikar og ha kioskope enkelte søndagar – og så er det plana at ho skal være sommarvikar når det lir så langt. 

I helga er det sesongstart for randonee-sesongen, der Viljar IL står som arrangør for Norges Cupen som foregår i Myrkedalen laurdag og i Bavallen i Voss på søndag.  Her er det konkurrerert i induviduellt på laurdag, og søndag er det sprint som står på programmet.  Frå den lokale klubben Trollheimen Fjellsportklubb var det to deltakarar i dagens individuelle konkurranse – Kristoffer Nordvik og Erik Kårvatn, som begge hevda seg bra med 5. og 6. plass. 

Odd Rune Hoem og gjengen i Surnadal Alpinsenter har nytta kaldvêret godt og har fått etablert ein skikkeleg såle med kunstsnø frå mast 7 og ned til stasjonen.  Dei har vore i full sving både dagar og kveldar, og snøkanonane har produsert mykje snø.  Frå mast 7 og ned er det no rundt 1 meter med kunstsnå, og det skal halde til ein skikkeleg såle.  Søndag er det plana å opne anlegget frå 7-ern og ned, og da blir snøproduksjonen flytta til øvre del av anlegget, fortel Odd Rune.  

I innspurten mot juleferien dukket det opp en utfordring der det ble stor fokus på testing og brannklassifisering av overflatebehandlet kledning. For Talgø MøreTre sin del så gjelder dette royalkledning som produseres på anlegget i Surnadal, sier salgs- og markedssjef Bjørn Hauglann til Todalen.no.  Talgø MøreTre setter nå i gang med grundig testing og kartlegging av sine produkt, skriver Talgø MøreTre i en pressemelding i ettermiddag. 

Det blir igjen besøksrestriksjonane ved Surnadal sjukeheim som ein konsekvens av nye nasjonale innstrammingar i perioden 4 – 18 januar.  Her vil ein følge nasjonale tiltak og anbefalingar
For sjukeheimen sin del gjeld følgjande vedr. besøk i denne perioden:
– Vi hevar beredskapen og stenger dørene.
– Besøk skal gjerast avtale om, og vi fører besøksprotokoll.
– Generelt gjeld at vi begrensar antal besøkande i perioden. Det vil bli prioritert besøk til alvorleg sjuke og besøk ein ser på som nødvendig.
– Andre forespørslar vil bli vurdert. Der vi ser at risikoen er låg, dvs at de ikkje har vore i kontakt med andre i jula som har medført ein auka smitterisiko, så kan vi åpne for at de får koma på besøk.